السلام عليكم ورحمة الله وبركاته
خواتي بعد عصر مخ
^^ كتبتلكن كل الحاجات واغراض للمدرسة ما عليج خيتو الا انج تكتبين الي تبينه ع ورقة وبس تروحين السوق تاخذيه بدون تعب ولا شي وكل ما خذتي شي وحطيتيه في السلة شطبي من الورقة ^^ واللي مكتوب اكثر شي للأطفال لأنه صعب احط اشياءلبنات الجامعة مثلا لأنه ما شاء الله أغراضهم وايد وكبار عارفين شو يبون ^^
اوني منظمة واااايد ^^
واذا في شي ناقص عادي وحدة من الخوات تضيفهم بمشاركاتها الطيبة ^^
الأغراض خواتي عادي وحدة فيكن ماتكتب شي في النوت الي عندها اذا هي ما تحتايه يعني مثلا الطفل اللي في الروضة ما يحتاي تكتبين مشرط ومقص ودباسة …..الخ يعني هذا اذا بتاخذينه يكون عندج وليس في حقيبة الطفل ^^
أولا:
الشنطة والمقلمة للأطفال
ثانيا:
الجواتي (( للأطفال اذا بتاخذين لازم اسود وابيض عشان الرياضة ^^))
ثالثا:
زلاغات(( اذا تبينه اسود او ابيض او ملون ))
رابعا:
أقلام (حبر ورصاص وفسفوري) ومساطر وممحاة وبراية وستكر ولزق (شفاف او اوهو او جاف ) وكريكتر للأكبر شوي مقص ومشرط وعشانج يا الأم خذي للاحتياط الخرامة والدباسة الخ……
خامسا:
جلاد للكتب بس ما لقيت صور ^^
سادسا :
طوابع مدرسية
سابعا:
دفاتر وملفات ودفتر صغير للملاحظات
ثامنا:
ألوان خشبية للرسم وحسب طلبات استاذ/ة التربية الفنية لازم تردين تاخذين للولد دفتر فن والوان مائية او شمعية او فلماستر وبليت لوضع الاولن فيه اذا احتاج وفرش وبلوزة للفن عشان لبس المدرسة مايخيس وكوب صغير لوضع الماء اذا كان الالوان مائية ومعجون (طين) …..الخ
تاسعا:
اذا بنوتة خذيلها شباصات واذا ولد خذيله ساعة صغيرة مثل سبايدر مان او سبونج بوب للعدل^^
عاشرا:
شي اكيد اللي في سابع او اعلى تاخذلها الة حاسبة وعلبة هندسة
وممكن تاخذين لولدج او بنتج مكتب صغير في البيت عشان يدرس عليه ^^
واخر شي :
اذا عندكم اي اضافة (( مايردكم الا كالكيبورد ^^))
وبس
واكيد اللبس يكون جاهز ^^ سواء من الخياط او المدرسة
ختكم لزق شفاف
سبحان الله العظيم وبحمده واستغفر الله العظيم
لاا صراحه احلى شي يوم نروح ناخذ القرطاسيه كششخه احس صدق بطعم المدرسه خخخخخ جي حلااوه
ومشكوووووره اختي انا ان شاء الله هالفتره باخذ حقي هالسوآلف ..^_^
عآد احنا البنآت نبا سوآلف دلع وكشخه ..
لا نسيتي شي مهم ..
نخرد لهم خموس هههههههههه
الحين اليهالو ما يطيعون ياخذون ريالات لازم خمس
موضوووع جميل ومنك نستفيد