القصه:
اخت زوجي تحب واحد اكبر عنها 5 سنوات تحبه واااااااااااااايد
تقولي ماروم اصبر عنه دقيقه صارلهم 6 سنوات مع بعض
والبنت يتيمه الام والابو وماعندها اخوات غير اخو واحد الي هوه زوجي
المهم الريال مب مقصر معاها في شي من هدايا من مصروف شهري ومدخلنها
احسن جامعه في الامارات المهم الريال ع حسب كلامها انه يحبها وبيني وبينكم
من الاشياء الي يسويها احس انه يحبها يعني انا ريلي ماسوالي هذا كله وانا ام
عياله .
وحتى هيه المسكينه مو مقصره في هله كل ماتخذ شي تقوله خذ لأمك وخواتك
يعني تحبهم وتتمنى قربهم
ولا بعد يقولها من تخلصين الجامعه شغلج بنتظارج لاني اريد اامن
مستقبلج ..
المشكله :
البنت تقول انها تباه يتزوجها لانها ماتقدر تعيش مع حد غيره و 6 سنين وايد عشره عمر !
وهيه فاتحته فالموضوع وقالتله ياولد الناس انا احبك وانته تحبني تعال اخطبني
شو تتوقعون رد عليها قالها زواج انا ماوعدتج فيه وماقدر اتزوج قالتله ليش
شوفيه وشوه ناقصني وشوالغلط الي شفته فيه قالها والله عمري ماشفت حد
مثلج وبخلاقج بس انا عندي بنات عم وملزوم اخذ وحده منهن عشان مايعنسن
قالتله انزين لو بنت عمك طلعت سمعتها مب زينه شو بتسوي قال بطلقها وباخذ
غيرها قالتله انته تعرف كل شي يعني وعارف انا شوه قال ماقدر
قال انا اريد اييب عيال يشلون اسمي وقالتله ليش تحرمني انهم يكنون عيالي
انته ابوهم الي حبيته وخلصت له المهم قال لا ماقدر
قالتله لو الحرمه الي بتاخذها ماتييب عيال بطلقها ؟ قال لا حرام اضلمها
وقالت و انا اذا انته خذت وحده غيري واتدمرت حياتي هذا شو تسميه ؟؟؟
قال انا ماوعدتج من البدايه بالزواج قالتله شي طبيعي انك مابتوعدني بالزواج
لانك ماتعرفني لكن بعد ست سنين شي طبيعي انك تعرفني وتحبني
قال انا ماروم اخليج وحتى لو تزوج انتي بتمين معايه لاني احبج
وبس
الحين هم بعدهم مع بعض وهيه ماتروم تعيش من دونه قلتلها ودريه قالت ماقدر
وهيه الحين تقول الله مابيخليني بروحي وبيجبر بخاطري لانها يتيمه
وانا والله قلبي يقطع عليها دوم ادعيلها في صلاتي
ابا رايكم وبشو بتنصحوها والله يجزيكم خير ادعولها ان يتزوجها يااارب العالمين تجبر بخاطر هاليتيمه
.
.
المكتوب مبين من عنوانهـ
الريال مايباها بالحلال .. ؟!!!
ماظني شي تفسير ثاني الا اذا كان يشفق عليها لنها يتيمه ..
.
.
حبيبتي
والله العظيم اعرف وحده كانت تحب واحد 11 سنه .. قريتي عدل .. 11 مو 6 ..
والبنت كانت متعلقه موووت وخاطرت بحياتها وسمعتها عشانه ..
و الولد كان يموت فيها تقدم لها يمكن اكثر من 20 مرهـ وكل مره ينرفض ..
لنه اهلها بدو
والبنت عندهم ماتاخذ الا ولد عمها ..
.
.
بالنهايه تفارقو لنه البنت اقتنعت انه محال تاخذه
وكلت امرها لربها .. وتزوجت شخص ثاني ..
اقسم لج بالله .. انها تقولي ناسيه الاولي تماما ..
صحيح مرات يطري ع بالها .. بس خلاص من تشوف زوجها تحمد ربها
.
.
تقولي الله عوضني .. بسبة الدعاء ..
كانت تدعي ان ربي يشل حبه من قلبها ويعوضها بإنسان طيب
وربي الحمدلله استجاب دعائها ..
.
.
حبيبتي
قوليلها وش يحدج ع الحرامـ .. هي الخسرانه الوحيدهـ
الافضل انها تودره .. ولا تتعلق اكثر واكثر في وهمـ ..
وان شاء الله ربي يعوضها ..
ادري صعب فراقه بس مصيرها شهور بالكثير وبتنساه ان شاء الله
وخلوها تلتهي بشي ثاني ..
واذا جاها معرس زين زوجوها .. وحاولي تقنعينها يالغلا
ما اعرف هم تقاليدهم كيف
هو لو يصارح اهله ويقولهم انا ابا هالبنيه يطالع شو بيردون عليه
يمكن يوافقون ومب شرط يا خذ بنت عمه
وخليها تصلي استخاره احسن .. اخاف الريال بعد يلعب بمشاعرها
هالايام ما تضمنين حد
الله يعينها ان شاء الله عاد 6 سنين وايد !!!
وبعيدين هاي قاعدة بنت العم خلاص خلنا نغير تفكيرنا الرسول قال ناصح انه الواحد ياخذله من العوايل ثانيه
بس صدقيني دامه يحبها لو هدته فتره وتقوله خلاص يا تخطبني يا ما اقدر اتم وياك صدقيني هو تام وياها لأنه يعرف انها تحبه وما تقدر تخليه عشان جه يقولها بتزوج وبتمين انتي
الله يوفقها ويرزقها رجل صالح يعرف قيمتها