انا دخلت بنتي حضانة الراشدية لمدة سنة ، وبعدها دخليتها مدرسة المهارات الحديثة الخاصة الي في المحيصنة والصراحة تأسيسها كان ممتاز والحين هي في مدرسة الابداع النموذجية في الطوار.
أما بالنسبة لولدي نفس شي دخلته نفس الحضانة والحين في نفس المدرسة الخاصة طبعا لتأسيس وبعدها إن شاء مدرسة النخبة النموذجية
وبنتي الصغيرونة الي عمرها سنتين وخمس شهور سجليت اسمها في الحضانة اليديدة الي في العربي سنتر، وإن شاء الله بتبتدي معاهم في بداية السنة الدراسية.
في مدارس ثانية في منطقة المحيصنة مثل غرين ودد انترناشيونال، العربية الامريكية الخاصة، مدرسة مردف الخاصة بس الاسعار فيها ناررر مقارنة بالمبنى الجديم. مدرسة التربية الحديثة الخاصة.
لازم اتسوين جولة على هالمدارس عسب انتي تقتنعين بها … شوفيلج يوم وقومي برحلة استكشافية للمدارس.. وتسجيل العيال في المدراس يباله طولة بال وقرار صائب عسب ما تندمين عقب.