ولدي عمره 4 شهور ونص فجأه التهبت علية اللوز (ماسرع توه صغير) مع العلم اني كنت اعاني من احتقان اللوز قبل اسبوع هل يمكن اني عديته…لان قالوا لي بالعياده ان السبب انه مارضع رضاعه طبيعيه كنت ارضعه طبيعي شهرين بس عقبه عطيته الغرشه..لان حليبي نشف مع اني احاول بشفاطه لكن مافي حليب والولد عندي يصيح من جوع اضطريت اعطيه غرشه وعمره شهرين ونص..هل انه بيتم يعاني مريض طول حياته ومناعته قليله (ع حسب كلام الدكتوره)…؟؟؟
دخيلكم ردوا علي هل هالكلام صحيح؟؟؟
بنتي البجر رضعتها اكثر من سنه ونص لدرجه انها ابد ما كانت تشرب المرضعه … وكانت مريضة طوول الوقت وحتى وهي في عمر الاربع شهور ياها التهاب رئوي وخذت كورس بخار وما كانت ترقد بدون ما استخدمه لها … وكل كمن شهر الا زجام وحمى … ويوم ياها الجديري السنه الماضية تنومت في المستشفى اسبوعين … والحين عمرها اربع سنوات ولين الحين استخدم الها جهاز البخار كل كمن شهر لان الزجام عندها على طوول يطور ويستوي التهاب رئوي …
وبنتي الثانية في الاربعين نشف الحليب عني وما رضعتها وكنت استخدم الها البيبي لاك … والحمدلله صحتها احسن عن اختها …صح هي اضعف عنها بوايد لاكن الحمدلله …
لا اتمين اتفكرين واتحاتين وما عليج من كلام الدكاترة هم عمدا يلومون بج ويحسسونج بالذنب يتحرونج عمدا فاطمتنه … وانتي الي عليج سويتيه … والحليب ابروحه وقف من صدرج … اشوة يبونج اتقطعين عمرج … وفي وايد اشياء تقدرين تعطينها البيبي تقوي مناعته … مثل التمر … والحين هو في عمر تقدرين ادخلين لة الاكل شوي شوي …
والله يعافيه ان شاء الله …