واتاسف جدام الجميع لهالغلطة
المساامح كريم مابتقصر الاخت بتساامحج
المساامح كريم مابتقصر الاخت بتساامحج
انا مخطوبة من شهرين ويوم يوا الريايل يخطبون اتفقوا مع اهلي ان العرس بالصيف وما حدودوا الملجة على اساس قبل العرس بفترة……… امس خطيبي يقولي انه قرر هو اهله ان العرس على شهر 2 الياي والملجة بالصيف ….. طبا انا انصدمت اصلا لا خبرني ولا حتى على الاقل اخذ رايي انا خبرته لا انا من رايي اول شي نخبر اهلي لانو من حقهم يعرفون وتخبرهم انو عندك ظروف وما تقدر تعرس بالصيف وخليها للصيف الياي اما انا علشهر 2 انا ما اريد يكون العرس بشهر 2 او خلال السنه اباه بالصيف رد علي وقالي اصلا مستحيل املج شهر 4 واعرس شهر سبعة مستحيل يبالنا وقت وانا ما يناسب اهلي اسوي هالصيف وانتي ما يخصك العروس ما تتدخل بتحديد العرس واهلها هاشي من حق اهل المعرس وتم يصرخ علي وسكر التلفون الحين بنات منو الغلطان انا طلبت منه بس على الاقل خلي اهلي بالصورة مو اكثر انا شو اسوي؟؟؟
من امس ماكلمني ولا كلمته لا وبعد خبر اهلي انا وضعي المادي اوكي واقدر باي وقت تريدونه ليش الحين تغير رايك انا شو اسوي بنات منو صح منو غلط والله محتارة اكلمه ولا ما اكلمه ولا تم جي دولووووووووووووووووووووووووووني على الحل الله يستر عليكم بنات جزاكم الله الف خير
احس عمري مخنوووووووووووووووقة والله دموعي من امس مو راضية توقف يارب رحمتك وفرجك قريب يارب
استغفر الله العظيم
استغفر الله العظيم
استغفر الله العظيم
الله يعينج و يفرج عليج يا اختي و ان شاء الله تعالى هالمشكله تنحل
اصبري اختي اصبري، استغفري الله و اذكريه أكثر و أكثر
و ان شاء الله تعالى بيسهل أمرج و بيحل مشكلتج
الغلا، كل زوجين تحصل بينهم مشاكل و محد مرتاح، و بالأخص في أمور الزواج ياما
تستوي مشاكل و خلافات ، و لكن جل ما علينا الانتظار و الصبر و دعاء رب العالمين
لا اظيجين بعمرج يا اختي كل مشكله و لها حل،
اصبري و استغفري الله و ربي يتمملج على خير و تكونين قرة عين ريلج و يكون قرة عينج يارب العالمين
وان شاءالله تلآقون الحل اللي ينآسب الطرفين ،، ومحد يظهر زعلآن ،،
قومي قيآم الليل واستخيري ربج يمكن سبحآن الله يكون خير لج ،،
واستغفري ربج باستمرآر ،، والله يفرجهآ عليج ان شاءالله ،،
الله يعينج يالغلاا وانتي مااغلطتي ابداا والله يصبرج اليوم الجمعة ادعي ربج يسهل الاموور
وخلاص توكلي ع الله يمكن هو عنده ظرووف فماا حب يبيين لكم وشارييج ف قال لكم من البداية بس حس
انه صعب يسويية بالصييف
يمكن هو مضغووط من هله والله يفرج همج يارب
وإن شاء الله الله يوفقج ويسعدج وتكونين قرة عينه ويكون قرة عينج ^^
][ro7 al7b][
:22 (5):يقولكم في بنت الله يستر عليها كانت …….. …….
جوعانه ..من كثر جوعها قامت واتصلت على المطعم اللي بجنبهم . . . مسكينه
ماتدري انها بدل ماتتصل على المطعم اتصلت على شقة شباب بالغلط ..المهم
رد عليها الشاب صاحب الشقه طبعاً ماصدق الولد خبر بنت وغلطانه
المهم الولد بداء يجرجر البنت وسألها عن العنوان والبنت ياغافلين لكم الله
واهي الصدق ماقصرت عطته العنوان وتليفون البيت اذا جاء يتصل الحي الفلاني
..والشارع الفلاني والبيت لونه كذا وأنا اسمي فلانه مابقي شي ماقلته …
…المهم بعد ساعه وصل الشاب طاير ماهو مصدق بالخبر …
ودق جرس البيت اللي تسكنه البـــنت فتحت الباب الخبله
الا و هالولد جايب معه :
كيس (عيش)
قالت له أنا ما طلبته
رد عليها الولد :
وقال اقرئي المكتوب على كيس يالكيس
تعرفون إيش اللي مكتوب لها :
انزلوا تحت
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
بعد شوي
v
v
v
v
v
v
v
v
راح تشوفون كلام الله يستر
v
v
v
v
v
v
v
v
v
v
v
v
v
v
v
v
v
v
v
v
v
v
v
v
انا تعبتكم صح ادري بس انا قاصده الى متى الجلسه تحركو رياضه لكم
v
v
v
v
v
v
v
v
انزلوا
v
v
v
v
v
وصلنا بس بعد شوي
v
v
v
v
v
v
v
v
v
v
v
v
10
9
8
7
6
5
4
3
تدرون مافيه لا2 ولا 1 ياله اختصرنا لكم
((((( استحي على وجهك ….واطبخي بنفسك يالخبله ))))))
هههههههههااااااااااااااااااااا ااي
~ً{ ـأالسلام عليكم ورحمه الله وبركاآته …
مسـاـأكم // صبـأـاحكم .. معطر بذكر الرحمن . وبطـآعتهـ .. ،
شحالكم يا خواتي عضوات منتدآنآ ـألغالي … ،
.‘
ـآاليوم عندي سآلفه وحبيت ـآتشآركوني برآيكم فيها …
وـآعذروني اذا بطول عليكم … بس لاني ابغيكم تفهمون ــآلسآألفه عدل ومآتكون مبتروه .. بآآلتالي ـآقدر أحصل على ـالمشوره ـآالنافعه بإذنه تعالى …
فهاتووا ـلكم شي تشربونه وحطوه عدآلكم وانتوا تقرون
بنات قلت لكم الموضوع طويل فاللي مب حابه تقراه لين الاخر وبتعلق بكلام وهي مب فاهمه السالفه او بتعلق بكلام يضيق الخلق لاترد الله يوفقكم ويسعدكم لاتضايقوني بردودكم .. فاقولها مشكوره اختي ع دخولج الموضوع. ..
.‘
سالفتي يا طويلات العمر .. هي ويا ربيعاتي (2 منهم)
سالفتي الاولى ويا ربيعتي ونفرض اسمها (س~) وسالفتي ويا ربيعتي الثانيه بكتبها مره ثانيه لانه هالسالفه بروحها طويله وما اباكم تملون .. اباكم تقرون لين النهايه وتساعدوني ..،
.‘
اتعرفت عليها اول مادشيت الكليه ولا وحده من ربيعاتي فالمدرسه دشت وياي الكليه فماكنت اعرف حد اتعرفت على (س~*) فكانت هي ربيعتي الروح بالروح .. انا بطبيعي ماقدر بسرعه اتقلم ويا اي حد مع اني من النوع اللي يحب يسولف وغيره بس مب كل حد يدش خاطري واتقبله انها تكون ربيعتي ..يعني مممكن اسولف بحدود شحالج شخبارج ؟ وينج وجيه بس مب اكثر …
واتعرفت على بنات غيرها بس هيه كانت بالنسبه لي صديقتي الروح بالروح .. ولانه هيه عندها ربع من ايام المدرسه طبعا وساعات تسير وياهم ولاني ماعرفهم فما كنت اسير وياها حاولت كذا مره فحسيتهم انهم لاهم من ثوبي ولا انا من ثوبهم فهي يوم تسير عندهم اقضي الوقت بروحي او ويا بنات كلاسي ..،
.‘
عقب اول سنه اللي هيه الفاونديشن هي اختارت تخصص وانا تخصص .. فكنا نتلاقى فالبريكات ساعات
يوم انا اتصل فيها او اروح لها البلوك مالهم .. حتى من كثر ما اروح لها كنت تعرفت على بنات وايد من تخصصها مب بس من سنه اولى !! لا سنه 2 و 3 لانهم هم قسمهم جيه كل السنين ويا بعض في نفس البلوك ..وكنت اسولف وياهم واذا طافت مده وماشافوني يقولون لي وينج انتي وماتمرين وماعرف شو …كانت ساعات يوم تحتاي بيزات مثلا ولا تكون ناسيه بوكها اون ناقصتنها بيزات وتبا تسير الكوفي تمر عليه واقولها شلي البوك وسيري لو كان عندي كلاس مثلا وماكنت اقدر اسير وياها ..وكنت ساعات اطلب منها مثلا توديني اشتري لي شغله من مكان او ساعات نسير نطلب لنا غدا من برع الكليه ونيلس ناكل فالسياره . يعني وايد مواقف بينا كخوات وكربيعات كل وحده ستر وغطى للثانيه .. يعني لو بوصف علاقتي فيها قبل مابقدر اوفيها حقها هالعلاقه ..انا وايد من النوع اللي ممكن اي على نفسه عشان مايخسر شخص يعزه ..،
.‘
طبعا هيه كونت لها شله بنات كانوا دارسين ويانا في سنه اولى بس علاقتنا انا و(س~) فيهم ماكانت قويه وخاصه وحده منهم انا مووول ماكنت احب تصرفاتها ومن الكلام اللي كنت اسمعه عنها الله يستر علينا وعليها … هالبنات من تخصصها وكانت دوم تسير وترد وياهم بحكم انه بروجكتاتهم ويا بعض وبحكم انهم استوا ربع ..عقب فتره هي ابتدت تتغير ماقامت تسال ولا تنشد الا اذا انا اتصلت او اذا انا سرت عندها … ومره صار بيبني وبين وحده من بنات شلتها اللي خبرتكم اني ما ادانيها تج وجدام بنات تخصصهم كلهم ربيعتي وقفت تطالعنا انا وهذيج بدون ماتدافع عني !! مع اني ماسرت صوب هذيج ولا رمستها من الاساس هيه اتحرشت فيني وانا بطبعي ماحب اسكت يوم حد يغلط عليه ولا ينغزني برمسته .. وعقب عاتبها على هالشي فقالت لي اونه انتوا ال 2ربيعاتي ماقدر اوقف في صف وحده وتزعل الثانيه .. قلتلها انا ربيعتج من قبل ماتكون هاي ربيعتج .. المهم طافت هالسالفه وخلصنا سنه اولى .. طبعا انا في هالسنه اتعرفت على بنات يداد وكانت من بينهم ربيعاتي الثانيه (ص~)حتى من كثر ما كنت امدح (س~)وطبيعه علاقتي وياها كنت احس ساعات هالشي مايعيبهم …
.‘
مرت سنه 2 و صلنا لسنه 3 .. طبعا يوم عن يوم اتصالها يقل سؤالها يقل ماتتصل واذا انا اتصلت ماترد عليها ساعات ولا ترد تتصل يعني انا اللي دوم كنت اتصل …لدرجه انه مره في سنه 3 طرشت لها مسج من كثر ماكنت منقهره منها كتبت لها كلام بما معناه اني ما ابا صداقتها خلاص والله يوفقها فحياتها .. ردت عليه شو هالكلام وماعرف كيف وانتي ربيعتي بس انا ماعندي رصيد ولا مشغوله ولا ماعرف شو
وانا اعرف هالبنيه لو هيه تبا بتتصل حتى لو ماعندها رصيد تقدر تطرش كول ركوست وكنت دوم اقول انه اللي يبا الصلاه ماتفوته ..
.‘
الى ان وصلنا في يوم كنت اعرف وحده وهالوحده تشتغل في مكان يحتاج لكستمر عشان تقدم لهم عروض المكان اللي هيه تشتغل فيه فعطيتها رقم (س~)وعقبها اتصلت في (س~)قلتلها ترى فيه وحده بتتصل فيج وجذيه بس ماقلت لها انها ربيعتي بس تعرف انها من صوبي واني ارمسها ساعات.. طبعا انا علاقتي في البنت وايد قويه الحمد الله والله لايغير علينا … فهي ساعات تسالني عن (س~)فكنت اقولها نحن كيف كنا وكيف صرنا ومن هالكلام .. فانا وربيعتي هاي اتفقنا ع اساس انها هيه تكلمها وتسحب منها كلام ليش هيه متغيره عليه ..
طبعا هذيج ماصدقت ماخلت شي ماقالته مع انه هي ماتعرف هالانسانه ولا هي ربيعتها بس كانت قبل بينهم اتصالات وكانت ربيعتي تتصل في هاي بس عشان تعرف هيه ليش متغيره يعني هيه ماتبغي تصادقها ولاشي !! ورمست عني جيه ..
.‘
المهم فسحبت منها كلام والله لين يومكم هذا مب مصدقه انه هذيج قالته !! اتخيلوا اتقولها شغلات 3 ارباعها غلط !! ا
مثلا :
*اني اغار من ربيعاتي >> وهالشي غلط
*واني ماحب ايلس وياهم >> انزين انا ماعرفهم مب مجبره اني اتعامل وياهم بس هذا مب معناته اني اغار منهم ..
*واونه اهلي مايحبونها مع انه هالشي مب صح .. (لانه مره صار موقف فهي اتحرت انه اهلي مايحبونها ودوم تسالني اهلج شو يقولون عني اكيد يكرهوني فاقولها لا مايكرهونج دوم كنت اقولها هالشي بالعكس هم يستغربون يوم ما ارمسها )..
* ما اطلع وياها واسير اتحوط وماقدر ازورهم في بيتهم ( انزين شسوي انا اهلي عرب ومن النوع اللي مايخلوني اسير بيت ربيعاتي !! ولامايخلوني اسير اتحوط ويا ربيعاتي فمولات وغيره . شسوي مثلا اسير اتضارب وياهم واقولهم طيب غصب خلوني اطلع ويا فلانه عشان ترضى عليه ؟؟)
.‘
وايد كلام وايد كلام ماتخيلون كيف جرحني كلامها لو صح بقول بس 3 ارباعه غلط.. لاتقولون انه البنت بتنقل لي كلام غلط !! لاني سمعتها بأذني !! وعمري ما اتخيلت هالانسانه تطعني فالظهر.. لا وقايله هالكلام لوحده هي ماتعرفها حق المعرفه !!! وحده متصله فيها عشان شغلها .. وقايلتلها انا من طرفي لا اكثر ولا اقل !! كيف تسيرين تقولين لها هالكلام عني وتشوهين صورتي فنظر البنت ..!!
هذا موقفها الثاني : انها قايله لوحده ثانيه من ربيعاتي ..اني كنت ابا رقم عمها واني كنت ابا اتعرف عليه : / وانا والله لابغيت عمها ولا بغيت اتعرف عليه !!ومطلعه عليه كلام لاصار ولا استوى !!
انزين ليش كل ها انا شو سويت لج !!
.‘
والقهر وكل القهر انها يوم كنت اتصلها قبل محد احسن عنها وياي وتيلس تتعذر لانها ماتتصل وغيره!! ومن وراي تطعني فالظهر ليش انزين ليش!!!! ويوم تشوفني تاخذني بالاحضان ولا جنها قايله شي !!!!!انزين يوم طرشت لها المسج اني خلاص بنهي صداقتها تمت تقول لا وشو هالكلام ونحن ربع ومادري شو …
الربع مايكونون جيه يوم تبيني اكون ربيعتج ليش تطعنيني فظهري … ،
.‘
انا بطبعي واايد طيبه ويا ربيعاتي الكلوز مني ، يعني ممكن انجرح من كلامهم او تصرف منهم وايدااات يستغلون طيبتي … انا ماحب جيه انا طيبتي مب غباء مني ولا هباله !! .. انا يوم اعامل حد بطيب احب انه يعاملني بنفس الطريقه ممكن اطوف مره ومرتين وثلاث .. بس اوصل لمرحله خلاص لو شو تسوي ما اقدر اسامحها وانا في هاي المرحله الحين ، خلاص لا قمت اتصل فيها ولا هم يحزنون..،
بـــــــــــــــــــــــــــــــٍس!!
.‘
كل ما اتذكر هالشي اتم اصيح !! لانها انسانه واايد غاليه بالنسبه لي !! وساعات افكر اني انتقهم منها
>>> لا يروح تفكيركم بعيد مب يعني اجتلها لا يعني اقصد ارد اعتباري بس كيف ما اعرف ..
وجرح ــآلصدآقهــ فــآآلظهر مايندمل !! عيت سنيني كلها ماداوته !!
.‘
الحين ــــآترك ـالتعليق لكم ..،
شورايكم كيــــف أتصرف ويا هالانسانه وكيف ارد اعتباري ..،
الغلط منهم ولا مني !! ..،
ـاسمحولي ع الاطاله بس بغيت الصوره كامله توصلكم ..،
غاليتي
الإنســـان يعامل النــاس بأخلاقـه وتربيتــه ^^
ومب بتربيتهــم وأخلاقهـــم ..
(وَلَا تَزِرُ وَازِرَةٌ وِزْرَ أُخْرَى )
إذا هي اساءت لج انتي خلـــج راقيــة ولا تتنازلين عن مستواج ^_^
الإنســان دوم يتقدم للأمام وما يرد للخلـــف
رغــم اني صراحـة ما أحس انه عيب إذا الوحدة بغــت تغير ربيعتهــا يعني صراحـة كيفهــــا
هي غيرتني أنا بعد بغيرهـأ والحياة حلوى ^_*
ما بعطي اي شي أكثر عن قدره عسب مشاعري وأخلاقي الي هي أغلى شي ما تتاثـــر ^^
خلها فحالها ولا تدورين وراها ليش وكيف ومتى ^^
كبري عقلـــج ولا تحكمين عليها ابدا خلها منهـأ لله
إذا ظلمتـــج فحقج بيرجع لج رب العالمين يمهل ولا يهمـل ^_*
وإذا ما سوت شي بتكوني دعيتي لها بالهدايـة وكسبتي فيها أجـــر ^_^
الإنتقـــام لا بيفيدج ولا بيفيدهـا
بالعكس غإا المشكلـة كانت صغيرة بتستوي كبيرة
وأكبر متضرر هو انتي وشخصيتـــج ونفسيتـــج ^_^!
السوء ما يتداوى بالسوء
بالعكــس بحسن المعاملـة تكسبين النـــاس
وعسى أن تكرهو شيئا وهو خير لكـم
يمكن هذي البنت اصلا مب الصحبــة الصالحـة الي رب العالمين تمناها حقج
خلج متفاءلــة بالخير ومتفتحـة القلــب ^_^
واجعلي رب العالمين رفيقـج في الحياة وهو سبحانـه وتعالى بيسخرلج ربيعات طيوبـات
يعينوج على الخير والرقي ^^
وربي يوفقج لكل خير
يوم بتنطعنين من ربيعتج عقب 4 سنين او 3 سنين صداقه ماكله وشاربه وياها وبينكم عيش وملح
مابتقولين سخيف .. وبتنطعنين في شرفج وفي سمعتج مابتقولين عنه سخيف !!
وانتي قلتي ماكملتي الموضوع كله بالتالي مايصير تحكمين عليه وعلى مشاعر الناس بالسخف !! انا لو كنت اشوفه سخيف من البدايه ماكنت بحطه ..
صح كلامج الي مايباج لاتصيح تبغيه !! وانتي لو مكمله الموضوع جان عرفتي اني قلتي اني ماقمت ارمسها وكل اللي ابااه اني ارد اعتباري لا اكثر ولا اقل ..
ع العموم مشكوره ويزاج الله خير ع النصيحه ..
حياج الله اختي ..
نفسيتج 00الحيااة بتعيشينهااا فيهااا من الاشكاال الكثير فديتج
خليج مرنه معااهن وعاامليهن بالحسنى ولا تحقدين 00واي شي انقاال عنج
تأكدي انه يرفعج حبوبة وخليج انتي الاحسن والافضل ^^
ولا تحقدين ع انساان واحتسبي الاجر عنووني
الله ايسر امورج ويوفقج دنياا وأخرة يااارب
بنات كانوا في الجامعه شلة وكانت وحده منهم عازمتهم
وجت وحده من البنات كتبت لصاحبة العزيمه
(اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها
واذا ناديتيني مره ثانيه لاتنادينها واوعدك بجي اوكي)
وارسلت الرساله لنجلاء :{ !! …..
(2)
مره كنت برسل مسج لرفيقتي بقول لها تقدم لي إجازة إضطارارية بالدوام
لان مالي خلق اداوم
المهم انا حافظة رقم رفيقتي بس كتبته غلط
وشوي يدق علي الرقم واستغربت ان طلع رقمها بدون اسمها ورديت على التلفون
طلع لي واحد قال (عن الخبال قومي لبسي وداومي)
طبعا انا انصدمت وسكرت الخط على طول من الخوف داومت
(3)
وحده كانوا اهلها عازمينها وزوجها طالع استراحة مع اخوياه وما حضرالعزيمه
هي بترقع له عند ابوها قالت انه معزوم على العشاء عند عمه
وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه …
وارسلت الرساله لابوها …
(4)
مره انا كنت والده في المستشفى ووحده من صديقاتي الله يصلحها جالسه من العصر عندي
يوم جت الساعه 11 مليت مره وهي ماعندها نيه جالسه تسولف مع امي وخواتي
دق علي زوجي قال ابمركم شوي وهاذي ماعندها نيه تروح
واقوم اكتب رساله لوحده من خواتي اقول لها
((ترى فلان بيجي وهالنشبه مستانسه على الجلسه مليت منها الله يصلحها
شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))
وارسلتها لصديقتي :{ …..
(5)
أرسلت لجارتي وقلت لها تجيني بعد المغرب تتقهوى عندي
وأنا متعوده أرسل لها وخلاص تجي يعني مهوب لازم ترد علي ..
وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..
والا هو جااي وجالس يالله وين القهوه ؟
أنا: أي قهوه ؟
هو: تستهبلين يا أم المفاجات الحلوه ؟
وبعدين استوعبت اني أرسلتها له بالغلط وسكت وما قلت شي ,,
(6)
قبل رمضان بيوم جتني رسالة من صديقتي مضمون الرساله كالأتي
( رمضان بكره والشياطين تنحبس في رمضان … والله راح نشتاق لك )
عجبتني الرسالة قلت راح ارسلها لزوجي .. وارسلتها ..
ولما جاني تقرير الرسالة وجدت اسم عمي ( ابو زوجي ) ……….
والله فشلة
(7)
كنت عند اهلي وقالوا لي خلي زوجك يجي يتغدى عندنا ..
ارسلت له رسالة ( اهلي عازمينك على الغدا ) وارسلت الرسالة..
وبعد شويه يرسل اخو زوجي رسالة مضمونها (بأي مناسبة ؟)
فشلة …
(8)
مره تخاصمت انا وزوجي وكتبت رساله لاخوي اسب زوجي سب
واعلمه اني بتثقل عليه ولاراح اعطيه وجه ..
تتتتخيلوا …… الرساله راحت لزوجي
وزعل وارسل تهديد
وانا انطميت وسكت والله موقف لن انساه
(9)
مره اختي مسافره برا وهي مديرة مدرسه ..
المهم جا وقت عودة المدرسات وهي كانت معطيتنا جوالها ..
فارسلت على جوالها رساله تقول لاختي الثانيه
(يا فلانه ارسلي للمدرسات رسايل وقولي لهم يداومون احسن لهم …. مو اذا غاب القط العب يا فار)
قامت اختي من السنع ارسلت نفس الرساله لجميع المدرساااات ….
يعني نفس النص ما غيرته وتعالوا شوفو الضحك والفشيله
(10)
انا مره اتصلت على وحده ماردت بعد شوي جاني منها مسج كاتبه
((يافلانه ترا فلانة (إللي هي أنا) ازعجتني بالاتصالات ومارديت عليها))
والمشكله اني مادقيت الا مره وحده ..
عاد تحسبوني سكت ارسلت لها مسج قلت:
(( ربي باغي يفضحك ))
(11)
جتني رساله من رقم ما أعرفه بس تقول :
((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))
على طول رديت قلت :
((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))
(12)
انا مره واحد ارسل لي رسالة بالغلط: (فلان انت صاحي ولا نايم)
ارسلت له: (تراك غلطان)
رد: ( بلا استهبال جب معك فطور)
(13)
مره في العيد اخوي ما جاء هو وأهله لنا كان عنده شغل ماقدر
المهم اختكم في الله فيني رومانسيه زايده اقعد اكتب رساله كلها شوق وحب لأخوي ..
وان العيد ماله طعم بدونك واشتقنا لك والمشكله ماكتبت اسمه
لا .. كاتبه ابو عبدالعزيز ليتني كتبت اسمه ..
واجي ارسل الرساله ورقم اخوي مميز يعني مايبيله حفظ واكتب الرقم وارسل ..
يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب
بس شوي واتصل نفس الرقم <<< جاك الموت ياتارك الصلاة ارد ماارد ارد ماارد ..
ردي يابنت الناس واعتذري وخليك جاده ورسميه وقولي والله غلطانه يوم رديت طلعت حرمه ..
السلام عليكم عليكم السلام أنتِ مرسله رساله لي ؟؟
قلت لها غلطانه واشوا انك حرمه والله اني كنت خايفه انك رجال الحمدلله طلعتي حرمه ,,
تتوقعون وش قالت ؟
قالت: انا كنت اتمنى انك تطلعين رجال بس للأسف طلعتي حرمه !!
قلت لها: ليش؟
قالت: انا رقمي رديف لرقم زوجي .. وزوجي اسمه ابو عبدالعزيز
قلت: يمكنك واحد من اصحابه مرسل له رساله وغلطان ,,
لكن طلعتي حرمه والله لا يوريكم والله سوت لي تحقيق ولا المخابرات
انتِ مين ؟
انتِ تعرفينا وتسوين فيني مقلب صح؟؟
قلت لها والله مااعرفك .. غلطانه والله غلطانه
قالت قولي الصراحه تعرفين زوجي ؟؟
والله اني قعدت احلف واقسم ساعتين ماصدقتني
اووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,
في الاخير عطيتها رقم اخوي قلت لها: شوفي هذا رقم اخوي ابو عبدالعزيز
اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,,
اتصلي عليه واسأليه ياالله بعد طلوع الروح اقتنعت وسكرت ,,
لا .. ويوم اقتنعت تقعد تسولف معاي ,,
تقول ارسلي رسايل حلوه ان كان عندك ,,<< في المشمش هذا اللي ناقص بعد ,,
(14)
امي ياحليل امي وخف دمها ..
كنا عند اخوي وكان شديد علينا في الخروج لازم نستأذن منه ..
المهم انه مو كل المساييير يوافق عليها
وكنا معزومين عند ناس ما يبينا نروح لهم ..
عاد امي قامت تبي تدق على اخوي الثاني وتقوله: بنقول لخوك انا عندك ونروح للي عازمينا
قامت ودقت على اخوي الشديد تظن انه الثاني وقالت له: اسمع حنا بنروح لفلانه عازمتنا
اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت: شف حنا بنروح لخوك فلان حتى دق عليه واسأله
..ضحك ..
وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحد <<<< ترقع
منقـــــــــــــــــــــــــــ ــــــــــــــــــــــــــــــ ــووووووول
نحن نخربط بس ع الخفيف الحمدالله
تسلين يالغاليه ولا عدمنا يديدج
تحياتي لج
طلبت مني شنطتين لكن مسحت الرسالة بالغلط
ويييييييييييينج اتمنى احصلج
و الله مسحت رسالتج بالغلط
فانتظارج ^^
بصراحه مافيني ارد احمل الصور مرة ثانيه … فيه واااايد صور
ما أعرف كيف أبتدي … بس بغيت مشورتكم بنات دخيلكن
أنا ماعندي خوات بس معتبرتكم خواتي …
أنا من سنتين مزوجه و الحمدلله مرتاحه .. السالفة و ما فيها أن زوجي من شهر تقريبا ما ياني بسبب ظروف الشغل وغير هذا سافر أسبوع برع حسب يغير يغير جو من الدوام .. أنا قاعده بيت أهلي .. بس يا بنات موليه محد أتصل فيني من أهل ريلي أبدا لا أمه لا خواته المزوجات ماحد موليه .. ليش ؟؟؟ ما يقولون تبين شي ناقصنج شي ……. حيه و لا ميته …
والله يابنات أن يوم ريل أخت زوجي سافر دوره برع كنت دايما أقول حق ريلي سيرلها شوف شو تبي وشو ناقصنها حرام ريلها مسافر و كان يسيرلها و ياخذها و ييبها و انا قاعده بالبيت لا أسير و لا أرد ….
و الاخت الثانيه يوم سوت عملية علطول رحتلها المستشفى أسأل عنها … و غيره وغيره ..
من البداية أنا ماخذه موقف من أمه .. ببداية زواجي شريت لها شوية مخاوير … تدرون شو ردت علي .. أنا مابا صدقة ؟؟ و الله انصدمت ؟؟؟؟؟؟؟؟؟؟؟؟
قولولي شو أسوي … أطنشهم … ما أقدر ريلي بيزعل ..
اختي لا تتوقعين كلناس مثلج يوجبون ويعرفون اصول…كل شخص غير عن الثاني…
اختي انتي اللي عليج تقومين بواجبج من صلة رحم اولا لمرضاة الرحمن جل جلاله ، ثانيا لراحتج النفسية وثالثا لرضاة زوجج!!!
موفقة اختي..ولا تزعلين ولا شي…خلج كول…اهم شي ريلج !!
والله يسعدج اختي
صمت
اذا هو سأل هذا شي ثاني..جاوبي بكل عفوية بس بدون مبالغة!!!
صمت
بس انتي كوني افضل منهم
اتصلي اسألي عنهم يمكن فيهم شيء
اطمني عليهم و قولي لهم ما سمعت صوتكم من فترة وحبيت اطمن عليكم
ولا تنسي حب الزوج من حب اهله
ومهما يصير و مهما يستوي يظلوا اهل زوجج
الله يهدي الجميع
الـــيووووم بخبركن ســآآآلفه غريبه عجيبه لكن مضمونها حلووو بس ابآكن تفتحن
هالمخ شويه وركزن أديت خشومكن خــآآآصه اللي يعـآآنن من المشكله اللي بذكرهــآآ ..×
صدق اللـــي قـآآآل الدنيــآ بعدهآ بخير والحيآه حلوه بس نفهمهآ ..× << تحب تقرقر شـرآت العيز اللي يسون تلي
المووهـــيم اليوم زارتنيه زميله من ايام الجــآآمعه تصدقن عآآده من سنتين ما شفنا بعض ..×
الحرمــه عرست ويابت كتكووت صغنن يجنن ربيه يحفظه انزيييين شووو السالفه يا ام رآكان ..× < عيوز مخالفه
نحن كنا ساكنين بشقه وحده ايام دراستنا بالخارج انا وهــي وربيعتنا من السعوديه الله يذكرهن بالخير ..×
ربيعتيه اللي يات عنديه اليوم الله هداهآ كــآآنت حبوبه ودلوعه تحب تكشخ وتلبس تصدقون طوول الوقت
الا تعدل اضافرها ولا اتعدل شعرها وحمام مغربي على حمام زيت ومن هالســو’آآلف الحريميه ههه ..×
لــــــــــــكـــــــن مشكلتها مب نظيفه كييف .. يعني فراشها ما ترتبه ويوم تشوف وصخ عالارض ما تشله لو يعفن بمكانه ..×
كنا دوووم نتهازب وياها نقولها عنبوه بدوودين بمكانج نظفي مكانج عدلي كبتج وملابسج ما يستوي ..×
وهي لا حياة لمن تنادي يعني ما تبا اتعب عمرها ع قولتها اهليه ما عودونيه انظف واشل الوصخ واغسل الله يعزكن حمامات ..×
كلنا عندنا خدم لكن ما استوينا وصخين لدرجة ما نرتب فراشنا ولا حتى نشل الوصخ الا اذا يا حد وشله عنا ..×
انزييين مرت الايام والسنين وهي على نفس الحاله يوم من الايام انا خلاص انفجرت قلتلها يا فلانه
ما يستوي انتي تعقين وصخج ونحن ننظفه وهي تضحك قلتلها ( الله يعين الريل اللي بياخذج ) ..×
انزييين اللي انا كنت مستغربه منه ان الكل الحينه يمدحها واسمع عنها الحريم يمدحنها يقولن ما شاء الله
فلانه بيتها يلق ومرتبه وشغووووله وما عندها حتى خدامه وحده وانا مستغربه كييف معقوله ..×
كنت اقول بنت اللذين لازم عند ريلها بتسوي كل شي الا نحن مأذتنا ههههههه ..×
طبعا هي يـآآت عنديه اليوم وانا قلت ف خاطريه يااا سلاام اسمنيه بشبع من الخرآآريف ههههه ..×
حليلها خبرتنيه ســآآلفتها من طق طق ل السلام عليكم ..×
تقول يا ام راكان انا عرست صارليه الحينه سنه وشي ومن يوم ما عرست وانا عالحال اللي كنت فيه ايام الجامعه ..×
تقول ما كنت اصك شي وريليه سكني ف شقه وما يابليه خدامه لانه ما يحب البشاكير مووووول ..×
وكل يوم كنا يوم نتغدى طوول اليوم ما اغسل الصحون لين اليوم الثاني وما انظف الشقه الا بالغصب ..×
قالت شفت ريليه قام يسوي كل شي اروحه مره يغسل ملابس جداميه ومرات يكنس الشقه ..×
تقول ما عرفت انه متعمد يبانيه انتبه انه ملاحظ انيه ما اسوي شي ولا اليه خص ف شغل البيت ..×
ولاااا حست فيه ولا أثر فيها اللي يسويه لييين ما طفر منها الريال وقالها فلانه نظفي المطبخ ترى ريحته وصخه ..×
فلانه غسلي الملابس ما عنديه شي البسه ,, فلانه اكنسي الشقه ما نروم نيلس من الوصخ ..×
هذا غير انها ما تعرف تطبخ ولا تعلمت حتى عشانها ولا عشان ريلها تقول حتى الفرن ما تعرف تشغله ..×
سفهته وتمت على نفس الحال لين ما تم ريلها يشتكي لامه يقولها امايه حرمتيه هاااي سوالفها ..×
يا الفضيحه ونفسسس الشي ماشي فايده ,, لكن يوووووووم من الايام استوى اللي ما كان ف الحسبان ..×
ريلها حدر المطبخ وياها وكان ناوي عليها نيه قالها شووو هالوصخ انتي شووو عنبوه تقول تحول واحد ثاني
ياب الصحون وكسرهن عليها وسحبها من ايدها وعقها ف الحجره قالها خلااص ما اباج تصكين شي
اانا اروحيه بسوي كل شي انتي تمي ع مكياجج وخرابيطج ( الله ياخذني يوم عرست وخذتج ) ..×
تمت تصيح واتصلت بابوها والشيبه سااار معصب يبا يكسر ريلها لكن الصدمه <<<<
اول ما يلس الشيبه قال اسمعنيه عميه انا مابا شي من بنتك وانا اللي اقولك شلها وياك
وجان تبا ترد اباها ترد حرمه شرات باجي الحريم وخبره بكل سوالفها ..×
قام الشيبه قاله انا ما بشلها بخليها هني وسوي فيها اللي تباه هاي حرمتك وانت مسؤوول عنها ..×
عقب هالمشكله اللي صارت وعقب ما انفضحت عند اهلها واهل ريلها البنت خلاص واخيرا اقتنعت انها غلطانه ..×
قالتليه تذكرتج يوم قلتي الله يعين الريل اللي بياخذج ههههههه ..× << وانتي تقولين شي زين لوول
اول شي سوته تسامحت من ريلها وقالتله انا اوعدك بتغير وبسوي اللي تباه ..×
قامت الحرمه وتعلمت الطبخ شوي شوي لين ما استوت طبااخه وريلها متخبل كييف هالدلوعه تطبخ هالاكل هههه ..×
وتمت كل يوووم وعودت عمرها على انها تنظف كل مكان بوقته واستوت ربة بيت يتماثلوبها الحريم
ف النظافه والترتيب والتربيه الحلوه والحينه ريلها متعلق فيها وكل شوي يابلها هديه هههه ..× < ليتنا كنا شراتها لوول
جااان اقولها هااااي سالفتج هااا وانا اقول بلاها الحرمه انجلبت ماحيدها جيه ههههه ..×
وهــآآآآي سآآلفتها فديتها انا بس بغيت اوصللكن معلومه ..×
حتى لو الريل تم ساكت ما يرمس بس يتم شال بقلبه وبينفجر مره وحده بدون لا تعرفن ..×
والريال يحب الحرمه الشغوووله اللي تخدمه بعيونها والله يحطها بعيونه تطبخ له وتنظفله وترتبله ملابسه وكل شي
حتى التفاصيل الصغيره والله يركزون عليها بس ما يبين عليهم ..×
ف خلن بالكن من هالشي انا اقصد البنات اللي هب متعلمات الطبخ ومتعودات عالتنظيف وغيره ..×
واسمحووووووليه طولت عليكن ترانيه احب اهذرب ههههه ..×
والله يجعل ايامكن سعيده وحلوه وكلها حب ورخاء ووفاء وصفاء وام راكان خخخ ..×
الله يووفقهم ان شاء الله
ترااا الرياال ماا يباا الدلع والمكيااج وهالشغلااات بس ^^
يباا حرمة ماا يمل منهااا وتعرف تدبر شؤوون البيت ^_*
موفقه عنووني
قصتهم نآااايس .. وربي يسعدهآا يحليلهآا ..
وحلووو منه آنه صبر عليهآا .. لو غيره مآا بيصبر خخخخخخخخخخخخخ ..
^^
شسوي لين انخطب بشتري كل الكتب مالت الطبخ هع