×:× بريانــــــــي التونـــــــــــة ×:×

شحالكن جميعا,,

بسم الله نبدا

* نحمس مكعبات البصل مع شرايح الطماط والكركم,,,,بنفس زيت التونة,,
ونضيف ملح& بهار الكاري& دارسين وفلفل احمر مطحون& فلفل اخضر حار والتووونة
ومعجون الطماط وشوية سماق>>> نخليه 10 دقايق يتسبك

وصار جاهز,,,

* نسوي الحشوة: نقلي حبوب الكمون والخردل في شوية زيت مع شرايح فلفل اخضر حار ونضييف صبغة حمرا,,,,مع مكعبات لومي اصفر,,والنخي المقطع المسلوووووق مسبقا في ماي وكركم(( هالحشوة لذيذة مع اي نوع عيش ابيض لما تقلين سمج او دياي))

* نفووح العيش المغسول,,,ونشخله,,ونضيف طشونة صبغة& شبت مفروووم

* نحمس بصل وكركم وكمون وحبوب خردل,,بالزيت’’حق قاع الجدر,,ونضيف شوي ماي اول مايذبل البصل(( نقسمه نصين,,نص للقاع,,ونص لوجه العيش))

* نحط طبقة عيش ثم حشوة,وثم خلطة التونة,وثم العيش والحشوة واخر شي العيش وماي البصل للوجه ,,وكله يتغطى على نار هادية بحدود ربع ساعة او اقل

* نجهز بصل مقلي وكزبرة مفروومة زينة للعيييش بعد الغرف

شوفوا كيف يجنن؟

وعن قرب؟؟؟ يمممممي

ولاتنسين تسوين سلطة من ايدييج الحلوة^,^

اتمنى يعيبكم,,,ودعواتكم,‘

ماشاء الله روعه مع اني ماحب التونه بالارز بس ماشاء الله طريقتك حلوه
ممكن اعرف ايش اسم الرز اللي تستخدميه ومشكوره اختي

حلوووة الطبخة وتسلم الأياااادي..

اليووم كااان غدانا برياني التوونة..

يعطيج العافيه

ماشاء الله شكله وااايد حلو ^_^
جوعتيني ..

احس اني اشم ريحته ههههههه.. جزاج الله خير

`ذكرتيني بأيام السكن

كانت عندنا وحدة طبـّــاخة نمبر ون
وكانت تسويلنا أحلى برياني تونه

مشكورة !