استفسار بخصوص ضيافتكم بالمستشفى

مرحبااا جميعا"

مادري صح مكانه الموضوع وألا فالسموحه ماعرفت بأي قسم احطه.
بغيت أسألكم شو ضيافتكم بالمستشفى لما تولدوا ؤخاصة للي يربن قيصيري يعني المدة اللي بتقعدين فيها بالمستشفى من 5 إلا 7 أيام تقريبا" فأكيد الزوار بأيون أبغي أعرف تطلبون شيء من برع فطائر أو حلويات
أو تكتفون بسؤالف جاهزة بيتفيور أو شوكليت لأني بآخر ولادة لي صراحه ماشفت أحد وقف وياي أهلي مسافرين وأهل ريلي بالمرة مايمروا إلا مال ربع ساعه ويروحوا عني،وفضيحة ايون حريم وجيراني وربيعاتي وأنا ماعندي شيء ؤلا عندي أحد واقف وياي،ومفكرة صراحة إسوي بروحي واجهز الأشياء اللي أشوف بأنها أتطول وايد وماتخترب ؤلا يتغير طعمها ومن أربي وارتاح اخلي ريلي أييبها لي،بس أبغي رأيكم ؤأفكاركم فديتكم ؤلاتحرمونا من ردودكم الطيبة أكيد هالموضوع شاغل حريم غيري.

حبيبتي انتي باي إمارة ؟ فيه محلات يسون سوالف الضيافة ويقعد أكلهم فترة صلاحيته ٥ ايام وفيه بعد عندج حريم تقدرين تطلبين يسون لج فوالة وتوصلج للمستشفي والله يقومج بالسلامة

أهلين حبيبتي..آمين يارب وعلى كل حامل إن شاءالله.
أنا من دبا فديتج بس ريلي من منطقة بالفجيرة فولادتي بتكون بمستشفى الفجيرة،واذا تعرفي حد فيديني لأني روحي أصلا" شاطره واعرف إسوي بس أحس بأختبص وبأتوهق أو يمكن أنسى شيء أو يمكن حزتها مابأقدر إسوي

ممكن تلفين ورق عنب في الفريزر … أو سمبوسه
وتسوين السندويشات الميني
تاو تطلبين من برع
وسلة فواكه وصينية شوكلت

التوزيعات والشوكلت من عند فواله
وفي محلات تسوي الورد وحركات للتزين غرفه الولاده

للرفع

تقدرين تحصلين اشيا لذيذة عند الحرمة ٠٥٠١٧٦٩٥٨١