الوسم: الوحام

بغيت استفسر عن إبرة الوحام سمعت انه في إبره تخوز الوحام سألت عنها يوم كنت حامل وماخديتها لأن خلص وحامي في الخامس الحمد الله بس أختي حامل ووحامها يستمر لين التاسع وحتى خقب ماتربي ماتتحمل العطور وغيره عاد بغيت اللي مجرب يخبرني ظروري بليز بس أبا في دبي

الله يهون علينا كلنا يا رب ..

وحد يبدأ عنده في نص الشهر الثاني او اخره

بس اهم شي لا تكثرون من الدهون والاكلات الدسمه او السريعه لانها تزيد الوحام

اهم شي ركزي على الفواكه والالياف مثل الخس والخيار لانهم بسرعه ينهضمون والخيار يبرد على البطن

وحطي صحن فواكه عند السرير لانه في الليل يزيد الجوع ولازم تاكلين نوع من الفواكه مره او مرتين ع الاقل في الليل لانه الجوع يزيد الوحام.

ومبرووووك الحمل

أما اذا كان الوحام شديد …تصف لك الطبيبة دواء خاص للتخفيف من شدة الوحام

حرييــــــــــم..من كمن يوم بدا عندي الوحام….وواااااااايـــــــد متعبني…

هذا اول حمل لي عسب جي مب عارفه شسوي…

انش من النوم ابا ارجع…لكن مايطلع شي

احس ان بطني يعورررني ويتعصر …احس باليوع لكني ماقدر اكل وماشتهي اي شي..

واحس بتعب فضيييييع كأني محمووومه

مادري كيف اخفف من الوحام وعوار البطن وعوار الراس…

وفوق كل هذا احس باللوووعه لكني ماقدر ارجع…

شو اقدر اشرب او اكل ويخفف من لوعتي وتعبي؟؟؟؟؟

والدكتوره ماكتبتلي حبوب اللوعه….اقدر اخذها من الصيدله ولا؟؟؟

انا كنت تعبانة مثلج ويمكن اخف شوي فوصفت لي الدكتورة هالحبوب ( Navidoxin )

وايد وايد زينة هالحبوب وتخفف من اللوعة وبترتاحين ان شاء الله..

وهي ما تضر ابدا ً وتقدرين تسألين الصيدلي عنها ..

واذا تبين شئ طبيعي كلي زعتر وايد يخفف اللوعه واهم شئ لا تخلين بطنج خالي لانه المعده الفاضيه روحها تزيد اللوعه فاغصبي عمرج على الاكل

انا مره كتبت موضوع يخص وحامي الفضييييييييييييع ووحده من البنات ردت عليه انه في ابره كانت تاخذها وبس مافهمت منها شي سالتها كيف استخدامها وشو اثارها وها تشل الوحام شل ولا تخفيف بس ماعرف اول مره اسمع عن هاي الابره بس الموظوع ظاع ادوره في القسم من فتره مالقيته قلت خلني اسال البنات يمكن حد سمع او جرب هاي الابره واذا لها مخاطر على الجنين قولولي ترا مافيني بس تعبت من الوحام ذبحني الله يخليكم بنات اللي ماتعرف تدعيلي لو في ظهر الغيب ومن القلب ان يخوز عني هالوحام وارتاح ويخليلي الجنين اللي في بطني ويحفظه الله يخليكم مافي احسن من دعاء الاخت لاختها يزاكم الله خير

والله اقول لكل حد الربا ولا الوحاام عندي .. الله يعينج شكلج شراتي

بنت عمي كان وحامها فضييع .. لا حبوب نفعت ولا ابر

عادي الابره دوا .. تخفف اللوعه على حسب جسمج

الله يخففه عنج ان شاء الله ..

وبخصوص الابره انا خذتها ثلاث مرات ..

المره الاولى >>>>> ارتحت من الوحام وكأني مش حامل … وطبعا فرحت ^____^

المره الثانيه >>>>> كنت احس بالوعه شويه بس ,,, يعني بدون ترجيييييع وقلت يله مش مشكله اهم شي اني ما ارجع ^__^

المره الثالثه >>>>> ولا كأني خذت ابره ,,,,^_^

ومفعولها الابره عشرة ايام بـــــــــــــــــــــس…

ادعيلي بالحمل^^