اشحالكم صديقاتي عساكم ابخير
باجر الخميس الصبح ان شاء الله قررنا انسير مسقط 3 ايام الويكند انقضيهم هناك
سايرين قروب 3 عائلات
المشكلة انه الاهل قرروا متأخر فماشي وقت احجز فنادق من قبل
المهم
ابا اي حد مجرب فنادق زينه في مسقط يكون فيها (B&B: Bed & Breakfast) الغرفة مع الريوق بوفيه
ابغى فندق نظيف وحلو وسعره معقول
اقترحولي أي فنادق غير مجموعة فنادق شنغريلا (الواحة والبندر والحصن)
لأنه اول شي سكنت في هالفندق من قبل واتوقعه احسن فندق في مسقط .. لكن المشكلة الحين انه مب محصلين حجز فيه ولا غرفة وكله Full Booked وخاصة انه نحن نبا 4 غرف .. وادري هالزحمه عشان المهرجان اللي عندهم وغير هذا انه ويكيند
فممكن اي اقتراحات ؟!!
إحنا دايما نسكن في فندق الانتركونتننتال وايد حلو و نظيف
بخصوص الشقق الفندقية في مسقط …
الملاحظ ان عددها زاد فالفترة الاخيرة …
لكن معظمها .. مستواها … مش ذاك الزود …
بالنسبة لي .. ومن تجربة شخصية …
انصحك بالتالي …
فندق سفير الدولي … شقق فندقية راقية … لكنه غالي شوي …
شقق دار الضيافة …. مستوى النظافة .. نفس مستوى سفير الدولي …
شقق الخليج … نفس مستوى دار الضيافة …
فندق سفير الدولي … يقع فالخوير …
دار الضيافة و الخليج .. فالغبره … اذا انت طالع من المطار … تاخذ ثاني مخرج … ((اللولو هايبرماركت)) …
بالنسبة لدار الضيافة … تاخذ الدوار وترجع .. كأنك راجع المطار … لكن قبل ماتدخل شارع السطان قابوس .. تدخل محطة البترول … واول ماتاخذ اللفة … تلف يمين .. يعني ماتدخل المحطه .. وتصير كأنك تمشي عكس الشارع اللي كنت فيه …
تاخذ اول لفة يسار … وتمشي يمكن 100 م .. تحصله على يدك اليمين …
اما الخليج … تاخذ الدوار يسار …. وتمشي سيده .. لين اخر الشارع .. يعني تعدي من الاشارات كلها .. لين توصل الدوار …
قبل ما توصل الدوار .. بتحصله على يدك اليسار … خذ الدوار وارجع … الفندق على يدك اليمين ..
وتمنايتي لك بالتوفيق …
__________________
منقول للفايده
سرنا وردينا والحمدلله
الوقت كان وايد متأخر عشان آخذ بآرائكم
لكن حصلنا حجز عن طريق واحد عماني (ربيع بابا) يزاه الله خير
سكنا في فندق قولدن تيوليب .. بعد المطار على طول .. لكن مب مطل على بحر مثل شنغريلا والبستان وربعهم ..
مرة ثانية الواحد يحجز من وقت .. عشان يحصل الفندق اللي يباه ..
مشكورات خواتي ما قصرتوا