عزيزاتي.. اتطلع لإقتراحاتكن بخصوص قضاء إجازة الشتاء اصح من الربيع 
ودي أرتب إجازة حلوه لبناتي آخذهن للإمارات الشمالية.. أماكن ترفيهيه بأسعار معقوله..
واتمنى اقتراحاتكن بخصوص أماكن تكون هاديه تعليمية ترفيهيه بعيده عن الناس والزحمه..
ممكن مراكز.. شاليهات.. شاطئ بحر.. منتجع وسط الجبال….. المجال واسع ومفتوح 
حبيباتي المقيمات في الإمارات الشمالية.. ولكل من قضى وقت ممتع ومفيد في ربوع الشمال..
اتطلع لإقتراحاتكن……. حابه اقضي اسبوع كامل من الإجازة في أجواء عائلية حميمه هادية..
وبالتأكيد مفيدة وتعليمية وترفيهيه باسعار معقوله وفي اجواء من الحين خاطري اخطط لها..
في انتظار اقتراحاتكن..
وإذا كان في اقتراحات لأماكن لهم مواقع على الإنترنت وممكن الحجز اون لاين بيكون احسن واااايد..
لأني عارفه كيف الأسعار بطييييير على قرب وقت الإجازة..
مشكورة من القلب لكل وحده بتدخل بتحط اقتراحاها..
عسى ربي يسعدكن كلكن ويجعلكن من سكاااااااااان الجنة
^_^
بالنسبه لاجازه الربيع .. حلووو تقضينها في البلاد .. جو البلاد فنان في الربيع
وحلو اختيارج للامارات الشماليه بعيد عن الزحمه
انصحج براك .. راك فيها فنادق حلوه مثل الكوفه , الحمرا , هيلتون
وراك كمدينه مازرتها وايد .. بس احسسها هاديه وتناسب العايله
وماعرف اماكن فيها بس اعرف المنار مول والحمرا مول ههههههه
وهيه صح فيها المدينه الثلجيه بس ماعرف ماجد رحتها
بس انصحج تخلين اقامتج في راك وتكشتون في بر ام القيوين
وايد مناطق حلوه في بر ام القيوين مثل السره , العذيب , الراعفه , الاقرن
وفيها محميه طبيعيه فيها حيوانات ويسوون فعاليات بسيطه مثل الاكلات الشعبيه وتأجير الدراجات يعني احس بيستانسون اليهال
وفي المدينه داخل ممكن تودين اليهال الالعاب في هابي لاند وانتي ممكن تروحين تريحين اعصابج وادلعين عمرج في ايمار سبا ههههه
وووبس .. هذا اللي يا على بالي
