ابا اعطي بنتي حليب صناعي بس

السلام عليكم ورحمه الله وبركاته

شحالكن يا بنات زايد وعساكن بخير….؟

عمر بنتي 9 شهور ونص وابا اعطيها حليب صناعي المشكله انها مب متعوده وهذا الغلط اللي غلطته لو انا اعطيها من يوم هيه صغيره يمكن بتنحل مشكلتي

خذت لها حليب سيميلاك آي كيو 2 بس ما تقبلته تفحم من الصياح وما تحط ثمها فالمرضعه حاولت وياها مرتيين وياست

شو الحل وياها انا قلت بحطلها شوية سيريلاك ويا الحليب وبجرب ….

الامهات اللي عندهن خبره ياريت يساعدني :1 (36):

جربي الحليب مع العسل هي من الاصل ما اتحطي المرضعه في فمها بس باي طريقه خليها تطعم الحليب وبعدها بتفتح فمها اذا عجبها وقبل كل شي حاولي انج ما اترضعينها يعني يوعيها شوي عشان تتقبله والله كريم

جربي تعطينها بكوب

عيون زوجها

اختي يقولون العسل مب زين لليهال قبل السنه هذا اللي سمعته وجربت احط لها شوية سيريلاك ويا الحليب يلست تطعم وبعدين لعبت بالرضاعه….

—

قرموشة

اختي صعبة بكوب لانه يصب وايد عليها وبتشرقبه….

حبيبتي جان من البداية عودتيها على الصدر وعلى الحليب الصناعي ..
وانا انصحج بحليب كيكوز2 واايد زين زانا عودت بنتي على الحليب ووايد زين
وحاولي تعطينها عصاير واكلينها الاكل العادي بنتج قد بنتي بنتي تاكل كل شي وما تشرب حليب من الصدر لأن حليبي كان قليل نوعا ما ..

والله يوفقج

الغاليه المشكله بنتي مب متعوده ع المراضع يختي من يومين وانا احايلها ما اطييع تصييح وتفحم من الصياح وما تقرب صوب المرضعه حاولت احط لها سيريلاك ويا الحليب وامس حيطت لها كسرة بسكوت عشان يغير الطعم وتتقبله بس يمكن نوع الحليب ما عيبها …..

وان شاء الله بجرب الحليب اللي تطرينه وبنتي ااكلها من كل شي بس واسويلها غدا وعشا وااكلها بس اكيد مالها غنى عن الحليب وانا بس ابا اعطيها حليب صناعي عشان تشبع فليل وما تنش الا الصبح ….

ويوفق الجميع الغاليه وتسلمين حبوبه ع الرد الطيب ..