أخطاء ترتكبها الامهآت وتدفع الثمن غااالي .!!

السلام عليكم ورحمة الله وبركاته..

خواتي بنتي عمرها شهرر اليوم طلعنا من الاربعين..

والمصيبه حليبي خف واااااايد لدرجه انه صار لين وذبلااان مافيه حليب ابد..!!

قبل تبارك الرحمن احس انه مليان ومنتفخ اما الحين لاا..

مب عارفه شو اسوي كيف ازيده بنتي ماتشبع ماينزل لها غير قطرااات..!!

ماودي ارضع صناعي ساعدوني فيدوني الله يعافيكم..

وهل الشفط له علاقه بتخفيف الحليب لاني ادرس واحيانا انجبر اشفط اكثر من ثلاث مرات باليوم اخزن للببيبي حليب..

ساعدوني بليز

هلا الغاليه انا اشفط للبنت شراتج بس اتوقع اكلج اللي ياثر ع الحليب لاني انا يوم ما اكل ما يستوي حليب وكثري من الرهش والحليب والحلبه

عزيزتي كثري من شرب السوائل ،، الماي و العصاير و إنشالله بيستويلج حليب،،

هلا حبيبتي

انصحج تاككلين سمج واللحم وعيش

لاني امجربه

نفس الشي صار معاي بعد الاربعين والشهرين
اللي سار انه تضبط تدفق الحليب وانتي تجنبي الاشياء اللي تنشف الحليب
مثل الليمون والاشياء الحامضة والمريمية والكرفس وكثرة البقدونس (اذا شوي يدر لكن لو كثرتي ينشف)
ثلاث مرات باليوم شربي حليب وكلي تفاحة حمرا بقشرها او لوز وكثري من اللوز المقشور
شوربات الدجاج والخبز مع السمن والتمر والطحينية واللحوم (خذي كتف غنم وفوريه مع البصل وحبة طماطم وشوية ملح وفلفل اسود حب واتركيه يغلي لين ينضج اللحم ويسير الماي شوي في الجدر،، طلعيه وكليه كامل مع الخبز جداً مغذي ويدر الحليب)
خلي جسمج على طول مرتوي بشرب الماي وشاي اليانسون وشاي البابونج
اذا حابة تشربين حلبة مع الحليب ممتاز بس تدرين الريحة ممكن تشربينها يومين وقطعيها مفعولها يستمر فترة طويلة
خلي نفسيتج مرتاحة وانتي ترضعين وانتي ترضعين البيبي حسي بالحنان والامومة وبعدي عن تفكيرج اي شي ثاني،، ولاتقولين خف حليبي ترى التفكير بعد يأثر على الحليب اتركيها ترضع على قد حاجتها،، ماكفاها شوي وردي رضعيها،، يزيد الحليب على مص البيبي للثدي

ان شاء الله تستفيدين من هذا الرابط انا اشوفه روعه لكل ام ترضع
https://forum.uaewomen.net/showthread…=954341&page=3

الله المستعان
ارقي نفسج ترى الرقية مهمة خاصة للي توها مربية..