الوسم: المساعدة

السلام عليكم
دي اول مرة اشترك لان الفكرة فعلا ممتازة
انا من مصر و وصلت ابو ظبي بس من شهرين و كنت محتاجة اعرف عن حاجات
كتير و اثناء البحث فى موقع google اتعرفت علي المنتدي و اعجبت جدا
بتعاونكم سوا و اخلاصكم فى الرد عن اسئلة الاخوات و دة شجعنى
انضم ليكم
يا ريت تفيدونى اريد شراء عطور و بخور فين افضل مكان و الانواع الجيدة اسمها اية
واسعارها اية
وفين افضل مكان للحمام المغربى تكون سمعتة طيبة و مضمون اخلاقيا و اخد اية معى كمان كنت عايزة اعرف اية هو الفيشلز و منين اقدر اجيب الطين الاسود
و شكرا للجميع

حبيبتي عندجمارينا مول و مركز زايد كل شي فيه

للرفع

هلا بج اختي

خواتي مشكلتي اني اخذ ابر نشطة من شهرين ومافي فايدة تنزل الدورة وكنت مع الابر تعطيني الدكتورة دفستون بس بعد مايخلص تنزل الدورة وبصراحة وايد تعبة حبية اوقف هذا الشهر وخبرت الدكتورة وقالتلي خذي كلوميد ثلالث حبات في اليوم واخذتها بس اريد مساعدة مت موعد التبويض والخصوبة تكون عالية علما اخر دورة عندي كانت تاريخ 6/12 ارجوكم ساعدوني ولي عندها خبرة تفيدني جعله الله في ميزان حسناتكم يارب

هلا الغاليه
انا نفسج منشهر تميت اخذ ابر وحبوب دفستون
وموعد دورتي قرب ومن فتره احس بالام الدوره
عالعموم ايام التبويض يختلف حسب طول فترة دورتج
اذا وحده طول دورتها 25 غير عن اي 28 يوم
الغاليه شوفي هالموقع يحسب لج ايام التبويض
يمكن يفيدج
https://www.sehha.com/medical/pregnancy/conceive.htm

وينكم ياجماعة الخير 12 دخلو بس واحده ترد علي الله يطيج العافية اخت الإيطالية

نفس ماقالت الاخت الايطالية..وانا انصحج تشربين كل يوم كلاس ميرمية صدقيييييييني عن تجربة ووايد بتنفعج

السلام عليكم اشحالكم اخواتي…
انشاء الله مرتاحييين.. المهم بغيت منكم مساعدة..

ابي مواقع سياحية لدولة الامارات.. كل ما ادخل موقع
مااحصل الي ابيه.. بليييز ابي مساعدتكم..
و هذه أول مشاركة لي… بلييييييز ساعدوني..

أختكم بنت الضيم

السلام عليكم ورحمة الله بوركاته

جمعه مباركه عليكن

اللي تعرف محلات جلابيات في دبي ( جميرا ) على وجه الخصوص ولا مانع من باقي المناطق
اتمنى انها ادلني عليهم او تعطيني ارقامهم

واكون شاكره لكم

وايد اماكن للجلابيات في دبي

"ن" هوت كوتور – Noon Haute Couture >>> "ن" هوت كوتور،، دبي, منطقة الطوار 1, ورا جمعية الاتحاد التعاونية – شارع 38 ب, بيت رقم 11

المصممه مواطنه

فيرست مود – First Mode >>> المحل موجود خلف جمعية الهلال الأحمر في منطقة الطوار 2 في دبي

بوتيك نسوة, بجانب سناء للأزياء, الكرامة, دبي

وإذا تبين تفصيل شي وايد محلات في فريج المرر

انا ما لي خبرة وايد بالجلابيات بس اسمع الناس وايد تمدح محا جوري اللي فالشارجة

للرفع

اب اب اب اب اب اب اب
سبحان الله وبحمده,, سبحان الله العظيم..

مركز الشاطى فوق فى محلات

up >> up

ولا وحدة ردت علي…
على الاقل رفعولي الموضوع بدعوة حلوة

عسى ربي فهالايام المباركة من ذي الحجة يرزقكم باللي تتمنونه وأكثر…

السلام عليكم
ممكن من الاخوات معلمات الصف الثالث الاساسي أو لديها ابناء في هذا الصف
أن يكتبن لي عناوين الدروس بعد الضرب بطريقة جزئية ، لاني اريد التحضير
وتركت كتبي في المدرسة لذهابي للمستشفى وانحجزت هناك لظروف مرضية

الله يوفقج وان شاءالله اتحصلين لو اعرف ماكنت بقصر معاج اسميحلي

حطي موضوعج في القسم التربوي يمكن البنيات هناااك يفيدنج ..

السلام عليكن شحالكن

انا ولدي يعاني من مشكلة

وهيه انه واااايد يرون

من كان عمرة اربع شهور

ارجو المساعدة

وعلى فكرة الحين عمرة سنة وشهر

شو يعني وااااايد يرون ما فهمت

وعليكم السلام
اختي انتي تعطينه الملهاا ( المصاصه ) وايد …
او حد يبوسه وايد على شفايفه؟
بس هذا بعد عادي اغلب اليهال جي ..
بس بو انتي مو مطمنه استشيري دكتور اطفال ..
الله يخليه لج ويحميه …

اختي احسن تودينه الطبيب وتطمنين عليه وان شاء الله يكون كلشي اوكيه

السلام عليكم

خواتي بغيت مساعدتكم أنا اول مرة احجز تذاكر عن طريق النت

وهي مب لي لزوجي وربيعة والحجز يكزن يسيرون ويرجعون من الكويت للامارات ومن الامارات للكويت عن طريق فلاي دبي
وسويت كل الاجراءات ويوم وصلت ادخل بيانات بطاقة الائتمان ما رضى يستوي لي شي
مع اني دخلت بيانات زوجي وربيعة بس بيانات بطاقة الائتمان مب راضيه تدخل
ألحين ابي مساعدتكم الله يخليكم عطوني طريقة الصحيحة للحجز بالتفصيل

الله يجزي كل وحده تساعدني بالخير ان شاء الله

ما عندي علم بالموضوع بس حبيت ارفع لج الموضوع وان شاء الله يساعدونج البنات 

للرررررررفع

هلا اختي للعلم أنه الحجز على فلاي دبي بس يكون تذاكر لازم تحجزين حق الشنط بعد والمقاعد يعني السعر اللي بيعطيج في النت مش النهائي فعشان اتكونين مطمنه اتصلي على طيران فلاي دبي واحجزي عن طريقهم احسن وعن الشنط يحسبولج الشنطه الوحده مال 32 كيلو سيره ورده ابـ 120 ورقمهم 043010800

السلام عليكم ورحمة الله وبركاته
خواتي في الله …. انصحوني شو اسوي جزاكن الله خير
انا زوجي يقول انه يحبني … بس ما مب رومنسي والرومنسية عندي
انه يسمعني كلام حلو وانا افتقر لهذا الشي منه وكل ما اكلمه يوعدني انه يتغير بس
ما اشوف تغير منه …. غير اني واااايد اغار يوم اشوف البنات مرتاحات ويا ازواجهن يعني دوووم عندهن في البيت ويطلعون وياهن … وكله وانا اتخيل انه هالناس ما عندهم مشاكل ابدا وحياتهم عسل xعسل !!!
فشو اسوي علشان اتخلص من هاي الصفه… اتريا ردودكن بالنصيحه الخالصة….

اختي حطي بالج نقطه واتاكدي منها 100%الحرمه تعبر عن حبها بالكلام (القلب)
يعني اذا ريلها قال كلام حب يحبها اذا لا مايحبها وهالشي اكبر غلط لان الريال العكس

يعبر عن حبه بالجماع(الفعل)اذا شاف حرمته جامعته بكل حب يعرف انها تحبه اذا جامعها يعني يحبها

والله كل الرياييل جيه البعض يعبر بالكلام والبعض لا حسب البيئه الي تربا فيها بالنهايه كلهم واااااحد بطريقه التعبير

مشكور اختيه

17 زياره ورد وااااااااااااااااااااااااااااااااااااحد

يالغاليه عادى حن الخليجين جيه تربوا علي جيه يعنى الفعل هو واهم شي انه علاقته معج اوكيه اقصد مو مقصر فى الامور الثانيه واذا على الكلام نحن نعاني لانا نشوف الزلامات يدللوا حريمهم بالكلام بس المعامله قاشيه اما ازواجنا مقللين فى الكلام بس حنينين معنا وانتى حاولي تزيد من الكلام الحلو وهو بيرد عليج وبعد تدللي بكلام ناعم واساليه شو رايك فينى ولبسي وووو وبدلال اكيد بيرد عليج ولا تخليه اكبر همج وحمدى الله انه ما ينافقج

انا مع البنات وكلامهم صح……
وانه ما يقولج كلام حلو مو معناته انه ما يحبج….
انا برايي يكفي انه ايقولجانه ايحبج..هذا اكبر دليل…..

وبعدين بقولج شي انا شفته وسمعته ….
ما في اي ريال ما يحب حرمته…لو شو ما يسوي…
اعرف واحد قريب لي الله يهديه…
هو متزوج وعنده عيال…وماخذ حرمته عن قصة حب…
خيانه يخونها…ويعرف بنات قد شعر راسه…ضرب وهواش والله لا يراويج….
بس فالنهايه على كل زعله اييبلها هديه ويستسمح منها ويراضيها…ويوم اهله ايكلمونه يحلفلهم انه ايحبها
…
فاحمدي ربج…انه ريلج ايقولج انه ايحبج….ولا تمين تحنين عليه وتقولينله انه هو ما يقولج كلام حلو وليش ما تقولي و و و و …..
خليها اتيي منه,,,,مو مشكله لو انج فهمتيه….انه الحرمه تحب تسمع الكلام الحلو مثل ما الريال يحب ال……..
تراج في حاله مثل ما انتي تشوفين اللي احسن عنج….حطي فبالج انه فيه غيرج يطالعج ويقول يا حظها…فلانه فالشي الفلاني…

يعني نصيحتي لج…انج تشوفين الناس اللي اقل منج…مو اللي اعلى عنج عشان ما تتاثرين….

مشكورات خواتي وجزاكن الله الف خير
وبحاول اخذ بشوركن…
وبخبركن اذا استوى اي تغير
دعواتكن لي حبايبي

ماعرف بس اكتبي مدح انهم امهات جيل واعي ومثقف
وتمدحين تربيتهم واهتمامهم ببناتهم

بالتوفيق

للرفع