ارتفع ضغطي . والسبب فستان !!!!!

السلام عليكم

شاخباركم بنوتات

هذا اول موضوع لي بهل قسم

مممممممم يمكن تشوفون موضوعي عاد بس من القهر اللي حاسه فيه حبيت افضفض >.<

القصه ومافيها اني انعزمت عرس و رحت افصل فستان <<= اكيد تقولون وين المشكله

دورت شي جاهز وتعببببت وما لقيت شي محتشم ابد

المهم قلت عندي وقت افصل <<== ليش لا مو غلط

اول شي رحت عند المصمم محمد زين الدين و اتفقت معاهم وكل شي
بس قلت لهم اريد انا اللي اشتري القماش على ذوقي
لان لو هم اللي اشتروه ما يرضون اشوفه يعني لازم ارضى فيه مهما كان

المهم اتفقت معاهم واللي تشتغل هناك اخذت رقمي على اساس تتصل لي و تخبرني كم احتاج قماش

المهم قلت مو مشكله خلصوا الخياطين يعني سرت خياط ثاني
وقال لي جيبي الدانتيل و الحرير و انا اخذت زياده عن اللي طلبه قلت الاحتياط واجب

رحت وديت القماش يهز براسه و يقول ما يكفي غيري الموديل

صددددددددق اررررررتفع ضضضغطي

خليته ومشيت رحت عند القصور <= وما ادراك ما القصووووور

اخذ القماش وقال اوكي و اخذت موعد الاستلام
وفرررررحت قلت واخيييييرا

يوم رحت واخذته اننننننصدددددمت بمعنى الكلمه غييييير الموديل على كيييفه

والذيل بـــــــح <= مو مسوي ذيل

ارررررتفع ضغطي اكثر واكثرررررر وقال خلاص اصلحه

وطبعا صار موعد العرس وانا بعدني ما استلمته

واخرتها خررررربه بزياده

عاد انا براااااااكين و وزلازل <<== صدق انقهرت

بنات انا مو على فستان ولا قماش ولا شي

بس الواحد يتعب ويدور و يفصل و يدفع حتى يطلع شي حلو ويفرح فيه

مو حتى يرتفع ضغطه

انتوا شرايكم حد صار له اللي صار لي

و شالسبب برايكم ؟؟

انا اتوقع لان بعض البنات ياخذون الفساتين بعيوبها <= صارت قدامي
وما يناقشون

اسفه اذا طولت عليكم بس حبيت افضفض شوي

اتمنى اسمع رايكم

اختكم فالله

انا حاسه فيج
انا عمري مافصلت دوم اخذ جاهز بس الكل قالي عرس اختج ومااعرف شو
المهم سرنا في دبي شي اسمه الثوب الوردي وفيه وحده لبنانية هي تدير المحل والفليبيني يصمم
انا وخواتي عطيناهم التصميم لانه الفكره في راسنا المهم قالت بتخلص عقب شهر قالنا اوكي ندقلها عقب شهر قالت تعالو عقب اسبوعين
يوم الاستلام طبعا اختي اللي يهداها عطتها البيزات كامله المهم
والله لو تشوفون بتقولون فساتين حفله تنكرية والخياااطه ابد مب نظيييييييييفه وحاطه لاختي سحاب عريض يبين لوونه غلط غييييييييييييييييييييييير عن التصميم شوي وبنصيح العرس باقي عليه يومين واحتشرنا وياها واختي قالتلها حسبي الله ونعم الوكيل فييج ماخذه بس خياطه الفستان 3500 المهم ودييته عن خياط في الخالدية ةظبطلي ياه شوي وانا شريت الكريستالات وحطاها يوم شافه قالي انا بسويلج شراته ب 700 درهم حسيت ساعتها بالقهر يعني هل اللبنانية قصت عليينا
الحمدالله انه يوم التسريحه والميك اب غطو شوي والاكسسوارات بس صدق انقهرت نحن الكل يمدح في ذوقنا وجيه بس عشان شافتنا طيبات ونظحك وياها جيه قصت علييها
ومن يومها تووووووووووووووووووووووووووووووبه افصل عند مصممه

هلا اختي لا ترفعين ضغطج ولا شي صدق انج ما تنلامين بس بعد اذكري الله

لانه هالمشكلة وااايد تصير وااااااااااااااااااااااااااااااااااااااااااااايد بعد

صارت لي كذا مرة ووياا بنات اعرفهم

وتبهدلنا والعرس جريب وجي

وبعدين حتى لو المصمم او الخياط خرب الفستان هو مب خسران شي

نحن نتبهدل عوار راس لانه العرس جريب ومابيدنا شي غير نعدل شوي فيه

او نشتري فستان 2 زاهب عاد دوري لين يعورج راسج و بعدين تشترين اي شي=<

عسب جي اقول كل ما بنفصل فستان لازم قبل العرس بشهور وشهور عسب لو اخترب

نقدر نعدل فيه وندبر حالنا بفستان 2 او جاهز

وبعدين هالخياييط والمصميم معظمهم ياخذون الموديل اللي عندج وهم اساسا

يعرفون عمارهم ما بيرومون يسوونه ويضبطونه يعرفون

بس بعد ياخذونه ونحن اللي نتوهق انزين دام ما تعرف الموديل ليش تاخذه؟؟ فلسفة ولا تجربه السالفة؟؟؟

لااا ولو يبتيه وشفتيه وقلتي برده عسب يزيد ويعدل فيه ياخذه ويزيد اشيا بسيييييييييطة

ويرده.. هااا حالنا ويا اكثرية المصممين والخياييط واكيد انا ما اشمل الكل وارمس عن البعض

ومرات ننجبر عسب لا نتعرض ل هالمواقف نشتري الفستان زااهب احسن حل بالنسبة لي => بس لين تدورين شغلة خخخ

يلا ماعليه الله يعينه

تسلمين فديتج ع الموضوع والسموحة جان ظهرت عن الموضوع ولا قلت شي

ولا ترفعين ضغطج فديتج => ربي يحفظج

اختج Alone

الله يعيننا والله

ما ادري الى متى نتم على هل حال

الف مبروك العرس و عقبال كل البنات ان شاء الله

اسعدني مرورج

كلامج صح الصح

يعروفن انهم مو قد الموديل و عادي ياخذوه ويجربون

الله يعيننا و يصبرنا و مثل ما قلتي الجاهز احسن شي

شرفتيني بردج

ربي يحفظج

الله يكون بعونج الصراحه

و الكسرات سالفتها سالفه ترا انا مسوين لي من جهه 3 كسرات والجهه الثانيه كسرتين @@

الله يتمم عليكم بالخير ان شاء الله

وتطلعين قمرررر

اسعدني تواجدج

الله يعيننا و يصبرنا

ويرزقنا بالخياطه اللي ما تخرب ^_^

شرفي مرورج