طبعا الحمدلله انا مب المعنية بالموضوع هههههه الحمدلله انا عندي بنتين و ولد الله يخليهم لي و يطول عمارهم. الموضوع يتعلق بمرت اخوي الله يسهل عليها و بعد شورها قررت احط الموضوع و اشوف آرائكم و تجاربكم و خبراتكم ان شاء الله.
المشكلة ان مرت اخوي توها معرسة من 4 شهور و ما حملت و تحاتي وايد لانها و ريلها خاطرهم بعيال الله يرزقهم ان شاء الله. و سارت عند الدكتورة فهمتها وايد اشياء مثل فترة الجماع اللي تكون نسبة الاخصاب فيها عالية و كذا شيء بعد و سووتلها صورة التراساوند للرحم و اكتشفت ان عندها 6 الياف في الرحم اكبرها 6 سم و هي توها بداية العشرينات. الالياف موقعها بعيد عن قناة فالوب و عن عنق الرحم. و قالتلها ان هذا الشيء ما يعيق الحمل بس ممكن يسبب اجهاض مبكر و ممكن اذا حملت يسببلها ولادة مبكرة و ممكن ما يصير اي شيء تحمل و عادي ما في مشكلة ل9شهور . و الحينه مرت اخوي اتوسوس وايد و خااايفة لدرجة انها ما ترقد و دايما شاردة في تفكيرها عنا . انا ودي اساعدها بس ما ادري كيف و خاصة ان الدكتورة قالت انه مب لازم عملية لازم اتراجع كل 3 شهور علشان تتأكد ان الالياف ما قاعدة تكبر. و قالتلها ممكن تعطيها ادوية اتصغر الالياف بس من ما توقفها بترجع نفس الحجم فلا اتكلف عمرها فيه و خاصة ان هاي الحبوب عبارة عن موانع حمل و هي تبي تحمل.
حبيباتي انا ودي اساعدها فديتها بس مالي الا انتو تقولونلي عن تجاربكم و اذا كان وحدة فيها الياف و حملت عادي من دون مشاكل او ويا مشاكل ؟؟ احتاج خبرتكم و رايكم و اذا حد مجرب هالشيء يفيدنا و شو كان العلاج او بدونه؟؟
مشكورين خواتي و جزاكن الله خير.
ادعولها الله يرزقها بدون مشاكل و تعقيدات
المشاركة الأصلية كتبت بواسطة أم عبير.. 
انا حاليا استخدمه عسب دورتي مو منتظمه
والحين بكمل عليه شهر وطعمه لوعه بس شو اسوي ^^