أفضل حليب للأطفال

مرحبا خواتي ..

إشحالكن عساكن بخير ؟؟

أنا عندي ولد عمره 11 شهر ومن يبته كله أرضعه طبيعي وما كد عطيته رضاعه وعاد ألحين فكرت أعطيه حليب أصطناعي بالإضافه حق الرضاعه الطبيعيه ..
بس ما أعرف شو أعطيه في مثل هالعمر وشو أحسن حليب حق الأطفال في هالسن ..؟؟

المشكله أنه كيف بخليه يتعود عالرضاعه لانه ما كد مسكها ولا كد رضع منها ؟؟

بس أريد أعوده عالرضاعه لانه يمن نسافر وما راح أقدر أعطيه بس من صدري ..

يا الله أتريااااااااااااااااااكن ؟؟

احسن حل تروحين للدكتور وتعرضي عليه الحاله وهو يقرر لك الحليب اللي يناسب طفلك
لانه اللي ينفع لطفل ما ينفع لغيرة
تحياتي لك

انا نفس السؤال في موضوعي
بعد سنه يعطيها بروجرس جولد

حليب 26 stage1 حق الرضع
وبعدين stage 2 حق 6 اشهور لين سنه

وهكذا ^_^

Similac انا عطيته ولدي والحمدالله واايد زيين

بس بعد اسألي الدكتور احسن

بقولج ولا تستغربين عطيه حليب بوش يعني حليب نوق ،، أنا كنت أرضع ولدي من صدري ويوم حاولت أدخل له حليب اصطناعي ما تفججت من الحساسيه (الربو) ووايد عانيت لين وحده يزاها الله خير قالت لي عن حليب النوق وكيف أنه أقرب حليب للأم ومن عطيته ولديه وهو الحمدلله بنعمه حتى صحته تحسنت ،، بس شوي حطي سكر لأنه فيه شوية ملوحه ،،

مشكورات خواتي ..

وعن حليب البوش تصدقين خت ريلي دايما تقولي عطيه حليب بوش بس أحسه ثقيل على معدة الياهل .. بس سمعت أنج لازم تخففينه بالماي .. بس إذا رحت مكان وما عندي هالحليب شو بسوي مع أنه البوش وايد عندنا بس أفكر لإذا طلعت مكان .. ولا سافرت شو بعطيه ..؟؟؟