السلام عليكم و رحمة الله و بركاته
خواتي الغاليات
الى كل من تعاني من خمول أو نشاط الغده الدرقيه
تفضلي هنا .. و افيدينا .. بتجاربج .. و العلاج اللي استخدمتيه .. الدكتور اللي عالجتي عنده ..
و ماذا عن وزنج ,, زاد او نقص عقب العلاج .. و شو عن حالتج النفسيه .,//
بتكلم عن نفسي
انا كنت اعاني من خمول الغده الدرقيه من 4 سنوات تقريبا في حملي الاول .. و ماكنت انتظم فالمواعيد .. لاني ما كنت احس باي اعراض جانبيه .. بس انتفاخ بسيط فالرقبه .. و يدوب يتلاحظ ..
عقب الولاد اختفى الانتفاخ و نسيت السالفه ..
في حملي الثاني ظهر الانتفاخ .. و عقب الولاده ما اختفى الانتفاخ ..
المهم
سرت المستشفى قرروا لي الاطباء عمل استئصال للغده الدرقيه , و سويتها الحمدلله .. في مستشفى توام .. عند الدكتور كنعان ..
طبعا انا مسويه العمليه من شهر .. عطوني حبوب الثايروكسين 75 ملغرام ,, و صابني خمول شديد و زياده فالوزن, تقريبا زاد وزني كيلوين عقب العمليه بشهر .. سرت المستشفى و زيدوا لي جرعت الثايروكسن الحين اخذ 100 ملغرام .. بس الخمول بعدني احس به ,, الله يعين و يستر ..
و اتمنى من اي وحده سوت عملية استئصال للغده الدرقيه اتفيدني .. هل اذا زيدت كمية الثايروكسين بينقص وزني و بيخوز عني الخمول ..؟ ولا حسب طبيعة الجسم ..؟؟