بنات والله تعبانه أحينا خاطري أصيح من تصرفات أبني
ولدي عمره أبع سنوات كل ماوديته مكان يطلب شيء وإذا ماوفرناله يتم يصيح ويطفر أبو عاد تعالي يلس يحرج ويهدده إذا صحت مره ثانيه مافي ألعاب مافي حلاوه
عاد هو يتم يصيح بطريقه عصبيه مثلا يشد أطراف أيده وريله
وأحيانا يقولي أنا ماحبج
والله ماعرف أحيانا أطلع من طوري وصرخ عليه أو أحول سكت عمري سوي عمري زعلانه
والله معنا ولدي وايد حنون وحبوب بس صياحه هو مقهرني
وأنا إلا متأكده من هذا الصياح من سبتي أنا لأني منوع إذا ستوا أي شجار بيني وبين ريلي أصيح جدام عيالي بس الحمدالله ودرت هذا العاده الله يصبرني
عطوني حل كيف أغير أسلوب ولدي
جزاكم الله خير :1 (50):
اسمحيلي أختي إذا مافادتج هاذي الطريقه الله وياج
أما جدول سويت معه وحطيناله بعض العوافز جميله مثل طلعه الألعاب هدايه بس مانفع
جزاج الله خير
أختي كلمة ما أحبك هاذي عاذية والله صاروا كل الأطفال يقولونها فس سن معينة .. ومو لازم يكون متعلمها من أولاد أخوك …
إحنا مقطوعين هنا وبنتي ما بتشوف أحد ودايما تقولها لأختها … ولا أخوها
أما أنا فاتقول لي : ماما أنت ما بتحبيني …
أقول لك حبيبتي بالنسبة لأبنك كل اللي يبيه إصرارك … لا تقولي جربت وما نفع لازم تثبتي مرة واثنين وعشرة ومية مصيره في النهاية بيعرف إنه ما راح يمشيك على كيفه وإن الكلمة كلمتك أنت مو هو …
المثل اللي ذكرتيه … لما تكوني في مكان ويطلب شيء … وأنت ما تبي تشتريه ببساطة وخليك حازمة قولي له مو وقته …
الخبراء في التربية يقولون لا تقولي للطفل لا
يعني ماما أنا أبي حلاوة!!
قولي له : هذه حلاوة مضرة … أو بعد تناولك الغذاء …
إذا أصر وصارخ وسوى اللي سواه لا تلتفتي إليه وأهم شيء حسسي نفسك إنك وحدك في المجمع أو المحل … يعني افقدي إحساسك بمن حولك حتى لا تشعري بالحرج … وقولي له سأذهب .. وأتركك … والله العظيم يا أختي ابني كان ينام على الأرض ويتقلب عليها … وكان كل اللي في السوق يتفرج عليّ … وأنا اقنع نفسي إنهم ما بيطالعوني أنا …
تعرفي صار أحيانا يطلب شيء أقوله ما معي ثمنه !!
يقول لي كيف في شنطتك فلوس ..
أقو ل له: أيوه بنشتري بها دجاج وخضار … ونركب تاكسي …
مرة على مرة بيتعلم … أنت بس قوي قلبك ..
ولازم تفهمي إن كل الناس اللي راح يطالعوك ولا يعلقوا عليك ولا على ابنك ما راح ينفعوك يوم …
توني يايه عند ناس معارفنا فضحتني اهناك
تمت تون علي وتصيح أب هذا مابا هذا
وتميت وايد مضايقة والله اني مضايقه من هذا التصرف
وإذا تبا شيئ لازم تنفذينه