السلام وعليكم ورحمة الله وبركاتة
ماعرف من وين ابتدي ومن وين انهي قصة اختي ونفسيتها التعبانه
اختي عمرها 27عندها شهاده حلوى واهي جميله يوم كانت بالجامعه كله يتقدمون لها بس ماشي نصيب لانه اهي تفكر حزته بالجامعه واهي الي كانت ترفض ،،،،خلصت الجامعه تقدم له شخص كامل المواصفات و(الكامل الله )بس اختي كانت رافضه تماماَ والكل يحس انه مناسب واهي مناسبه ،وقتها المهم كنا على وشك مراسيم المجله بس اختي زاد اصرارها برفض ،،،،،حزته كانت شي قبلها اخت اكبر عنها بسنتين وجدا اخلاق وصبورة ولاه فكرت تتضايق انه اختي اصغر عني بتتزوج وانا لا،،،،،،المهم اختي تمت اتصيح الين اتفركش موضوع الملجه انا هاك الوقت كنت بثانويه حسيت انه اختي في شي بحياتها عاد سويت محقق كونن فتشت وراها الين عرفت انه تحب خلاص سكتت وما تكلمت بس اختي الي اكبر عنا حست وبعد نفس الشي تغاضت عن الموضوع لانه محد يقدر يوجهه بس تزعل وتعصب (( سوري طولت عليكم ))
عقب فترة تقدم هالشخص الي تحبه اختي وعلى وشك مراسيم الملجه ،،،الريال اختفى لانه اهو مب نفس البلاد واختي انصدمت ودشت بحاله نفسيه صعبه عقب فترة طويله نست الموضوع وكملت حياتها بالشغل والحياة ماتوقف عند انسان ….
وكل فتره يتقدمو لها اشخاص يكون ماشي نصيب من عند اهل المعرس ومقتنعه بالحياه الي عايشتنها لانه شي اخت اكبر عنها ماتزوجت …….
وعقب فتره واحد من اهلنا تقدم حق اختي الكبيره الي عمرها 33 وهو عمره 29 الكل انصدم مو متوقعين انه هالشاب يبى اختي الي اكبر عنها باربع سنين اهو كان يريدها عن اقتناع واختي مترردده عسب باجر يعايرها وصلت استخاره والحمدلله عرسو والحين اسعد اثنين ….
بقت اختي الي اصغر عنها وعقب زواج اختي واااااايد متدهورة وعصبيه ونفسيتها زفته وكله يالسه بروحها وما تكلم احد وماتبى غير الدوام وبس او ربيعاتها اذا بيطلعن، انا احس فيها وكل خواتي يحسون فيها لانه اهي وصلت سن ضيق وتفكير بالزواج عمرها 31 وقبل ايام ابن عمي ريال امام مسيد ويابلها معرس متزوج ورفضت وبنت عمي يابت له معرس متزوج ورفضت وربيعتها ورفضت اكيد ماشي نصيب بس (( لاترفضي واايد )) الخيره فيما اختاره الله
قبل فتره تهاوشت وياها اكتشفت اختي ماتباني اطلع ولاه تباني ارابع وكله تنتقد ربيعاتي وماتباني اظهر اعراس وانا انسانه اجتماعيه احب اظهر واتعرف وارابع عمري الحين 23 بعدني احب الحياه خوفاً اتزوج قبلها بس هذا نصيب وانا ماقدر ارفض شراتج وعقب اندم
اهلي كلهم متضايقين بسبب حالة النفسيه الي اهي فيها احس والله حرام ماتحس ف امي وابوي انهم يضايقون يوم اهي تتضايق
اخاف اصير مثلها كله متضايقه وابكي وافكر بس بالزوج
ارجوكم من قرات قصتي وي خواتي تدعي لاختي بظهر الغيب وتدعيلي وتدعي لكل البنات المسلمين
وارجوكم بنصيحه تبعدني عن جو الضيق الي معيشتنا فيه اختي
السموحه على الاطاله
انصحج أولا بالثقة بالله قبل كل شيء
وثانيا يااختي- دع الخلق للخالق- واتركي اختك وشأنها واجعلي اهتمامك برضا الله ثم بذاتك ونفسك وهواياتك وركزي على كلمة ((( ذاتك ))) فأنتي الأهم، وان كانت هذه رغبتها بعدم الزواج فلتتحمل هي نتائج قرارها، وبشأن تدخلها في اختيار صديقاتك وحياتك فالمفروض ان تتناقشي معها بأن تهتم بنفسها وتتركك وشأنك
جذي فهمــة من كلامج …
بس حطي في بالج كل وحده ما تاخذ غير نصيبها ورزقها في الدنيا ….
يعني ما يخصه اختج نفسيتها او مب نفسيتها وقت ما الله رايد لها تعرس بتعرس في ساعه …
وانتو لا اتكبرون الموضوع عليها …يعني حتى لو نفسيتها تعبانه انصحوها بأشياء ممكن تخليها تهدأ اكثر مثل القرآن ..الصدقــة ..الاستغفار …وتبعد عن بالها وسواس الشيطان واايد عرسن بعمر 30 وفوق …وبالتوفيق …
اختي عبير الايمان:
هذي اختي من دمي ولحمي كيف ادعها وشوفها تتعذب قدام عيني وما اقدر اساعدها
انتي انسانه غريبه وماتعرفيني بس موضوعي هزج ورديتي هاي اختي ضيقه من ضيقي
اختي مس uae:
مافي احد مايخاف على نفسه انا خوفي الاكبر اصير نفسها بالنفسيه التعبانه لاني انا وياها بالغرفه
ومافي غيرنا بالبيت غير امي وابوي معنا ……….
الحمدلله اختي تصلي والقران مايفارج ايدها ودوم اشوفها تستغفر وابدا مو من البنات المتبرجات
بس النفسيه مررة تعبانه
اما انا الحمدلله صلاتي وقراني والاستغفار ما افارقه لانه الدنيا ماتساوي جناح بعوضه ليش اتعلق بدنيا فانيه
ويرزقكم بالي يسركم في الدنيا والاخره
وان شاء الله تتوفقون باخوان حلوين شرتكم
كل وحده ما تاخذ غير نصيبها ورزقها في الدنيا
