أمهات ساعدوني في زيادة وزن الجنين

هلا اخواتي
أدري فديتكم مابتقصرون الله يعطيكم العافية
أنا أكان عندي موعد يوم الثلاثاء والدكتورة هزبتني اتقول البيبي وأيد وزنه صغير واتقول إنه حتى السونار يعطي أصغر من عمره بثلاث أسابيع وانا وأيد خائفه ف ياليت خواتي إلي كان عندها وزن البيبي صغير وزادت وزنه اتقول لي كيف زادته وف أي شهر كانت ؟تتوقعون يمديني أزيد وزنه أنا ف الأسبوع 33
وصح جربت حليب الحوامل بس أبدا ماقدرت أتحمل طعمه
ياليت تعطوني شيء غيره

وف ميزان حسناتكم إن شاءالله

للرفع

ييبي دبة ماي و حطي فيها حلبة و خليها ليلة كامله فالثلاجة
و ابدي اشربي قد ما تقدرين

بس فديتج أنا ف الأسبوع 33 أخاف الحلبه اتسببلي ولادة مبكرة

لا حبيبتي اشربي الحليب مع الحلبه المفوره انا كنت جيه والحلبه ترا ما تسوي شي غير انها تلين المنطقه والله يقومج بسلامه

الله يتمملج على خير ان شاء الله

ليش تستعيلين على عمرج انتي في الثامن والبيبي في التاسع بسرعه يكبر حجمه
وعن زيادة حجم البيبي أحيد ربيعيتي كانت تأخذ شي عشان يكبر والله يوم ربت ولا كبر ولا شي وحليله لقمه بس مب مهم وزنه اهم شي انه ماشاء الله بخير وسلامه الحمد الله ولا فيه شي
عيل أنا من السابع زيغوني قالتلي اكبر من عمر الطفل الطبيعي بأسبوعين يعني أنا في السابع بس يعطيهم في الثامن وحولوني على الأشعة الدقيقة ولله وزيغوني وماشاء الله يبتها بخير بس كانت طويله وطول عادي
أنا من رأيي خلج على الأكل الصحي واهم شي صحة البيبي مب وزنه