ابغي اسوي تلقيح صناعي رجاء اللي عندها فكره اترد علي

السلام عليكم ورحمة الله وبركاته..

خواتي اليوم المفروض تنزل عندي الدوره بس مانزلت..وانا متأكده اني مب حامل لاني سويت تحليل بول الله يكرمكن وظهر عندي سلبي..وماظن بتنزل الدوره لاني كل شهر اخذ دوفاستون وهالشهر ماخذت..لان انا بالاساس الدوره عندي مب منتظمه ويوم اخذ الدوفاستون تنزل عندي كل شهر وبنفس الوقت..
نفسيتي تعبانه ومليت من كل شي..

حاولت اقنع ريلي بالتلقيح الصناعي لكنه رفض هالشي وزعل مني..لكني بحاول اقنعه لاني تعبت..
انا مافيني شي وهو مافيه شي..لكن رب العالمين قال اسعى ياعبدي وانا بسعى وياك..والتلقيح الصناعي مب حرام..وظهرت فتوى حللت هالشي..فرجاء لحد يرمسني من هالناحيه..

اللي عندها تجربه بخصوص هالموضوع اتجاوبني..ويزاها الله خير اللي بتعطيني تفصيل كامل عن تجربتها..وحملت ولا لاا؟وتعور ولاعادي؟ووين سوتها؟وكم كلفتها؟

ماعندي فكــرة

الله يرزقج الذرية الصالحة عاجل غير آجل ..

ويكون حمل طبيعي ان شاء الله ^^

فديتج انصحج تسوينها ف توام ..
انا سويتها هناك ومن ناحية العوار شوي فالبداية يوم بيسوون لج فحص تجويف الرحم شيء بسيط نفس الام العادة وعقب كل شيء تمااام ..
ان شاء الله عقب اسبوعين بيخبروني اذا ف حمل او لا ..
مابيكلفج شي لنج مواطنة ..
واكثر الناس ايووون هناك .. (من الشارجة وبوظبي وهم عمان وراس الخيمة ) ..

تفائلي خيييييير وجربي هب خسرانه ..

واي شيء انا حاضرة

ربي يرزقج وتكونيــــــــــــــــــــــــــــن حامل ^_____________________*

هيه ما فيها شي جربي الله يسهل لج امووورج يااارب

إن شاء الله ربي يرزقج ياارب و تقر عينج بشووفة ضناااج

ان شاء الله تحملي طبيعي يا رب

ما تيأسي حبيبتي

انا متلك سنتين و انا أحاول و ما صار حمل

مع انو كل فحوصاتنا سليمة..ربك لما يريد رح يصير الحمل باذن الله

الله يرزقك الذرية الصالحة يا رب..

مشكورين خواتي وماقصرتين..ربي يعطيكن الف عافيه..

بانتظار ردود المجربات..