،.’ الساقو خطوة بخطوة مع أم سعيد بالصور ،.’

المقادير :

2 كوب ساقو – 4 كوب ماء – 8 فنجان سكر – 2-3 ملاعق سمن ذوابة –

ماء ورد – 2 ملعقة صغيرة هال – زعفران – مكسرات بيذام وكاجو .

الكوب المستخدم كوب الحليب ..

الطريقة :

غسلي الساقو وودنيه في الماي من 3 الى 4 ساعات .

حطي الشكر في الجدر وحركيه ..

مع التحريك بيتغير لون الشكر ..

وطي على النار وحركيه ويكون لون الشكر بني ولازم ما يحترق الشكر وكل ما كان لونه بني يكون احسن ..

حطي الماي على الشكر بتشوفين الشكر يبس عادي خليه لين يذوب ..

عقب ما ذاب الشكر حطي الساقو وحركيه وحطي 1 ملعقة سمن وخليه 10 دقايق

بعد 10 دقايق حطي المكسرات " تقلي في زبدة او سمن " والماي ورد والهال وملعقتين سمن وحركيه ودخليه الفرن نص ساعة ..

بعد نص ساعة هذا شكل الساقو ..

حطي الساقو في بوكية حسب ذوقج وفي التقديم حطي الساقو في صحن ونثري فوقة هال .

وبالعافية عليكم ..

شكله شهي

بس مشكلتي ماحبه اميه تتفنن به بس ماروم اكله ^^

لاهنتي غلايه

اموت على الساقو نسلمين

تسلمين يالغلا
انا يعيبني الساقو ومامي دوم تسويه
بس اذا كان في سكر واايد ما أحبه ابداً

بس يالغاليه ليش نحطه في الفرن .. اللى اعرفه انه نخليه على نار هادية بدون فرن

شكله حلو ^_^ مشكوره اختي

ماشاء الله تسلمك ايديك
انا احب الساقو وايد

تسملين اختي انا اموت علي الساقو