خواتي العزيزات..اتمنى انكم تكونن بصحه وعافيه
والله يرزقكم خير مافي هاليوم وبيعد عنكم شره
كنت اشوف احدى القنوات وكان موضوعهم عن كيف نشتغل الاجازه في زياره الاهل والاصدقاء واكتساب الاجـــر..
فحبيت اعرضلكم بعض النقاط اللي استفدت منهـــا..واللي طبقتها وان شاءالله الكل يستفيد..
* خصصوا وقت لزياره الاهل او الاصدقاء ولاتخلون الدنيا تشغلكم..العمر يخلص والشغل مايخلص..زياره وحده فالاسبــوع ممكن تغير وايد اشياء:
1- الاجر والثواب من عند الله
2- اللي راحت تزوره راح يستانس لانك اتذكرته وزرته ( الحمدلله نحن نزور اهلنا
( بيت الام والاب طبعا) لكن العمات والخالات يالله يالله …
حمدلله امس سرت وزرت وحده من عماتي راده من العمره ووايد فرحت واليوم
ناوين نزور العمه الثانيه واللي بعده العمه الثالثه بإذن الله..
3- زياره المريض ( في ناس ويييييييه فلانه مريضه مافينا
انسيرلها تعادينا )…
والا اللي تسير تزور وحده وتحس ان السيره ثجيله عليها …صدقيني المريض مب محتاجتلج
كثر ما انتي محتاجتلها …قولي ليش؟؟؟ لانج انتي يوم اتزورينها بتحصلين اجر من وراها ..
** نقطه وايد مهمه وانا شخصيا اعاني منها…في ناس من الاهل وللأسف فيهم طبع غير لائق …
مثلا في ناس تحب ترمس عن غيرها او طبعها صعب مايرضيها ش
ي…
ع قولت اخوانا المصريين ( ماااااافييييش موشكيلا)) انا اقولج زوري هالناس
بس لا اطولين عندهم
اكسبي الاجر.. ملاحظه: انا احب اللهجه المصريه.. خواتي المصريات لاتزعلن^^
** نقطه اخيره للمتزوجات اللي رياييلهم يمنعونهم من زياره الاهل…
طبعا طاعه الزوج اولى في هذا الحاله مثل ما سمعت..طيعي زوجج..
يمكن يحاول يختبرج اذا تسمعين كلامه والا لا… بعدها يمكن يخليج ..
واذا ماخلاج تمي ادعي ان الله يهديه
وفي حل وسط ..انج ادقين لاهلج اطنينهم عنج…ترسلين لهم هدايا..
واذا زرتيهم يبي وياج شي
لو بسيط ..
موقف حقيقي :
احد صديقاتي توفى عمها وطبعا كانت علاقة عايلتهم بشكل عام علاقه قويه ماشاءالله …بس حاليا كل جمعه يسوون تجمع عايلي في ذكر…ايبون وحده اتحاضر ..وطبعا هني تكون يمعت الحريم لها فايده واجر وتحفهم الملائكه
النتيجه1 :
تحصلين اجر وثواب من عند رب العالمين
طبعا اخلصي النيه لله مب اتسيرين مجامله عشان يقولون فلانه يت وزارتنا ..
احتسبي الاجر ..
نتيجه 2:
الزيارات تقرب القلوب…اذا ماكان من اول زياره راح تكون من الثانيه والثالثه..
اللي حابه تضيف نقاط ثانيه حياها الله ويزاها الله خير…والله تتكرم بدعوات حلوه لها امثلها ان شاءالله
شاكره لكل من مره في صفحتـــــــــي…
اللهم اعنا على صلة ارحامنا
وضفت نقطه اخيره