الموضوع للمشـــــــــاهدة فقط
و اللي عندها أي تعليــــــق . . هنيـــه تقدر تعلّـــق:
https://forum.uaewomen.net/showthread…6#post23739606
بليـــــز بنات تعاونن وياي عسب يكون الموضوع حلو ومرتب حيث أن الكل يبستفيد منه و أهم شي الكل يستمتع بشوفه
الموضوع من عنوانه
"My cooking "
أو " طبخـي "
هوايتي الطبخ
خاصة يوم يكون المزاج معتدل .gif "12 (56)")
تظهر الإبداعات من الخاطر
{
}
في هالموضوع ان شاء الله
بنزّل لكم صور لطبخــاتي بين اللحين و الآخر
و ان شاء الله يلقى الموضوع رضاكم و استحسانكم
الردود بروحهن مخصص لهن موضوع هنيه :
https://forum.uaewomen.net/showthread…6#post23739606
تقبلوا خالص الموّدة
أول بيتي فور اسوّيـــه بروحي
العجينة اسمها عجينة هند ظهرتها من المنتدى وحدة من الاخوات حاطتنها يزاها الله خير
و هي كالتالي :
الطبق الأول :
كوبين طحين (الكوب الاحمر مال السميد)
8 ملاعق نيدو
رشة ملح
الطبق الثاني :
ملعقتين خميرة فورية
ملعقتين بيكنج بودر
فنجانين سكر
كوب ماء دافئ (قياس كوب جبن كرافت المتوسط)
كوب زيت (قياس كوب جبن كرافت المتوسط)
الطريقة :
نخلط مقادير الطبق الـ1 بروحهن
و نخلط مقادير الطبق الـ 2 بروحهن
نضيف مقادير الـطبق الثاني للأول
و نعجن لمدة 10 دقايق
(ممكن تضيفين شوية زيت عشان ما تلتصق العجينة)
تخلينها تخمر لمدة ساعة برع (الشمس و الحرارة وايد تساعد ^^ ) مع تغطيتها غطاء محكم (أنا افضّـل النايلون الشفاف)
و هذا كان شكلها :
حشيتها بجبنة البقرات الثلاثة قليلة الدسم . . لذييييييذة للمعجنـــات :
كوّرتها بهالشكل و داخلها طبعا الجبن :
هذا شكل الطبــق بعد التكوير :
دخلتها الفرن . . لاحظوا كيف انتفخت
أثناء ما هي في الفرن . . رشيت عليها سمسم
و عقب سوّيت الشيـــرة (السائل المحلى اللي نصبه فوقها)
و كان كالتالي :
كوب ماء
كوبين سكر
عودين قرفة
كمن حبــّة هيـــل
ماء ورد
عقب ما استوى دخلته الثلاجة عشان يبرد (لا يفضّل أن تكون هي حارة و هو حار)
جهزت الفطائر , , ظهرتها من الفرن و صبيت عليها الشيرة
و هذا الشكل النهائي لها بعد ما ظهرتها :
طبعا بتلاحظون انها سمـــــرة , , السبب اني حطيت كوب من طحين رقم واحد و كوب من رقم 2 الاسمر ^^
بس طعمها وااااااااااااااااااايد حلو و لذييييييذ . .الحمدلله اللي كل منها مدحها ^^
و هذا كان طبق اليوم
للتعليــــــــق :https://forum.uaewomen.net/showthread…6#post23739606
دمتم بحفظ المولــى
سهلـــــــه و سريــــــعه . . بس عقب ما تخلص تحتـــاج تبريد . . عشان تكون ألذ و أحلى .gif "12 (36)")
أول شي
المكونــات :
1) خليط الكيك الجاهز ~ في الغالب استعمل العلالي ^^
و نصيحة اذا تبين الكيك ينتفخ
أ) شغلي الفرن قبل لا تبدين
و عقب ما تخلطين المكونات
ب) خلي الخليط في القالب لمدة ربع ساعة قبل لا تدخلينه الفرن
ج) لا تفتحين ع الكيكه كل ساعه تتطمنين عليها . . بيدخل الهوا البارد الفرن ولا بتنتفخ ^^
2) نوتيلا ~ علبة متوسطة أو صغيرة
3) جلكسي . . على حسب الرغبة . . أنا استعمل 8 تقريبا
4) قشطــة وحدة . . و لو قيمر بتكون أحلى ^^
طريقة العمل :
– اتجهزين الكيكة و تظهرينها من الفرن و تتريينها تبرد . . عقب ما تبرد قلبيها . . و هذه النتيجة :
تجهزين الجوكلت لتغليف الكيكة
أول شي تحطين النوتيلا
ثم تضيفين له قطع الجلكسي
و طبعا يكونون تحت حمام ماي
تخلطينه
تضيفين القشطة أو القيمر
Still mixing
و هذه النتيجة :
+
و آخر خطوة
انتي و ابداعج
غطي الكيكة بالجوكلت
و عقب زينيها حسب الرغبة ^^
أنا طلعت وياي بهالنتيجة :
+
إن شاء الله عيبتكم الكيكة و عيبكم الموضوع = )
للتعليــق : https://forum.uaewomen.net/showthread…6#post23739606
تقبلوا خالص المودّة
المطلوب:
معكرونة سباجيتي
فلفل أخضر رومي مفروم
جزر مفروم
بصل مقطّع
مكعبات صدور دياي
فلفل أسود
فلفل أحمر
حبّـة ماجي
تـــــــــــابع . .
1- نقلي البصل
2-نضيف له مكعبات الدجاج
3-نضيف البهارات (فلفل اسود, فلفل احمر, رشّة ملح, مكعب ماجي و اذا حابين تضيفون شي زيادة "اختياري")
4-نقلب الدجاج و البهارات
5-نضيف كركم "اختياري"
6- نضيف كوب خلطة جوز الهند "اختياري"
7- نخليه على النار لين ما ينضج
8- نضيف الفلفل الرومي و الجزر المفروم
9- نغلي المعكرونة في ماي و ملح و شوي زيت لين ما تنضج, نظهرها و نشخلها ثم نضيفها لخلطة الدجاج
10 – الشكل النهائي (بشر جبن شيدر كرافت "اختياري")
و بالهنـا و الشفــا
للتعليــــــق من هنــــــــــا
https://forum.uaewomen.net/showthread…6#post23739606
السموحة الموضوع كان مرتب و أحلى بس ما طاع ينزل , فردّيت اسويه مرة ثانية ع السريع ><