اسمحولي اقدم لكم تقرير رحلتي لتركيا واتمنى اسلوبي والصور تنال اعجابكم …
بسم الله نبدأ ..
مدة الرحلة : 15 يوم (( من تاريخ 10-7-2017 الى 25-7-2017))
الناقل الجوي : الخطوط التركيه (( وبصراحه ما انصحكم فيها))
خط سير الرحلة (( 12 يوم في يالوفا – 3ايام في اسطنبول))
عدد الاشخاص: 5 كبار و3 صغار المجموع 8
يوم الجمعه 10-7-2017 … تشير الساعه الى 12 ليلا رن جرس الانذار في البيت ^^ ع الجميع
الخروج حالا من البيت وركوب السياره بإتجاه الى مطار دبي الدولي..
وصلنا مطار دبي وبصراحه انصدمت تتدرون ليش
لان المطار فاضي مافيه حد عنبوه انا اول مره في حياتي اشوف مطار دبي بدون ناس ولا زحمه والوضع كان ممل
حتى كاونتر الحجوزات والجوازات فاضي واللي يشتغلون ملانين ههههههههههه صخه>>>> صج انفلونزا الخنازير امسويه شغلها عدل هههههههههههههه
المهم لقت لكم كم من صوره من المطار
ومثل ما قلت لكم ان المطار فاضي واصحاب سيارات القولف يتمنون حد يركب وياهم
شرات ما نحن كنا نتمنى يفضى عسبت نركب ههههههههه والحمدلله تحقق الحلم وركبنا ^^
هذه طيارتنا ..
موعد اقلاع الطائره ساعه 2 ونص الفجر بس طرنا ساعه 3 لين ما تتمخطر الطياره ع المدرج ^^
بعدها يلست اطالع هالفلم الهندي ما ادري شو اسمه ..
وجبة الريوق
منظر الفجر
وصلنا مطار اسطنبول ساعه 7 الصبح
صوره من اسطنبول
بعد ما وصلت الدريول ساعه 8 تحركنا الى الميناء عسبت نروح يالوفا
طول الدرب من المطار الى الميناء انا راقده ما حسيت بعمري الا لما سمعت صوت الشفير يقول لنا انزلوا نحن التاير بنجر
خخخخخخخخخخخخخ زين ان واصلين الميناء هههههههه والحمدلله تم تغير التاير
وهذه صورة العباره اللي ركبناها..
منظر ونحن في البحر
[/img][/url
وهني الغرفه
وهذه اطلالة الغرفه
وبما ان كنا يوعانين ف رحنا لمطعم وتغدينا
بعدها اشترينا فواكه ورجعنا للفندق
ولما رجعنا شفنا طاولات وزينه ع المسبح قلنا اووه اليوم عرس حظنا حلووووو خخخخخخخخخخ جان انصور
بس تتدرون طلع هب عرس هههههههههههه الله يسلمك هذا عيد ميلاد ول عمره 8 سنوات او 9 وامسوين له حفله
وزفه وبلونات تتطاير وألعاب ناريه وفرقه واستعراض بصراحه حظه هالولد ههههههههههههههههه
حفلته كانت وايد حلووه نحن طول الوقت قاعدين جنب الدريشه وانشوف الحفل …
ويوم الثاني نزلنا تحت حق الفطور بس للاسف الفطور ما كان حلوووو
بعدها يه الدريول وركبنا السياره ورحنا الشقه اللي اجرناها في منطقة اوسبنل
وهذي الفيلا اصحاب البيت كانوا امأجرين الطلبق اللي فوق لنا
[url=https://uaewomen.net/upload//uploads/images/uaewomen-57cc4e45d2.jpg]
[/url
بينا وبين هالفندق 3 فلل
فندق تيرمال 5 نجوم لمزيد من الصور والمعلومات
ادخلوا ع رابط الفندق
www.thermalium.com
الحين خلوني اوريكم الشقه يالله ورنا نركب الدرج
هذه اول غرفه لخواتي واخوي.. فيها سريرين سنقل و واحد دبل يعني تكفي لاربع اشخاص
وهذه غرفتي فيها سريرين
وهذه غرفة الماما والبابا
واهني كرمكم الله الحمامات واحد عربي والثاني افرينجي وشي غساله وهذا اهم شي ههههههههه
وهني الصاله وماشاء الله كبيره و واسعه والتلفزيون في قنوات عربية
والحين بتركم مع صور متنوعه لأطلالات الشقه..
هالمنظر من بلكونة غرفتي
هذه الفلا اللي امجابلنا
وهني زارعين ورد روز ع البلكونه
[url=https://uaewomen.net/upload//uploads/images/uaewomen-563235d3e7.jpg]
[/url
خذنا لفه في الشارع وبعدها يلسنا في هالمقهى اللي العرب كلهم طايحين عنده..
هالحرمتين يسوون فطاير و يخيطون ثياب لليهال
بعدها يه صاحب المقهى ويرمس عربي وعرض علينا اللي عنده وقال شي شاي برتقال
عاد ابوي يحب يجرب فطلب شاي برتقال وما عجبه
فطلب شاي ليمون بعد ما عجبه ههههههههههه
بعدين طلبنا تركيا كوكا كولا وبصراحه طعمه حلووووو ^^
هذه سياره مرت وكانت امزينه
واختي عيبها هالجلب لان شكله يضحك جان اصوره ههههههههههههه
وهالورد ينفع لقباضات الشعر خخخخخخخخخ ول شو رايكم!!!!
تبون فطاير؟؟ بصراحه هالمخبز فطايره حلوه دايما كنا نشتري عندهم للعشا
بعد هالجوله رجعنا الشقه ويلسنا ع البلكونه وتعشينا فواكه وشربنا شاي.. عاد الشاي هناك لما انسويه حلوو طعمه لان الماي حلوو ..
[url=https://uaewomen.net/upload//uploads/images/uaewomen-9ea7c13512.jpg]
[/url 
بعدها رحنا ترمال ((جوق جدرا)) وتمشينا صوب المسابح
اليوم الرابع كانت رحلتنا الى منطقة بورصه.. طبعا الوالد أجر لنا سياره لمدة اسبوع وكنا بروحنا نتنقل ونكتشف الاماكن..
والحمدلله قدرنا نوصل بورصه ولمنطقة التلفريك..
وهذه مجموعه متنوعه من صعودنا الي جبل الاولداغ بالتلفريك..
