اولا
السلام عليكم
الحمدلله سويت فحص دم والترا ساوند….وطلعت حامل 5 اسابيع…..كل شيء اوكي والحمدلله…
حبيت من هذا المنتدى أشكر كل اخت دعت لي وصبرتني وواستني في السنين الماضيه….وهذي دعواتكم تحققت لا خلا منكم يارب……..الحمدلله الحمدلله الحمدلله…….ربي رزقني بالحمل على غفله وبدون ما توقعه لان التبويض ما كان لهناك…….ومانمت مع ريلي الا مرتين وما اذكر بأي ايام لاني كنت اعرف ما في تبويض فما تعبت روحي وحسبت وتشي……….رب العالمين هو اللي يعطي وهو اللي يحفظ وهو اللي ياخذ….سبحانه…..ورحمة الله واسعه وما نيأس……….والله مريت بأيام صعبه كنت أفكر فيها وايد….وأبكي فيها وأتضايق….حتى النوم ما ذقته……ولكن المفروض قبل هذا كله أعرف واتأكد ان كل شي بيد رب العالمين……..الحمدلله…..احساس جديد وغريب……وما اقدر اوصفه…..والله اني اكتب وقلبي مع كل محرومه…..والله ان احس بشعوركم ولازلت حاسه بها…….ربي يرزقكم…….عليكم بالصدقه وسورة البقره وقيام الليل والصلاه في وقتها………….وصدقوني ربي ما يخذل الدعوه……..يارب يرزقكم ويفرحكم هالشهر يارب……..
لحين ابي اعرف انا شو اسوي وشو ما اسوي؟؟؟؟
شو اكل وشو اخلي؟؟؟؟
اهتم بشو؟؟؟؟؟؟وضحولي
وربي يثبت لج حملج ويتمم لج على خير ويسهل ولادتج الغاليه
ديري بالج على عمرج
ولو الدكتوره وصفت لج ادويه خذيها بوقتها
مثل الفوليك اسيد واسبرين الاطفال
او اي فيتامينات
وهالله هالله بالحليب والسلطات والاغذيه المفيده
وابتعدي عن الغازات والفاست فود وغيره
هاللي اعرفه
وربي يرزق كل متأخره يارب في القريب العاجل ان شاء الله 
والله يـرزقني ويـرزق كل محـرومه ان شاء الله عاجلا غير اجل …
الله يقومج بالسلامه ان شاء الله
عليج بالراحه النفسيه اهم شي وعقب الاكل المتنوع
فيتامينات بروتينات والله يحفظه لج
فرحتلج من الخاااااااااطر
ربي يوفقج ( :
والحمدلله كل شئ بيدين رب العالمين ولا دكاتر،الي ما يخلص كلامهم ابدا
والله فرحانه لج من كل قلبي…
كنت متابعه مواضيعج.. ودايما" أدعي لج بظهر الغيب
الحمد لله عوض صبرج بخير
الله يثبت لج الحمل ويقومج بالسلامه
بس دام إنتي التبويض عندج ضعيف.. أنصحج بعد استشاره الدكتوره تآخذي الدوفستان.. عشان يثبت الحمل
وعقبال ما تقر عينج باليمامه.. وأخو اليمامه ^_^