الوسم: المجلس

السلام عليكم ورحمة الله وبركاته….

مسوية مقابلة شهر 7 لوظيفة أمينة سر….اليوم دقولي وقالو لي المدرسه الفلانيه بيدقوووولج عشان تباشرين العمل…..

المشكله هالمدرسه ثانويه واعدادية رباعه ((أولاد)) و كلها موظفين رياييل…وووووو لاقد توظفت حرمه
قالولو لاترفضين روحي شوفي الوضع…

شووووو رايكن؟؟

روحي المجلس غيري المدرسة

ربيعتي حطووها في مدرسة وسارت المجلس غيرتها

ان شاء الله خير

حبيبتي بحوت انتي مقدمة اوراقج عن طريق توطين ولا انتي بروحج مقدمة ؟؟ لاني مسوية مقابلة ونجحت وقبل يومين قالوا لي لازم تقدمين عن طريق توطيين !!! مع أني مشتغلة فترة بالاجر اليومي عن طريق المنطقة !!! ياريت تخبرني عن طريقة التقديم ؟؟؟

لا انا مقدمة عن المنطقة التعليميه…..في الغربيه
وطلبووووو عليه قبل المقابله اسجل في توطين عقب اعطيهم رقم التسجي عقب المقابله….المهم ما نجحت فيها
عقب طلبوني المنطقة التعليميه في بوظبي…مع اني ماسجلت في بوظبي…المهم سوووللي المقابلة ونجحت عندهم…وقالووو لي تريي الشواغر لين طلعت هالوظيفه بس مايابوووو طاري التوطين

موفقة حبيبتي …. الله يعطيج من خير هالوظيفة ويكفيج شرها

عن ابي هريرة رضي الله عنه ان الرسول صلى الله عليه وسلم قال:" من جلس مجلسا كثر فيه لغطه..فقال قبل ان يقوم من مجلسه ذلك: سبحانك اللهم وبحمدك ..أشهد ان لا اله الا أنت أستغفرك وأتوب اليك الا غفر له ما كان في مجلسه ذلك"

كل وحده قبل عن تطلع من المنتدى تقرا هذا الدعاء

جزاكم الله خيرا

يزاج الله خير اختي…

يزاج الله خير يالغاليه

امهااات اريد مساعده بلييييز

بالنسبه لصف الاول لين الحين ما عندهم كتب انجليزي ولا علوووم …
شو السبب الحين بندخل التيرم الثاني وانا ما عارفه اتابع عيالي
والرياضيات مدرستهم انجليزيه وحليلهم ما عرفين شو تقول
حتى الكتب ماخذتنها …

انا افكر اشتكي على المجلس .. شو رايكن امهات والله محتاره ..
اتصلت وسرت المدرسه والمدرسات يقولن ماشي كتب روحي اشتكي عليهم انت والامهات …
شو رايكم

شي كتب بس مايعطونها لليهال في البيت اتم في المدرسة لانة الكتب غالية و غالبا ما تكون مشتركة بين صفين او اكثر..

في كتب اختي بس ما يعطونهم الطلاب لان اللي في الكتاب الطالب ما راح يستفيد منه … يوزعون عليهم اوراق عمل الين ما يحددون شو المقرر من الكتاب … واغلبيه المدارس اللي فيها شراكه يسووون ملازم حق الطلبه

للرفع

سبحاان الله وبحمدهـ

بس هاي المدرسه ما تعطي لا ملازم ولا اوراق عمل

ازيدج من الشعر بيت انا ولدي في الصف الثالث الحين ونحن دخلناه الصف الاول في المدرسة النموذجية الي الكل يظرب لها المثل في المستوى العالي دراسيا لكن للاسف حظنا انا من دخلناه المدرسة مسكها المجلس ودخلوا المناهج اليديدة والاجانب الي كل واحد فيهم شكله ياي وفاتح باب رصيده بالبنك على مصراعيه وياخذ فلوس الدولة وهو حاط ريل على ريل كانه ياي يقضي الاجازة في الدولة والله ان مستوى ولدي كله في النازل ومالي نفس ادرسه لا اوراق مثل العالم ولا كتب …..لا لا حرام نضلمهم في كتب بس شكلهن للديكور ولزيادة الثقل في الشنطة عشان بدال لا يكبرون عيالنا بمستوى تعليمي فاشل يكبرون مع اعوجاج بالظهر بعد
انا الصراحة اذا بيتم المنهاج وهذولا الاجانب بحول ولدي لمدرسه خاصة ولا اني اخسر مستقبل ولدي والبنات لهن الله والمدرسات المواطنات الي الحمدالله الي الوحده منهن تسوى100 من الاجنبيات
انا اوجه كلمة من ام لثلاثة اطفال ممكن غدا باذن الله يطلع مهندس او طبيب او طيار للمسؤلين في الدولة اذا كان في واحد منكم يقدر يغير الوضع للاحسن لا تبخلون علينا غيروا هذيلا الاجانب بعرب ذوي كفاءت عالية وكثروا من المواطنين والمواطنات الكفؤات الله لا يهينكم فكلكم راع وكل راع مسئول عن رعيته كما قال رسول الله عليه الصلاة والسلام فحلولنا المشكلة الي انتم من صنعها ندري ان نواياكم كانت حسنة لكن الخطة باديه من 3 سنوات وللحين الخطة فاشلة …. فاشلة….. فاشلة وايد .
وجزاكي الله خيرا اختي على طرحج للموظوع ونحن معاج.