الوسم: النفس

السلام عليكم ورحمة الله وبركاته

اخواتي الي جربت شي ونفع معاها في فتح النفس تقول لنا عن تجربتها اتمنى الاقي تجارب وايد عشان الكل يستفاد
وياريت يكون من تجربة العضوة نفسها لان مثل ما تعرفون الحمل مرحلة حساسة ومانريد شي مش مجرب اخاف اخذ ذنب الي بتجرب وبتتوهق او تنظر او ينظر الياهل لا سمح الله
بارك الله فيكم ونفع فيكم

المشي وكف مريم والقرفة

والحمام الساخن شوي

الأشياء اللي أسويها لحريم أخواني وأختي قبل ولادتهن علشان فتح عنق الرحم وزيادة الطلق, الحبة السوداء مطحونة مع ماي ساخن وعسل وهذه الوصفة تنشرب قبل أسبوع من الولادة من كوب لكوبين يومياً. أكل الأنناس الطازج. التمر, المشي يومياً , شرب الميرمية . وماء زمزم مخلوط فيه زعفران هذا بعد ما يبدأ الطلق. والحمدلله , الله يسهلها . ربي يسهل على كل والدة ويقومها بالسلامة.

عن تجربتي الخاصه القرقره خلي ريلها ايوديها بسياره شارع ما معبد في اليوم الثاني اذا ما كان نفس اليوم بتولد وشرب الزعتر واكل الاناناس بعد وايد زين مرت اخوي جي اتسوي وما شاء الله على طول الويع .ولازم تمشي وايد .انا الصراحه ريلي طلعني الظهر في الحر والهلاك ايمشيني صوب العزب لمدة ساعه او45 دقيقه رديت البيت هلكانه بعدها في اليوم الثاني الصبح ياني عوار الولاده كنت بعدي بكريه وقايلين لي بتاخر بس الحمد الله ولدت والله يسرلي ولادتي. والله يسهل ولادة كل وحده مقبله على ها التجربه .
ويأجرنا الخير لانها اصعب تجربه باها الحياه كلها.

وجدان انتي قابله قانونيه يعني اتولدين حريم ولا بس اكتساب خبره من تجاربج لاني اول مره اسمع بها الوصفات
ويعطيج العافيه الغالي

نعم أختي أنا بفضل الله ممرضة و قابلة قانونية واستشارية رضاعة طبيعية .ودارسة طب نبوي وطب بديل . ورب العالمين هو المسهل والميسر. الله يعافيج أختي .

أختي وجدان الفجر أختي ممكن أسالج سؤال عالخاص

كيف الحال حبيبات قلبي
أنا تعبانه من اسبوعين من فتحت النفس ما اقدر امشي احس عمري غير والآلام فضيعه فالحوض من امشي
اللي ضيجبي ان السكر وصل 174عندي ولازم انظمه وانا استغفر الله ودي اربي بسرعه ما اعرف احاسسي متلخبطه خوف مع صياح كل اسبوع يطلع شي فيني أخاف الاسبوع الجاي اتقولي ولاده بطلق صناعي خواتي منو عندها حل تفتح النفس بسرعه مع الطلق
ساعدني وعلي ادعالكن فوقت رباي
والله يرزق كل محرومه بحمل واللي ما اتزوجت تتزوج واللي خاطرها فولد الله يرزقها بولد صالح بار واللي خاطرها فبنت اللي يرزقها فبنت حنونه باره مطيعه
وربي يسعد كل من يرد علي الحامل تسهل ولادتها وحملها

الله يسهل عليج يااارب

حبيبتي الله يسهل عليكي يارب ويسهل الولاده يارب

انا بسمع على طول التمر اهم شي لتسهيل الولاده

والدليل في قصه مريم .! يعني من القرآن الكريم هالكلام

الله يهون عليج الغالية ما اتشوفين شر

بس ما خبرتينا فأي شهر انتي ؟؟ وكيف عرفتي ان الرحم متوسع 2 سم ؟؟ وشو كانت اسباب التوسع ؟؟ يمكن اقدر افيدج مع اني ما مريت بهالشي لكن حملي مرهق جدا لدرجة اني ما اقدر اشرح للناس حتى امي ما اتصدقني وريلي يتحراني اتدلع .

االله يسهل عليج يارب يااختى ..
عليج بالمشي ,وحركه القرفصاء,الجماع ,واخر اسابيع عليج بزيت الخروع والتمر..
لاتنسينى من دعاىج بالحمل..

التمر وايد مفيد ، الجماع يساعد بعد ، والله يسهل عليج انشالله

uuuuuuuuuup