اشحالكم بنيات
عالعموم انا بسألكم سؤال واتمنى ما تسوون طاف مثل كل مرة
خواتي عندي عرس وحدة من ربيعاتي وايد غالية عليي
وبسويلها توزيع حلويات في العرس
بس مابا اوزع في صينية او سلة يعني مابا اشياء تقليدية
ابا ستاند او شي غريب احط فيه الحلويات عشان اوزعها
الله يخليكم اللي عندها فكرة او حضرة عرس وشافت شي غريب تخبرني
وبدعيلكم من كل قلبي سواء اللي رفعت الموضوع او عطتني افكار
السموحة
فديتج تقدرين تسوين شرات استاند الكيك بس عسب تقدرين تشلينه الاحسن تسوين ابو طابقين وقسمي التوزيعات عليه ,, وممكن تسوين نفس شكل الاستاند بس بطرق مختلف مثلا على شكل قلب او وردة يعني كل طابق ممكن مربع ممكن نص دايرة ,, يعني وااايد اشكال تقدرين تسوينها بنفس فكرة استاند الكيك او المكسرات ,,
وممكن تسوين شكل الهرم يعني الهيكل شكله هرم وعقب ترتبين عليه التوزيعات ,, وممكن تسوين حركة غربية ويديدة بعد والسموحة لو كان حد مسوينها بس بالنسبة لي ما قد شفتها ,,, المهم تييبين العربية اللي يحطون فيها العطور وتلزقين عليه طبعا تلزيق خفيف التوزيعات بس اهم شي ان التوزيعات ما تكون ثجيلة ,,
وممكن بعد تسوي استاند شرات الشمعدان وان شاء الله لو الله عطانا عمر اسوي توزيعات الشمعدان واستاند الشمعدان لان يبالها في البداية اصمم شكل يكون فلتة ,,,
وممكن تسوين استاند على شكل مبخرة كبيرة طبعا كوزن تكون خفيفة لانج تسوينها اما بالبلاستيك الخفيف او الكرتون وعاد تلونينها او تلزقين عليها تور بني وشبك وتنزلين منها حبات لول صراحة بيطلع شكلها غاوي مرة ,,
وممكن انج تسوين صدفة كبيرة والتوزيعات عبارة عن حبات لول وداخلها الشوكليت او اي شي ثاني ,,
اهم شي في هاي الاستاندات كلها انها تكون خفيفة الوزن اما من الكرتون المقوى يتم صنعها او من البلاستيك الخفيف ,,
والسموحة على القصور كنت حابة اني اساعدج بأفكار اكثر ورسومات بعد عسب لو حابة تفهمين الفكرة اكثر لكن المشكلة اللي عندي اني مو راقدة عيالي ما شاء الله مسويين عندي حرب داحس والغبراء ,, يعني انا قلت لابوهم يسيرون صيفنا مميز لكنه قالي حرام اونه خل يرتاحون ,, الله يعيني عليهم ويهديهم والله راسي مرررة مصدعة واحاول دوم اني اكون كووول بس وين الله يعين الله يعين 
,,
عموما الغالية لو عيبتج اي فكرة وحابة تستفسرين اكثر عن طريقة الصنع ممكن تراسليني على الخاص وبحاول اني ارسملج تصميم الفكرة بالتقريب الشلون ,,
والله يوفقج وييسر لج الخير ان شاء الله دنيا واخره ,,, ومبروووووووووووووووووووووكين ان شاء الله ,,,
@ اختكم في الله @
ام ناصر
ان شاء تحصليين الي بالج
اذا بغيتي رقمها راسليني عالخاص
سارت الشارجه واشترت من عند السينما نخي وفول سوداني واحلاوه الحمرا الجديمه وخلطته كله في علبه كبيره وشلته وياها العرس وقبل لا ايون المعاريس خلت الفلبينيات يوزعنه في القراطيس مال الكيك الملونات اللي اين على شكل كوب
وخلتهم يوزعونهم على كل الصحون اللي على الطاولات
كل المعازيم تخبلوا على الحركه واستانسوا والله يقولون ونستونا على الاقل تقرضنا وقزرنا الوقت
المشاركة الأصلية كتبت بواسطة دنيتي الامارات 
