:1 (25): مرحبا بنات وكل عام وانتوا بخير…
فيه بنات طلبوا مني نصايح للمقبلات عالزواج (المالجات) وفالكم طيب
وطبعا هذي النصايح انا طبقتها وهي من منظوري الخاص وانشالله اعطيكم بعض الافكار…
انا طبعا ما كنت اعرف زوجي ولا هو يعرفني وكان كل شي تقليدي وماشافني إلا يوم الملجه وطبعا اتخبل عليه خخخخخخخ امدح عمري..
المهم بنات:
اذا اتكلمتي وياه في التيلفون:
1- كوني رقيقه لأبعد الحدود بس اتحملي عن تنكسرين وخلي صوتج واطي أثناء الحديث معاه ..لا تتكلمين عن حد جدامه ولا تغلطين على حد بس اتكلموا عن نفسكم وعن ترتيبات الزواج..
2- لاتحملينه فوق طاقته اتفاهموا فيما بينكم ولا تدخلون طرف ثالث أبدا..ولا تخلين الناس والمعازيم كل همج وتفكيرج فكروا في اللي يسعدكم وفي نفس الوقت يرضيكم لان هذا كله اخر شي بيرد عليكم وانتوا اللي بتتحملون نتايجه من ديون وغيره ..ولا تخلينه يزعل عليج الحفله يوم أو كمن ساعه بس حياتكم وعواطفكم هي اللي بتدوم..
اذا جلس معاج:
1- كوني خجوله واذا حط عينه في عينج اتهربي من نظراته بهذي الطريق الريال يتخبل وبيتم يلحقج بنظراته ..ولا تخلين الابتسامه تفارق ويهج بس مب اتطلعين انيابج وتزيغينه..يعني ابتسامه دلع وخجل..
2-هالله هالله باللبان ..تعرفون ليش ولا أقولكم لازم اوضح مره ثانيه: عشان ما يشم منج إلا اطيب ريح ويكون نفسج منعش ..حتى لو قرب يبوسج تكونين مستعده..عاد مب اي لبان ..يفضل اكسترا وهالسوالف اللي تكون بالنعناع او الطبية..
3- انا افضل انج ماتلبسين بديات كت في فترة الملجه..البسي كم قصير بس يكون راص عالصدر مثلا يعني تكون اثاره بس مب بطريقه مباشره..أجلي الكت حق عقب العرس عشان يتجنن اكثر..
(ولا تنسين حركات البشاكير يوم ايوخون الله يغربلن) مثلا اتعمدي انج تقدمين له العصير واتوخين اونج مندمجه عشان يشل العصير وبو الشباب يراقب الصدر:1 (57): :1 (57): وطبعا لازم تكون القمصان شوي مفتوحه من عند الصدر بس اتحملي تبينين انج متعمده هالحركات عشان يتخبل اكثر واكثر.. وارد واقولج ركزي عالصدر ثم الصدر ثم الصدر..
4- البسي خلخال وبتحصلينه في محل كليرز مكود وطبعا اخذي ذهب حق عقب العرس من عند داماس رووعه..(مثل خلخال نانسي عجرم).. وانتي يالسه معاه حطي ريل على ريل و خلي الخلخال باين بعفويه خليه يشوف جمال ريلج وطبعا لازم تكون ريلج صافيه يعني شاله مب مكششه..
5- خليه هوه اللي يتقرب منج مب تنقزين عليه جنج مب شايفه خير.. وانتي قاوميه بدلع وخجل..اتحملي اتكونين مبوزه جنج بومه ابتسمي …واتحملي تقاومينه بدفاشه شوي شوي عالريال..
6-طبعا لاتقصرين بالعطور وبتلقين في بدي شوب بودي اويل مال الفراوله رووعه…بياكلج من ريحتج
حطيه خلف الرقبه وخلف الاذن على الصدر..
7-بالنسبه لشعرج استشوريه مب تسيريله الاسبرنقات ناقزه تقول منقعين شلق في كشتج..وبعد الاستشوار حطي عليه السيرووم ..بتحصلينه في الجمعيات وفي كارفور اسمه كرستال سيروم ريحته روووعه مثل ريحة اليهال امسحيبه شعرج بس نقطتين في كف اليد ومرريه عالشعر كامل أسميه بيتخبل عليج..وبتقولين بنبونه قالت ولا تنسين تزينين شعرج باكسسوارات الشعر وانا انصحج ب كليرز الصراحه عندهم اشياء دلع من غير الورود وكرستالات الشعر وفي لايف ستايل بعد..
اهتمي بقصتج (الغرة) كل مره شكل ولا تنسين البيون الصغار تراها تعطي شكل حلو..ولا تعتمدين على حركه معينه..
8-لا تقصرين بالكلام الحلو يعني : اتخبلت عليك يوم شفتك–عيونك حلوه—شفايفك حلوه—يعني ألفي وامدحي اللي ماينمدح عشان يصدق عمره.بعد ما يروح عنج وبتكلمينه في التلفون لازم تقوليله شو حسيتي في حركه سواها يعني مثلا (يوم بستني ما حسيت بنفسي.شعور ثاني في عالم ثاني) من هذا الكلام عشان يعرف انج تحسين فبيستانس لان الريال اكره ما عنده الحرمه عديمة الاحساس.. وطبعا كل حرمه تحس ومافيه حد مايحس بس لانها ما تقول وتستحي وتكتم شعورها فكيف بيعرف لازم تحسسينه بالكلام..
9-لاتكثرين الاتصال أبدا خليه هو اللي يدورج وكله اتعلثي بانشغالج بالتجهيز للعرس..اذا اتصل اتجاهلي اتصاله في بعض الاحيان وبعض الاحيان ردي على طول..عشان تخلينه يدورج ويعاتبج بلهفه..
10-لا تنسين الهدايا :عطر -نظاره-ساعه حتى لو ورده مع صوره لج يوم كنتي صغيره بتعيبه..
11-اتكلمي عن الاشياء الحلوه والمضحكه في حياتج وعن ايام الطفوله ترا يعيبه يسمع كل شي عنج ويكون متلهف..
9-فيه حركه حلوه دايما نذكرها عطيه لبان واول مايكمل دقيقتين قوليله اباها بيقولج كيف قوليله من حلجك (بيغمى عليه)ههههههههه وخذيها من حلجه مب بيدج بحلجج بعد…..ريلي دايما يذكرها للحين..قوية
10-إالعبوا لعبة الضرابه تراها وايد حلوه في أيام الملجه (طبعا اذا فيه مجال).gif "12 (96)")
.gif "12 (47)")
11-اذا قدر يحضنج ردي على ورا وكانج تبتعدين بس مب تصدقين وتبتعدين ..لا ردي بظهرج للخلف انشالله فهمتوا ماعرف اوضح ..
واذا كنتوا بس عالتيلفون وما تقدرون تيلسون مع بعض:
1-اتدلعي قد ماتقدرين واتغلي عليه لا تردين بسرعه عالتلفون..نعمي صوتج ..وتقدرين تثيرينه بصوتج وتكلمي عن نفسج عشان يتعرف عليج اكثر…
2-بينيله اعجابج فيه ..وشو شعورج اول ماشفتيه ..لانج بهذي الطريقه بتدفعينه للكلام لان غالب الرياييل ما يقولون من تلقاء نفسهم باللي يحسونه إلا بعد الحرمه ماتتكلم عن شعورها فبتساعدينه انه يطلع اللي في داخله..
3- شاركيه الكلام الحميم بس بخجل مب تقولين ريلي وخلاص لا- لازم تكونين ثقيله شوي وما تخورينها ..يعني باعتدال ولا تبدين في مثل هذي الامور حاليا..خليه هو اللي يبدا اللي عليج انج تدلعين وتضحكين ضحكه حلوه عى اساس تجذبينه انه يسمع كل شي حلو فيج..:1 (57): :1 (57): :1 (57): باختصار واسفه على هالكلمه (كوني خبيثه) ………في بعض الحركات
4-اتعمدي في نصف اي محادثه في الهاتف معاه احداث صوت نفس او تأوه وكأنج جرحتي صبعج او شي ضربج في ريلج او ايدج بس بطريقه مثيره وناعمه بهدف اثارته..مب تقولين آآآآآآآآآآآآآآآآآآآآآآآآآآآآآآآآآآآخ والخيبه الله يغربل الباب ضربني …..يعله ويعله لالالالالالالالا و ألف لا اتحملي..
5- لا تتكلمين عن اهله إلا بكل خير..
6- اذا بغيتي شي لا تقولين فلانه ريلها سوالها وفلانه مادري بلاها ..ولا امي قالت لازم اسوي جيه ولا غيره اتحملي..بينيله انه قراراتج قويه وانتي تتخذينها بروحج..ولا تقولين باخذ فلانه تختارلي وهالخرابيط كوني واثقه من قراراتج جدامه ولا من وراه خلاص انتي حرمه وجدامج حياه عشان هو بعد يحطج في الاعتبار ويسويلج في المستقبل ألف حساب..ويعتمد عليج..
7- خليه هو اللي يعلمج عن الحياه الزوجيه وشو اللي بيستوي ليلة الدخله.اونج استعبطي ما تعرفين شو اللي يستوي 100%.. قوليله (أويييييييييييه) …(أميييييييييييه)..اونج عاد خخخخخخخخخخ ومناك الحرمه دكتوراه عندها في هالسوالف..المهم اذا تميتي جيه بيتخبل عليج وبيزيد من هالكلام الزين
اتصرفي وكأنج طفله بتدخل لعالم جديد..اتكلمي ببراءه واستغراب..ترا الريال يعيبه يكون فيلسوف زمانه في هالسوالف..مايدري انه حرمته داهيه هي اللي بتعلمه..
8-خلي تكون عندج كلمات مميزه كلمات دلع..مثلا بسير ويا (ماماتي) السوق ..اونج عاد ما جنج في البيت كل الدفاااشه( امييييييييييييييييييييييييييييييييييييييييه) تقول بعير يوم تزقرينها..
دلعي اسمه ..وعطيه من هالزين ترا هذا كله بينطبع في باله
انشالله افدتكم بشي :1 (25): :1 (25): :1 (25):
ولي عوده بعد ان اسمع آرائكم…وافيدونا بخبراتكم
المشاركة الأصلية كتبت بواسطة لجين23 
