`~'*¤!||!¤*'~`()`~'*¤!||!¤*'~` - ملكات الامارات

السلام عليكم يا أحلى بنات عساكم مرتاحين

هالموضوع ان شاء الله حبيت أخصصه لسفرتي

وراح أضمنه تقريري ومدعم بصور ورايي فهالدولة والأماكن اللي زرتها وان شاء الله ان ما خانتني

الذاكرة أشمله بالأسعار واللي يحضرني من معلومات عن المناطق السياحية اللي زرتها

وبتكون لي ان شاء الله بعض الآراء الايجابية و البعض منها السلبي

ان شاء الله فكل مرة راح أنزل رحلتنا لمنطقة معينة على فترات عشان يكون فيه مجال للأسئلة

والاستفسارات وتبادل الآراء والمعلومات

طبعا التجهيزات بدت ما يكون عندي علم خليجية …..زوجي كان مخطط يقدم لي هدية بمناسبة يوم زواجنا

فطلب مني أسوي بحث بأحلى الأماكن اللي موجودة في تركيا والنمسا خليجية ..على أساس ان ربيعه بيسافر

وبعدها بفترة انصدمت يطلب مني أروح السوق عشان أجهز للسفر وأنا خليجية

طبعا خبرني ان نحن بنسافر ان شاء الله للنمسا أو تركيا…بس يعتمد على الحجز…هني بدا الاحباط

بس كان عندي أمل بسييييييييييط إنا بنسافر

والحمدلله عقبها بفترة تأكد الموضوع لتركيا ما حصلنا للنمسا

والحمدلله تمت التجهيزات عن طريق مكتب سياحي من حجز سيارة للتنقلات بين المناطق والفنادق و

التذاكر وبلغت التكلفة 19 ألف درهم تقريبا بدون هدايا

حجزنا كان لي ولريلي على طيران الامارات…الساعة 2 ونص الظهر…يوم 11-7 -2017 والرجوع كان 25 – 7

مدة الرحلة 4 ساعات من مطار دبي لمطار اسطنبول ( أتاتورك)

تركيا طبعا غنية عن التعريف ما شاء الله البنات ما قصرو فتقاريرهم عطو تفاصيل كاملة وأنا عشان ما

أطول….بقول بس كلمتين عن هالدولة

عملتهم طبعا الليرة التركية = 2.5 درهم إماراتي

شعبهم الغالب عليهم المعاملة السيئة…فيه اللي يرحب فيج وفيه اللي يحسسج انه كارهنج…شعب ما

شاء الله عليه الله رزقهم بجمال بس اللي لاحظته الريحة اللي تطلع منهم مب حلوة أبد

طولت عليكم ان شاء الله تعليقاتي بشملها فالموضوع

الصور عندي فوق ال200 صورة ولكن أغلبها فيها زوجي وأنا فاللي بنزله ان شاء الله يوضح لكم

معالم الرحلة

هني أول ما قعدنا فالطيارة فالدرجة السياحية والحمدلله كانت مرييييييييحة السفرة

وهذي صورة لوجبتي

وهذي لبعلولي

وهذي صورة للأجواء فوق تركيا…طبعا لأن نهارهم طويييييل وتغرب الشمس عندهم الساعة 9 إلا ربع
فتلاحظون ان الوقت مبين انه الظهر…بالنسبة لأوقات الصلوات الفجر طبعا ما أعرفه بالضبط الساعة كم..الظهر تقريبا 1 ونص..العصر 5 وشي…المغرب 8 ونص أما العشى الساعة 10 ونص تقريبا

اسطنبول 4 أيام:-

أول ما وصلنا المطار كانت هناك سيارة تتريانا…وعلى طول طرنا على الفندق..فمنطقة تقسيم…4 نجوم بس عيب الحمام ان عند المرحاض ما فيه ماي..والغرفة كانت حلوة بس شوي صغيييرة لأنها على كورنر

طبعا أول 4 أيام كانت فاسطنبول….أول يوم ما سرنا مكان طبعا رقدنا وعقب حواطة في شارع الاستقلال…الحلو في هالشارع انه مزحوووووم وكله ربشة لين الصبح..منتشرة طول هالشارع المطاعم والكوفيات والمحلات إلا ان بعض البارات والمراقص كانت موجودة..هذا شارع الاستقلال الليل مب واضح….الحلو في هالشارع وفي أغلب مناطق تركيا السياحية ان الشرطة متواجدة فكل هالأماكن

فثاني يوم قررنا نروح للسوق المصري اللي جريب من محطة إمينونو..وبالنسبة للمواصلات ما أنصح أبدا بالتاكسي…لأنه واايد غالي..ولو اضطريتي تطلبين تاكسي لا تطلبين العداد لأن شوارعهم وااايد زحمة…فالأفضل انج تستخدمين المترو ب1.5 ليرة…بتوصلين له عن طريق الترام اللي ينطلق من محطة تقسيم

هذي صورة للترام طبعا لازم تكونون سريعين الحركة لأنه لو سكر الباب ما يرد يفتح وفي النزلة نفس الشي بسرعة….ويتحرك بسرعة واللي متواجد منه 2 وتقريبا كل 3 دقايق يتحرك

هذا الترام من داخل وسييييييييييع بس عدد الكراسي محدود

الترام بيوصلج لمحطة كباطاش ومن هناك تنزلين وتصعدين فوق عشان تاخذين المترو…نسيت أقول تذاكر المترو والترام عبارة عن كوينز تاخذينها من المكاين اللي منتشرة في المحطة..وهذي صورة للمترو…الحلو فيه انه ما يوقف واحد يروح وواحد يوصل…بس كل ما تتجدمون يستوي زحمة..والمناطق اللي تكون فيها الزحمة محطة إمينونو ومحطة السلطان أحمد…وهذي صورة للمترو

يتبع ان شاء الله

السوق المصري تنزلين له من محطة إمينونو وتعدين الشارع عشان توصلين للمسجد الجديد اللي موجود فنفس المنطقة…وهذي صورة له من ورا

من جدام من فوق

للأسف السوق ما صورته ما قدرت من الزحمة…السوق كبيييييير ويبيعون كل اللي ادورين عليه من ماركات وتقليد و بهارات ومواعين وثياب وغيره وتقدرين تتكاسرين وياهم لين نص السعر..

وعقب ما خلصنا لفلفة في السوق…رحنا نتغدى في مطعم اسمه حمدي واااايد حلو أكله والناس عليه زحمة…والحلو فيه قعدات فوق السطح اطل على المسجد الجديد