مابطول عليكم بدش ف الموضوع على طوووول
بس قبل كل شي // فديتكن لا تقولن هاذي فترة وبتروح ,, بالعكس هاذي الفترة اذا ما اهتمينها فيها والله البنت اتضيييع //
بنات نحن كلنا ثمااان بنات / واختي الي بتكلم عنها ترتيبها بين خواتي السادسة وعمرها 14 سنه / وخواتي الي أكبر عني كلهن عرسن وأنا ألحين أكبر وحدة ف البيت …
هاذي اختي الله يهديها من سنة وهي متغيرة تحسيها غييييير ما فيها أي براءة مع انه عمرها 14 وتوها داشة 14 ,,,
ونا خايفة عليها وااااااااااااااااااااااااايد واااااااااااااااااايد
كله عصبية يعني اذا انتي بتكلميها ف موضوع وبكل هداوة ورقة وحنية ما بتخليج تكملين كلامج وبتم تعلي صوتها / واذا منعتيها عن شي غلط بتبري نفسها وانتي متأكدة انها مسوية غلط بطلع نفسها ملاااك ما يغلط / واذا حاولتي تنصحينها تزعل وحالتها لله …
وكله ترمس ف المسن مسن مسن مسن حشا لو تعرفن كثر شو كرهت المسن بسبتها الله يهديها ..
وبعد يوم ترمس ف المسن وادشين عليها تفتح صفحة ثانية من القوقل يعني ما عرف كيف ؟؟
تخليج تشكين فيها غصبن عنج ؟؟ صح انها يمكن ترمس ويا ربيعاتها بسوالف خاصة الله العالم أنا ماريد أظلمها " وان بعض الشك اثم "
وشو بعد .. تتحكم ف خواتي الي أصغر عنها أعمراهن وحدة 12 وحدة 8 .. حرااام عقدتهن // مثلا يوم بيطلعن يشترن ملابس أو ألعاب تقوللهن لا تشترن هذا يويلكن اذا شريتنه أو لا تلبسن بنطلون عييب أو تحجبن تحسيها تبا تسيطر عليهن تبا كل شي حقها الكمبيوتر والتلفزيون وحتى ألعاب بليستيشن … واذا سون شي لو تافه سييييييييييدة تخبر اماية ///
وتعالن شوفنها الي يسمعها جذيه يقول عنها ما شاء الله مطوعة … وهي كله اطالع تركيات الله يهديهم راعيين القنوات الي يخربون عيالنا واطالع أفلام / وأغااااني ررررااااااااب عربية .. وكورة ومصارعة
والمصيبة الكبرى انها صلاتها مب ذااااك الزوووود يعني نااااادرة جدا …
حراااام أنا تعبت أنصحهن كلهن خواتي مب بس هي .. واخبرهن قصص وابينلهن اني أحبهن وأحن عليهن وفي نفس الوقت أشد عليهن .. وانصحن ع الصلاة ودوووم قومي صلي قومي صلي قومي صلي يعني اشتهي أشوفها مرة وحدة تصلي بروحها بدون محد يقوللها
وهي الوحيدة بين خواتي جذيه طلعت ما عرف ليييييييييييش
وعشان تعرفن بس // انه كل شي موفر حقها ومرتاحة في الجو العائلي ومن الناحية المادية
بناااات لا تقولن ناقصتنها حنية و تبا حناااان عندها حنان اماية حنونة فديتها وخواني ونحن // ولا شددي عليها وراقبيها هالشي ما ينفع //
وع فكرة اذا شفتنها بتقولن هذي شكلها بتصير بووووووووووية
لأنه مثل ما قلتلكن اهتمامها في الكورة والمصارعة والرااب وماتحب الكشخة والمكيااج
بس عادي خواتي ثنتين أكبر عني يوم صغار ما يحبن المكياج والكشخة وسوالف الحريم بس مب راعيات كورة وراب ومصارعة ويوم كبرن استوت كل وحدة أنثى مبالغ فيها هههههه
المشكلة بعد انه محد يطيع يوديهن مراكز ومعاهد وأنشطة ودورات دينية وثقافية … هذا الي يقهر
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
بنااااات شو الحل ؟؟
كيف أتصرف وياها ؟؟
ساعدني
يزاج الله خير أختي على حرصج على أختج 
من حسن تربيتج ماشاء الله عليج ^^
وأكيد الوالدة الي طلعت بنت شراتــج بتكون ربت باقي بناتها بالطيب وحسن الخلق ^_*
رغم انج ماتبغينا نقولهـا أختي
بس صدق هذي فترة وبتعدي ان شاء الله
تغير الهرمونات في أختج له دور كبير
ويوم يستوي تستوي البنت يا منعزلـة ,, يا انها تبغى تتحكم في كل شي
وتجذب الإنتباه بأي طريقـة ^^
فتستوي اتسوي الاشياء الي غريبـة بس عسب تلاحظونها
مب ضروري انتم مب حنونين وياها ^^
بس يمكــن هي تبغى حنانكم يترجم لها بطريقـة ثانية
بالنسبـة لج حرصـج على أختج ونصحج لها عبارة عن حنان
بس يمكن هي بالنسبـة لها الحنان هو اختها طول الوقت تسولف معاها وتعاملها جنها الملكـة ^^
طبعا أنا ما اقول هذا الشي سويه
بس الي أقوله يمكن في غلط في توصيل المعلومـة بينكم
والشي الي انتي تشوفينه يعبر عن مشاعركم الطيبـة حقها
يمكن هي تشوفه العكس
حاولو تدخلونها دورات وانشطــة تساعدها في بناء شخصيتهــأ
وتكون نشاطات أنثوية مثل الكرافت والطبخ والخياطـة مثلا
وبعد تحفيظ القرآن ودروس في الدين توعيها بدينها وتثبت من مكارم أخلاقها
وان شاء الله بمساعدتكم بتطور شخصية اختج للأفضل وتشغل وقتها في اشياء تفيدها أكثر
واذا استعصى عليكم الامر ففي طبيبات نفسيات يتعاملن مع المراهقات وشاطرات ^^
تقدرون تودونها مافيها شي
اطلبوا العلم ولو في الصين ^^
وادعي لها أختي في صلاتج وقيامج ,, ربي يهديها ويثبتها ويرزقها الصحبـة الصالحـة
وربي يوفقكم لكـل خير ^_^
وبحلالـــــك عـــــن حرامـــــك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
بس المشكلة انه محد يطيع يوديهن هالمراكز والمعاهد ,, أنا حاولت بس ماشي فايدة هذا الي يقهر
طبع شين فيهن … ما ادري ليش .. بس اعرف انه سخافه
هن ما عندهن شي .. بس ما ادري ليش يبن اييبن الغموض و الشك الهن