بنات ابي اسأل عن المنح الدراسية لطلبة الثانوية العامة بخصوص الجامعات الخاصة جامعة عجمان او دبي او غيرها كيف اقدر احصل عليها وين اقدم الطلب وفي اي موقع او مؤسسة لاني اعرف وحده متخرجة ونسبتها 97 وتبي تقدم على منحة تساعدها تدرس بالجامعات الخاصة وبنفس الوقت ماتقدر على انها تدفع كل مبالغ الجامعة الخاصة ممكن ادلوني على طريقه احل ليها مشكلتها ، اهي مواطنه بس ماتقدر اتروح جامعة الامارات لظروفها الخاصة ساعدوها عسى الله يفرج عنكم همومكم بحق هالشهر ؟
انا طالبة فالثانوية واريد اخطط لمستقبلي من الحين
فحبيت اني استفتسر عن تخصص هندسة الطاقة النووية
اريد اعرف كيف اطلب منحة او بعثة
فأي جامعة ممكن يرسلوني او اي دولة بالتحديد
واريد اعرف كيف بيكون امتحان القبول فالجامعة اللي ببتعث الها
وابا اعرف النسبة المطلوبة من الثانوية العامة
والشروط والمؤهلات للبعث او المنح
واذا قدرتوا ابا اعرف شو طبيعة الدراسه فالخارج
صعبه واييد ولا اقدر اتأقلم وبعد ابا اعرف كم بتكون مدة الدراسة
اذا اخترت الماجستير في هذا التخصص
وشكررا مقدما لكل من سوف يساعدني
حبيبتي في بعثه لطاقة النوويه
جي اسمها ومجلس بوظبي لتعليم
انصحج في هالثنتين يتابعون الطلاب ويهتمون فيهم
ورواتبهم وايد عاليه
احسن بعثات
https://ar.enec.gov.ae/scholarships/
وهذا رابط بعثه الطاقة النوويه تتوظفين معاهم على طول قبل ما تبدين الدراسه وبجي تظمنين مستقبلج
وبخصوص الدراسه برع
عن تجربه المواد العلميه واااااايد صعبه
لان هم في مدارس الثانوية مالهم يدرسونهم اشياء نحن ما ندرسها فيكون عندهم معلومات
اما نحن ما ما نوصل للمستوى التعليم الثانوي عندهم فهالشي، هو لي يسبب تخوف
والاحسن تسالين حد دراس في مدارسنا وراح برع
واذا فكرتي تدرسين فالبلاد، عندج منح داخليه، وجامعه الشيخ خليفة، والجامعات الاجنبيه
———————–
فأي جامعة ممكن يرسلوني او اي دولة بالتحديد
انتي تختارين الدولة
(اليابان- امريكا- بريطانيا-كوريا)
واريد اعرف كيف بيكون امتحان القبول فالجامعة اللي ببتعث الها
يطلبون امتحان سات وايلتس لتخصصات العلمية
وابا اعرف النسبة المطلوبة من الثانوية العامة
بما انج بتدرسين تخصص علمي اكيد النسبه في 90 او على الاقل 85 وما فوق، مع مراعاه درجات المواد العلميه انها تكون بمستوى معين
والشروط والمؤهلات للبعث او المنح
بعظهم يشترطون انج تيبين القبول من الجامعه، والشروط بشكل عام انج تكونين متمكنه من اللغه الانجليزية على الاقل 5 في الايلتس او التوفل وامم مب متاكده اذا في بعثات ما تتطلب ايلتس لان النظام تغير من السنه لي فاتت، والنسبه طبعا مهمه
كيف تختارين ماجستير؟
لازم اول تخلصين الباجلر"باكلريوس" عقب تبدين ماستر
لا إله إلا أنت سبحانك إني كنت من الظالمين
﴿ وَإِذَا مَسَّ الإِنسَانَ الضُّرُّ دَعَانَا لِجَنبِهِ أَوْ قَاعِدًا أَوْ قَآئِمًا فَلَمَّا كَشَفْنَا عَنْهُ ضُرَّهُ
مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُواْ يَعْمَلُونَ ﴾
السلام عليكم ورحمة الله وبركاته
اشحالكم بنات ؟
بغيت أقدم منحة لأاختي ماشاء الله نسبتها عالية وهي علمي بعد ..بس ما أدري لمنو أتصل عسب انسق وياهم بسالفة المنحة..!!! فياريت اللي تعرف تخبرني ..
وكل الشكر لكم
أنتظر ردودكم ^.^
انشاء الله البنات يفيدونج
وبارك الله فيكن
هذا اللي أعرفه وإن شااالله يكون الباب لين الحين مفتوح .. اللي أعرفه إن عليهم ضغط وايد ..
ممكن أعرف شو هي الجهات الي تهيء للطالب منح دراسية وبعثات للخارج ؟؟
ويزاكم الله خير
واهم جهه الواسطة لوووووووول
هههههه ضحكتيني بالواسطه
واسطتي ربي بعون الله
سكوو خارج الدوله
شرطة دبي
الطاقة النووية اذا كنتي علمي
^_^
انا اعرف وحدة من اللذين لا يحملون اوراق ثبوتية (بدون حملة المراسيم) امممم و تبغي اتكمل
دراستها لان ماشالله عليها نسبتها 91.1 فالقسم العلمي.. و انتو تدرون انه الجامعات الحكومية ما تقبلها
فاللي تعرف مكان او مؤسسة تعطي منح دراسية لهذه الفئة
اتخبرني .. لانه والله حرام عقب هالنسبة ما تدرس.. و هي ماتروم عتكاليف الدراسة فالجامعات الخاصة
فاللي تقدر اتفيدني بشي.. يا اما تكتبه هني او اتراسلني عالخاص..
و السموحة منكن..
بنات وينكم..
بنات وينكم؟؟!!
