الوسم: المدرسة

بنات عندي مشكلة من العنوان واضحة
ضيعت الورقة اللي عطوني اياها يوم نجحت في الباركن والريوس وانا الحينه اتدرب شارع ولما امتحن
لازم اعطيهم الورقة هذي ماعرف الحين شو اسوي ؟!!
اقدر اطلع بدل فاقد ولا لاه ولا شو الدبرة؟
انا من العين ياليت اللي عندها فكره تخبرني

انصحج تتصلين لهم وتسالينهم

وبالتوفييييييييييق ,,,

بغيت أسأل الخوات اللي عيالهم في المدرسة الاهلية الخاصة في الشارجة
اولاد المرحلة الثانوية
شو رايكم بالمدرسة …..؟
وفيها صف 12 علمي بنين ….؟

بغيت احول ولدي للمدرسة هاذي صف 12 علمي السنة الياية ان شاء الله
سمعت انه تدريسهم زين

اللي اتعرف عن المدرسة اي شي اتمنى اتخبرني
ويزاكم الله خير

الواحد يعني يسرع بعياله علشان يوصلهم قبل الوقت بدقايق ممكن يسبب حادث له ولغيره بسبب هالامور ..يمكن صار فالطريق حادث ضباب او اي شي سبب تاخير هالطالب ..لازم يعطون تنبيه مب يوقفونه برع !!

صراحه المفروض الاهل يتعاملون ويا هالموضوع بجديه ويكلمون مش المدرسه اللي ماعرفت كيف تصرف وطلعت الشباب بهالطريق برع ساحة المدرسه مب بعد يلستهم داخل الادارة يتريون الاهالي انا لو ولدي صارله هالموقف مابسكت طبعا عن هالشي قهر فقهر بيكون على طول مجلس بوظبي للتعليم ياخذ اجراءاته

وين ادارة المدرسة ؟؟المدير ؟؟؟

زين مصورتنهم عفيه عليج

هالصورة يبالها الجريدة تنزل

وفقك الله

مساكم الله بالخير ………

بصراحة اليوم كان يووووم طويل و ممتع بالنسبة لي …. اتعرفون ليش ؟؟ بنتي الصغيرووونة ميثاني كبرت … و راحت المدرسة … و اليوم كان أول يوم دراسي في الـ KG1 في مدارس الظفرة الخاصة ….

—————————

أول اللحظات خافت … بعدين استانست ……… و نستنا … و عاشت جو المدرسة مع اربيعاتها ….. ( بنات آخر زمن )

—————————-

و ان شاء الله اتكون هاي الخطوات أول الخطوات نحو التميز ………… على كل حال أخليكم مع الصور ….

والله يوفقها دنيا واخره

وعليكم السلام ورحمة الله وبركاته

الله يعطيكم طولة العمر انتي وبوها

وتشوفونها متفوقة ومتميزة سنة ورا سنة

وإن شاء الله تكبر وتغدي عروس حلوة :22 (22):

راسليني عالخاص اذا تبين الفكرة

في البداية بخبركم عن شخصيتها هي بنت واااايد هادية و تخاف من أقل شي حتى لو تسمع صوت سيارة برع تربع و تييني … و صداقاتها العائلية وياد محدودة .. و أحسها وايد إنطوائية… حتى لما أوديها معاي بيت أخوي يبالها ساعة ليما تندمج و يا عيالة و ترضى إنها تقوم و تلعب و ياهم

المهم مع بداية العام الدراسي (على فكرة هي صف أول) بدت عادي كانت تروح من غير أي مشاكل و بس كانت تتشكالي إن ما عندها ربع .. و محد يكلمها من البنات.. و محد يمشي و ياها في الفسحة .. و هي دايما وحيدة …

أنا عرفت مشكلة بنتي إنها تتريا البنات إيونها .. يكلمونها .. و يمسكونها و يطلعونها معاهم … هي أبدا ما راح تبدي روح المبادرة في الصداقة و لا في الكلام..

قمت و كلمت أم كم بنت أعرفهم معاها في نفس الصف عسب يمشون معاها و يكلمونها..مشت السلافة لفترة و ردة حليمة لعادتها القديمة..

و كل ما كنت أروح لها المدرسة عشان أسأل عنها أتعمد أروح وقت الفسحة عشان أشوف شو تسوي .. دايما كانت تروح و ترد بوحها!! ما إندمجت ويا حد!!

هاي المشكلة الأولي…و ني ألحين للمشكلة الأهم و الأدها إلي من بعدها ما قامت تحب تروح المدرسة و للأسف هالإسبوع مول مارمت عليها إنها إداوم

المشكلة إن في المدرسة في صف تربية خاصة في بنت سمرا و بنتي تخاف من السمر ( مع إحترامي الشديد لهم ) المهم في فترة الفسحة هاي البنت تي صف بنتي و تبدا تصرخ و تسوي حركات و تعصب عليهم … قامت بنتي تتشكى لي منها .. و تقول مب بس هي إلي تخاف منها في وايد بنات معاها في الصف يخافون و يصيحون منها …

و تخيلو لدرجة مرة كان أبوها مودنها الصبح و كانت بنتي طبيعية و قايمة و لابسه من غير كسل ولا تذمر .. أول ما وصلت عند باب المدرسة قامت تصيح ؟؟؟؟ طلعت السالفة إنها شافت هاي البنت نازلة من السيارة داخلة المدرسة و قامت تصيح بنتي إنها ما بتنزل لو شو و رداها البيت

و أول يوم دوام هالإسبوع راحت و ردت البيت تقولي ماما أنا ما برد المدرسة هاي نتقليني أي مدرسة ثانية مادام هاي البنت موجودة ما بروح و قعدت أكلمها و أقنعها إن هاي البنت مريضة ولازم نشفق عليها و هي ما تقدر تظرب مافي فايدة.. وبالليل تمت ما قادرة تنام تقولي كل ما أبا أنام أتذكرها و ما أقدر أنام..

قمت ثاني يوم وديتها و رحنا عند الإخصائية و كلمتها أنا و الأخصائية و مدرستها عسب ترضى تروح الصف خير شر ما رضت و تمت ماسكة فيني و تصيح

وألحين ما أعرف شو أسوي وياها… مب راضية تروح المدرسة شو أسوي ؟؟؟ إنصحوني الله يخليكم

اما سالفة البنت السمرا فما ادري والله ما اقدر احكم وان شاء الله البنات يفيدونج…..

وفوق هاذاا ظـآرب اخوي

*_*

امي ساارت المدرسه ورمست الولد الكبير .. والاداره هزبته وعاقبته .. وبعدين اعتذر ونقلوه صف ثاني لوول

..

امم مـآدري شقوولج

فهميهاا ان السمر ما فيهم شي.. ووو سيري المدرسه وكلمي زميلاتهاا فالصف .. و خذي بنتج وياج وساليهن اذا البنت هايج اذت بنتج ولا لا.. بنتج جييي بتحس بالامان لانه زميلاتهااا فالصف بيووقفن وياهاا

وهالشي صاار لخوي تغير من عقب السالفه وكله يلعب وياا عيال صفه

^.^

مـآدري ان شا الله غيري يفيدج

بس انتي جربي

لانى والحمدلله عيالى كانو يصيحون ايام الروضه اما المدرسه

الحمدلله اندمجوو معا الطلاب

بس الى انصحج ما ترقيبيها زياده وخليها هى بنفسها تكون صداقات انا اتذكر ايام الدراسه

انى ما كونت صداقات الا من صف رابع وفوق

لالا تراقبيها كثيرر خلى لها مجال تتحرك فيه وتختار صديقتها بنفسها

بالنسبه للهدوء هذي شخصيتها وجذي احسن …لكن انها انطوائيه حاولي تخلينها تختلط مع البنات الي في عمرها ودايما رمسيها عنهم عشان هيه ترتاح يوم تعرف منج انهن بيلعبن وياااها وبيسولفن وياها …وكل شي يباله تعويد …عوديها تخبر المعلمه اذا مثلا هل البنت السمرا حاولت تصارخ وتتضارب معاها ….وتبتعد عنها وخلاص …وبنتج بعدها صغيره ..مع الايام بتكبر وشخصيتها بتتغير …ان شااء الله

الله يحفظها ويخليها لج

أنا بقترح عليج انج مثلا يوم الاجازة خذيها على أماكن ترفيهيه للأطفال في واااايد وبكل الامارات وحاولي تقربيها من الأطفال الي بعمرها ومنهم( السمر) مثل ما قلتي بما أنها تخاف منهم بينيلها انهم حبوبين وخليهم يلعبو معاها وانتي راقبيها ولو ما طاعت أول مره حاولي معاها 2 و3 هي طبعا لما بتشوفج وياها مابتخاف وبتتشجع شوي حاولي كذا مره إلا ما تتعود بنتج إن شاء الله

وأتمنى لج التوفيق ويا ريت تخبرينا شو بيصير وياج