المهم أنا من بداية رمضان كنت أروح عند الدكتورة على أساس تنظم الدورة لي و من بداية المراجعة عندها كل شهر من كل دورة خذيت كلوميد .. و كانت عندي البويضات صغنونة يعني صغيرة … و هذا الشهر و من اسبوعين رجعت للدكتورة و عطتني ابر تفجيرية لمدة 3 أيام و جرعة في اليوم .. و بعد ثلاث أيام زادت لي جرعة زيادة لمدة يومين يعني ابرتين في اليوم الواحد .. المهم راجعتها في اليوم اللي طلبته على أساس تشوف البويضة إذا كبرت .. قالت لي البويضة وحدة حجمها كبير و الثانية أصغر شوي من الأولى و حجمهاا أوكي … بس البويضة ما نزلت و رديت أراجعها بعد يومين و قالت لي خلاص البويضة نازله … و كل شي تمام و لازم أراجعها على بداية الشهر الجاي …
ألحين .. اللي أنا مستغربة منه انه في يوم التبويض حسيت فعلا انه صدري يعورني وااايد و على الجوانب نغزات تيي و تروح و تكون هذي النغزاات مرات قوية و مرات خفيفة .. و ألم أسفل الظهر و استمر عندي لمدة خمس أيام و خصوصا آلام الصدر .. أما ألحين ما فيه ألم بس شوي بالظهر لما أرقد الظهر و أقوم بعد ساعة و مرات بالخاصرة بس خفيف ……… ألحين شو تفسيركم لها الآلآم المفاجئة … أنا تفسيري كان .. يمكن لأن البويضات عندي صغيرة الأشهر اللي طافت و ألحين لما خذيت الابر التفجيرية صارت عندي هالألام لأن قبل ما حسيت بهالألم أنا فعلا متعجبة
حتى لو احتمال فيه حمل أنا مب متفائلة وااايد كافي كل مرة أنحبط أكثر عن قبل لأني واااايد أفكر بهالموضوع …. أنا حبيت أسألكم على الأقل يكون عندي جواب بسيط …..
والله كريم
لاتحاتين عاادي انا شرااتج بعد جي استوالي يوم خذت ابرة التفجير بس اول مره اعرف ان الدكتوره تعطي اكثر عن ابرة…!!
ياارب حاامل ولاتحاتين فديتج وخلي نفسيتج مرتاحه واتفائلي بالخير..
انا من اشوووف الدوره انحبط واصييح وحالتي لله
بس الحينه قمت اوكل امري لله اقول فخاطري ماعليه هالشهر نزلت باذن الله مابتنزل الشهر الياي..واحاول اقص على عمري واقوول حاامل هالشهر لازم احاسب على عمري لين تظهر نتيجة الفحص..
حاولي تنسين مع اني ادري هالشي صعب بس حااولي..