ابي نصيحتكم بنااات 0_0

السلاام عليكم

بنات حبيباتي ابي حل لمشكلتي ..

ما اعرف من وين ابدأ. انا تقريبا هالفتره مخلصة دراسه عمري 23.
من قبل سنتين كانو يقولو فلان لفلانه وفلانه لفلان لدرجة اني واايد بنيت أمال واحلام على هذا الشخص وما صرت اشوف غيره وكنت انتظر اللحظه اللي يخطبني فيها. بعد ما خلصت دراسة الحين كانو اهله مقررين انه يزورونا عشان يخطبني واهلي كلهم موافقين ..انا كنت مستعده وما اقدر اوصف لكم شكثر كنت فرحانه . بس فجأه يدتي قالت ما بتأخذي فلاان ..قلت لا ليش بس ما رضت تقول .عذرها فقط ما اول شخص يخطب توافقين عليه .. وايدين بيخطبونج غيره. بصرااحه انهرت فهاذي الفتره واتكلمت بس ماشي فايده.حكمت عليي اني ما اخذه..
اتقدمو لي اشخاص غيره . بس كنت اووصل لحالة الصياح والخوف والرجفه واقول ما بي اتزوج.. من اسبوع تقريبا خطبني شخص ووافقت ووصلنا للنظرة الشرعيه شافني وشفته..بس بعدين رجعت حقي الحاله الخوف والرجفه ودقات قلبي ادق بالقوو واتخيل انه هالشخص ما بيخليني مرتاحه..وانه شخص ع قد حاله ..قرو علي عند مطوع وصليت استخارة اكثر من مره واخر شي قلت لاهلي اني ما موافقه .. اقولكم حالتي انقلبت 180 درجة كنت برقص من الفرحه لما اهلي ردو عليهم اني ما موافقه كأنه هم وانزاح عني..
ما ادري هل لاني برمجت عقلي على اني بخذ فلان وهو مستواه المعيشى ممتاز وشخص جميل واخلاق..لدرجة اللي يخطبوني لاازم اطلع فيهم عيوب واقارنهم مع هذا الشخص واقول هم غير عنه حتى لو ربي ما راد لي اني اخذه..احس نفسي ما متقبلة فكرررة الزواااج ابدأأ .. وحالة الخووف الا الان ملازمنتي من فكرة انه حد يخطبني .. مع اني الحين ف نفسي اتمنى اتزوج واعيش حياتي بس المرحله اللي اوصل حقها تمنعني من هالشي..
نصحووني بنااات شوو اسوي ؟؟؟؟

خلي حد من اهلج يروح ليدتج و يعرف شو السبب ليش مانعتج من الزواج من هذا الشخص

وانتي صلي استخاره واندعي بقيام الليل مع الاستغفار و الصدقه وان شاء الله ربي يقدم لج اللي فيه الخير لج يا رب

يمكن امه غيرت رايها وتجاملكم الحين .. او هو يحب وحدة ويبيها

وبعدين ليش ما تكلمين امج ؟؟ ان كل هالعمر مخططين لهالشي وحاطين هالشي فراسج واخرتها يدتج تقول لا ..

ممكن عندها سبب مقنع وما تقدر تقوله
واكيد هالحالة لان انتي صارلج فترة ,, سنين يعني وهالشخص فبالج .. كيف تبين تغيرين الفكرة بشهر او شهرين ؟؟ يبيلها شوية وقت وتفكير وايجابية .. ولعله خير
انتي استخيري بكل الاحوال .. وكل ما حد يتقدملج استخيري ولا ترفضين .. ترا الفلوس ما تسعد الناس في ناس عندهم ملايين ومب مستانسين .. و مب شرط يكون غني وايد .. يعني راتب زين يكفي تعيشون عيشة محترمة ..

احس انه قلبي مقبوض وفوادي يعورني من اسمع عن شخص بيتقدم حقي او صارت خطبه ااو شي ..
انا خلااص راضيه بقاء ربي وانه ما من نصيبي هذاك الشخص ..لانه يدتي فالاخير غيرت رايها فيه ورجع اتقدم الشخص مره ثانيه بس صااارت مشاااكل بين الاهل وخربو الخطوبه مره ثاانيه.ف رضيت وقلت يمكن خييره اني ما اخذ هذا الشخص..
بس ليييش اي حد غيير يتقدم اخس بالخوف وترجع لي الحاله واحس قلبي مقبوووض ..الين يقرو عليي واهدا ومن ارفض سبحان الله يتغير حالي الى الاحسن

سبحان الله يمكن عين ولا شيئ اقري سوره البقره و الاذكار و الرقيه الشرعيه و الله يوفقج ان شاء الله

الله يكون في عونج حبيبتي نصيحتي لج اكثري من الاستغفار والقرآن وصلي استخارة لين تحسين قلبج يرتاح حبيبتي التوتر والخوف شيء طبيعي حاولي تكوني هادية وفكري وقرري ان كان الاشخاص الي يتقدمون لج زينين ولا صلي قيام الليل وان شاء الله ربي بكون معاج في كل خطوة تخطينها .

الله يرزقج الزوج الصالح حبيبتي ويفرج عنج وعني وعن كل بنت تعاني امين انشاء الله يفيدونج البنات