بما اني اسوي رجيم .. ومليت من السلطات والمشاوي …
قلت اسوي لي بعض الأختراعات الصحية اللي تشبع ….
وان شاء الله احط باجي الأختراعا ف الموضوع هذا علشان يسهل عليكم وعلي لو بغيتوا تسون رجيم ..
وممكن تعتبرونه كمقبلات عادي بعد ..
بسم الله نبدأ ..
المقادير
واحد كوسا ..
ربع خسة ..
شريحه جبن قليل الدسم ..
شريحه برجر ..
ملعقة مايونيز قليل الدسم ( بس أنا ما أفضله )
دقوس او تباسكو ..
ملح خفيف ..
ماي
الطريقة ..
تبشرين الكوسا وتحطينها في جدر على النار مع شوية ماي للسلق والماي شوي
لأن الكوسا بتذوب وبتطلع الماي اللي فيها … يعني في حدود ثلث قلاص ..
وتخلينها تغلي لين ما تذوب تلين الكوسا وتنسلق ..
وقطعة البرجر نحطها على شواية ونشويها ..
وبعدما تستوي نسويها قطع صغيرة ..
ويكون هني كل شيء جاهز عندنا ..
الكوسا انسلقت ..ونشف مايها
البرجر انشوى ..وممكن تمسحين باقي الزيت اللي عليه انج تضغطينه بمنديل ورقي
الحين الخطوة اللي بعدها ..
نحط البرجر القطع + الجبن في الجدر ونحركة شوي لين ما الجبنة تذوب بس ..
ونسكر النار ونحط الخس ونخلط ..
وفي نفس الوقت الخس ما ينسلق بس يذبل من الحرارة ..
وتحركين الكل مع بعض مع رشة ملح
وهذا شكله في الأخير
طبعا هو الذ لو الجبنة والبرجر أكثر .. بس انا بغيته صحي اكثر ..
وبالعافية عليكم ..
شكله يشهي من الخاطر
انا بسويه بس ما بحط الكوسه لاني ما احبها
بشو اروم استبدل الكووسه ؟؟
تسلم ايدج على هالطبخ الحلووو
يتمرن حديد فديته