هلا بنات اخباركن انشالله تمااااام
اذا حد عندها خلطه لتبيض الجسم تفيدنا لو سمحتو واتمني تحطن الخلطات الي نتايجها حلوه وسريعه يالله نتريا الردود الحلوه
مرمر شوفي حبيبتي مافي شي يبين بسرعه وبدون عنايه خخخخخخخخ
اذا تبين شي طبيعي عندج سنفرات وكريمات
الخطوات:
استخدمي ماي دافي لتبليل الجسم وعقب حطي الخلطة السابقة وافركي الجسم بشكل دائري وخلي الخلطة لمدة لا تقل عن ربع ساعة وكل ما زادت المدة يكون أحسن.
السدر للتفتيح والتنعيم والحنة للتفتيح والكركم للتفتيح وعصير الليمون للتفتيح والحليب للتغذية والتفتيح ومقشر الجسم لإزالة الخلايا الميتة وبالتالي للتفتيح.
وعقب اغسلي جسمج .. وبعدين ارجعي حطي مزر فنيان سكر مخلوط وياه ملعقتين أو أكثر من زيت اللوز وافركيه مرة ثانية على الجسم وركزي على المناطق الداكنة.. زيت اللوز معروف استخدامه لتفتيح البشرة وفوق هذا راح اتحسين بنعومة حريرية رهيبة.
في المرحلة الأخيرة .. امسحي الجسم بخل تفاح مخفف بالماي .. خل التفاح يسكر المسامات المفتوحة و يشد الجسم ويساعد على تفتيحه بس الله يعينج على ريحته .. ممكن اتضيفين ماء الزهر أو ماء الورد عشان يخفف من ريحة خل التفاح.
على فكرة راح اتلاحظين الفرق ابنفسج من أول استخدام .. نفس إحساس الحورية وهي طالعة من البحر.
استمري على هالخلطة لنه ينظف ويشيل الوصاخة.. ممكن اتسوين حمام مغربي في الأسبوع مرة للحصول على نتايج أسرع.
بس ماقدر اقولج نتايجها ليما اظمنها عدل وبحطها فالمنتدى ان شاء الله
بس حبيت اقولج استخدمي السدر ويربي لأنه الكل يمدحه يغسلون فيه جسمهم وأنا سويت عنه بحث ومافي حد ذمه الكل يمدحه
وانا احين قيد التجربه ^^
بس اهم شي تستمرين عليه