ابا طريقة هالسويت في صورة داخل

مرحب غلايه ..
امممم اتذكر الطريقه .. الاخت مريم يزاها الله خيــر كانت منزله الطريقه
تطحنين بسكوت دايجستف + فليك + قشطه
وتكورينهم

والصلصه البيضه
حليب محلى +جبن كيري ..
فالصوره شكلهم زايدين الحليب ,,

وتزينينهم بكاكاو هيرشي السائل

^_^ وان شاءالله اكوون فدتج ..

ان شاءالله

مقادير كرات البسكوت :
1 قيمر كي دي دي 250 مل
1 و نص بسكوت دايجستف كبير
3 فليك ..

مقادير الصلصة :
1 قيمر كي دي دي 250 مل (لاحظوا القيمر مخلص – عقب ما حطيته بالخلاط ذكرت إني بصور :krkrkr: )
1 حليب نستله محلى كبير
6 حبات جبن كيري
صوص كاكاو للتزيين

أعواد أسنان + أي خرز او لولو تحبين تزينين فيه الأعواد .. انا ماخذتهم من زمان من بركات خشب حلوين نفس لون الاعواد ..

نبدي بالطريقة

نطحن البسكوت + الفليك و ننعينه مع القيمر.. راح يتماسك معاج جذي..

عقبها نشكله على كرات صغيرة و نصه بالماعون او صحن التقديم .. و يفضل يكون فيه عمق شوي علشان الصلصة ..

مثل الصورة ..

نحط مقادير الصلصة بالخلاط و يفضل يكون الكيري بره الثلاجه لفتره علشان لا يتكتل

و نصبها بقفشه فوق كرات البسكوت .. و نزينها بصوص الكاكاو و نقززها بالأعواد لتسهيل عملية التقديم .. و هذا الشكل النهائي..

والسموحه ماحصلت رابط الموضوع .. بس حصلته منقوول فـ منتدى ثاني
والسموحه على التاخير ^_^

وهاي طريقه ثانيه ^_^

كرات التمر بالكارميل ,

– 1 1/2 كوب بسكويت شاي مطحون
– 2 كوب تمر من دون نوى
– 30 جرام زبدة مذابة

مقادير الصلصة:

– 4 حبات جبن كيري
– 1/2 علبة حليب مركز ومحلى ( العلبة بحجم 397 جرام)
– 1 علبة كريم كاراميل بودرة
– 1/4 كوب صوص شوكولاتة

طريقة التحضير:

رشي صحن التقديم بمقدار 1/2 كوب من البسكويت المفتت.
اخلطي التمر مع باقي البسكويت والزبدة جيدا.
كوريها وصفيها في صحن التقديم.
اخلطي مقادير الصلصة معا ماعدا صوص الشوكولاتة جيدا في الخلاط الكهربائي.
اسكبي الصلصة فوق كرات التمر ثم صبي على الوجه صوص الشوكولاتة.
اغمسي عود في كل كرة تمر وادخليه الثلاجة لحين التقديم.