موضوعي هذا عن أعلى قمه في أوروبا وتقع في سويسرا وبالتحديد في انترلاكن
ارتفاعها يبلغ ( 3454 متر )
انها القمة الثلجيه ((( jungfraufoch )))
طريقة الوصول الى هذه القمة وباختصار
عن طريق قطار يمر بمحطة ثانيه للتبديل والركوب في قطار ثاني يوصل لأعلى القمه
والآن أترككم مع الصور
طبعا هاي الصوره من النت بس باقي الصور من تصويري
[IMG]
[/IMG]
وهاي صوره من الطريق الى محطة القطار
[IMG]
[/IMG]
وهاي بعد صوره ثانيه من الطريق الى المحطه
[IMG]
[/IMG]
وهني وصلنا المحطه والباصات واقفه بعد ما نزلوا السياح
[IMG]
[/IMG]
وهاي صوره من القطار بعد ما ركبنا تصدقون اني ما صورت القطار
[IMG]
[/IMG]
وهاي الخارطه اللي توضح الطريق الى القمه في أعماق الجبل
[IMG]
[/IMG]
وبعد ما وصلنا عند القمه دخلنا هذا الممر اللي يودينا عند المصعد اللي يآخذنا للقمة الثلجيه وبنتي الحبوبه في المقدمه
[IMG]
[/IMG]
وهذا السوق
[IMG]
[/IMG]
وهاي أدوات قديمة يستخدمونها في الزمن القديم
[IMG]
[/IMG]
وهذا المنظر من دريشة المطعم اللي تغدينا فيه كل شي أبيض في أبيض
[IMG]
[/IMG]
وهذا منظر للأكواخ اللي مغطنها الثلج
[IMG]
[/IMG]
وهني في طريق العوده بعد عوده اللون الأخضر
[IMG]
[/IMG]
والبقرات الثلاث ترحب فينا
[IMG]
[/IMG]
ومجسم البقره اللي نحصله في كل مكان في سويسرا
[IMG]
[/IMG]
وهذا الثلج طبيعي من السما مب من الفريزر مسكته علشان أتأكد
[IMG]
[/IMG]
احب الثلج والمزيون واحب النمسا وانتوا ماتدرون
لا تزعليين حبييتها سويسرا بعد 
تسلملي الايادي اللي نزلت الموضوع
المشاركة الأصلية كتبت بواسطة روووز ماااري 
احب الثلج والمزيون واحب النمسا وانتوا ماتدرون
لا تزعليين حبييتها سويسرا بعد
تسلملي الايادي اللي نزلت الموضوع
هااااااااااااااااه بسج ؟
الحين استوت سويسرا حبيبتج ؟
عيل يوم بتشوفين تقاريري بتذوبين فيها ذوبان الثلج تحت الشمس
وبتنسين البلد إياها اللي ما تتسمى
بنت الجيران !
أشكرج على هالتقرير الغاوي
مع العلم اني كنت السنة في انترلاكن وحبيتها وايد
وما حاولت اني أوصل القمة لإعتقادي الساذج انه يوصلونها بالتلفريك (اللي ما أحبه) بس 
ما دام السالفة فيها قطار (يمشي عالأرض مب معلق في السماء)
عيل لازم أجربه وأتغدى في العلالي
وصدق حلاته البرد في عز الصيف
المشاركة الأصلية كتبت بواسطة روووز ماااري
احب الثلج والمزيون واحب النمسا وانتوا ماتدرون
لا تزعليين حبييتها سويسرا بعد
تسلملي الايادي اللي نزلت الموضوع
أهلا وسهلا فيج عزيزتي
أنا زرت النمسا قبل سويسرا
بس حبيت سويسرا اكثر
المشاركة الأصلية كتبت بواسطة ^الدماني^ الحين استوت سويسرا حبيبتج ؟
عيل يوم بتشوفين تقاريري بتذوبين فيها ذوبان الثلج تحت الشمس
وبتنسين البلد إياها اللي ما تتسمى
بنت الجيران !
أشكرج على هالتقرير الغاوي
مع العلم اني كنت السنة في انترلاكن وحبيتها وايد
وما حاولت اني أوصل القمة لإعتقادي الساذج انه يوصلونها بالتلفريك (اللي ما أحبه) بس
ما دام السالفة فيها قطار (يمشي عالأرض مب معلق في السماء)
عيل لازم أجربه وأتغدى في العلالي
حيا الله الدماني اللي ماكله الجو في المنتدى بتقاريرها الفتاكه
وليش ما تحبين التلفريك تجربته حلوه أنا جربته في النمسا
بس تعرفين أنا شو ما أحب ؟؟؟ ( البواخر ) وتدرين ليش لأني ما أعرف أسبح
بس السنه هاي تجرأت و ركبت الباخره اللي تحوطنا في نهر السين في باريس