إبـــــــــــــر منع الحمــــل

السلام عليكم غالياتي…..

حبيت أسأل اذا فيه وحده جربت إبر منع الحمـــــل اللي تمنع لمدة ثلاث شهور…لأني بصراحه ناوية اجربها والدكتورة قالتلي تعالي خامس يوم في الدورة وخذيها…وكل ثلاث شهور اروح آخذها…قالت مالها آثار جانبية غير انها تسبب اضطرابات في الدورة ومب عند الكـــــــــــــــــل…
فعشان جيه حد منكن قد جربها……وشو آثارها الجانبيه ؟؟؟؟

رجاءا فيدوني …

و الله انا ما جربتها بس اختي تستخدمها و هي تقوول انها اووكي

بس مرت اخوي و ناس واايد يقوولوون انها مظره مثل الحبووب و افضل شي اللولب

لاااااااااااااااااااااااااا تسوينها صدقيني ..

ماعليج من اي حد .. عنا في مستشفى النور دكتوره استشاريه ..

بنفسها تقوول ومنزله الكلام في المجله .. تقوول نحن اخر شي نفكر فيه ابر منع الحمل

تدرين شو آثاره السلبيه ..

يسبب ضغط الدم .. وتمتنين يخليج متينه يلعب بالهرمونات لعب وكتبت اشياء

وبنفسها تخيلي هي استشاريه تقوول اخر شي نفكر فيه ..

انصحج من كل قلبي لاتاخذين .. واكبر دليل ختيه لاحول ولاقوة الابالله

اول ولد لها سارت ضربت ومن عقبها يوم فكرت في يوم تحمل ماقدرت تحمل خربت مادري شو

الهرمونات مادري شو تمت سنين بسبت الابره .. وكانت تقول شو دراني

قالوا ابره قلت ابره .. ابدا مب شي ..

ع الاقل حبوب ولا هاي رغم اني ماحب الا اللولب .

واختي صحيح في منهم حملن على قولتهم .. بس لازم ماتسيرين عند اي حد تركبين

ماشاء الله نص العايله مركبه محد حمل لانهم يسيرون عند وحده اووكي ..

ويجيكون لازم تجيك بين فتره وفتره .. عشان مايصير الحمل ..

استخيري وتوكلي على ربج اما الابره ماانصحج بها ابدا ..

انا جربتها … الدوره بعمرها ما ظبطت يا انها تتاخر او انها تنزل بغزاره او تنزل نقط ومتنت بشكل مو طبيعي ابدا لدرجة ان ملابسي مو قياسي وتعكر المزاج …….. كان اسمها ابر ديبوفيرا اعتقد سوي سيرج في النت .. بس انا حملت بعد ما كملت سنه وشهرين من ولادتي وقبلها الدوره ما كانت منتظمه

نصيحه من اخت لاااااااا تجربينها ولا تفكرين بالأبره هاي .. اذا الدكتوره قالت لج انها تسوي اضطرابات بس .. وحده من معارفنا توفت بسبة الابره هاي عقب فتره ياها نزيف حاد واتوفت .. والابره وااااايد لها آثار جانبيه مضره .. شيلي فكرة الابره من راسج نهائيا ..

اختي ما اعرف ما دام البنات منعوج اكيد مضرة فلا تستخدمينها

لا حول ولا قوة الا بالله

تسلمن خواتي على مروركن الطيب….بس الدكتورة ما قالتلي هالكلام كله …قالت بس انها بتسبب عدم انتظام الدورة وزيادة طفيفه في الوزن اذا كنت ما تراقبين اكلج….ووايدان يمدحونها وغيرهن يذمنها !!!!

بصراحه احترت والله…انا عندي ولد عمره شهرين وهذا حملت به وكنت توني طالعه من الأربعين تخبلوا @_@ يعني اخوه اللي قبله كان عمره شهرين بعد ….معاناه والله والحمدلله ما ابى معاناتي تتكرر …شو أنسب وسيله للمنع….اللولب يسبب التهابات فظيعه وايداااااااااااااااااااااااااااات سبب لهن التهابات وأمراض…شو الحل عيل ؟؟؟