مشكلتي مع بنتي بتكمل سنتين وانا ما قادرة افطمها جربت كل الوسائل ماشي فايده حطيت دواء مر وحطيت كحال وحطيت ليمون احيانا فلفل بس ماشي فايده ما قادره افطمها حتى ما ترقد الا على صدري يوم بوقف بسير اي مكان تصيح تقول امي شليني وتقعد مكانها اتصيح والله ما اعرف شو اسوي وياها
ارجو المساعدة
وحطي المره والنيييييل .. وخليهاا تشوووفه عشاان اجزه .. قولهاا تشوفينه خااايس ..
وان شاء الله انهاا تستفطم بدون ماا اتعبج ..
هاي شرااات ولدي عقب رمضان بيكمل سنتييين وما قدرت عليه والمشكله انه مايرقد الا على صدري وفليل كل فترة ونش وما يرد يرقد الا على صدري والله تعبت من المحاولاات
جربت الزق صدري بلزق الوان وزااااغ هههه بس الفليل ماشي فايدة يرد علي….
ونجحت طريقة وحدة وهي ادهن صدري بفوكس والله انه تم يومييين كاره صدري ويرقد بدونه وينش الفليل ويزاااعج ما يباااه بسسسس انا الهيااازة اللي ماصبرت عليه وما استحملت
ورديت صدري عليه ..ان شاء الله بحاول وياه نفس الطريقة هالاسبوووع
المهم حبيبتي جربي حطي لها مانكييير احمر ع صدرج اختي جربت هالطريقة
وولدها مابغاها شاف اللون قولي لها دم(مجرمة انا)هههههه