اشحالكم ؟؟ .. عندي استفسار بسيط بخصوص الرضاعة الطبيعية
أنا ولدي عمره 3 شهور وأرضعه طبيعي أكثر من الصناعي والحمدلله ،
بس عندي مشكلة متعبة لي نفسيتي واللي هي كل شي ممنوووووووع
تاكلينه ع كيفج وحاسبي على أكلج و و و و حتى الماي البارد ممنوع علي
ف اللي عندها فكرة اتخبرني هل لو شربت ماي بارد أو عصير بارد يأثر
ع البيبي لو رضع مني ولا ما يخصه ؟!!
لأنهم يقولولي أن البارد يسوي كحة للبيبي !!!
أتريا ردكن يا الأمهات الغاليات …
ودمتم بود ..
اهم يقولون فالاربعين مب زين الباااااااااااارد…عسب الكرشة والوزن
والعصاير,,بس فى بعض الخضار تسوى غازات حق الياها مثل الملفوف والقرنبيط ألى هى الزهره .والله يخليلج البيبى ,,على فكره انا مرضعه ولدى رضاعه طبيعيه بدون مساعد سنتين وشويه .يعنى مول ماشرب صناعى.
سبحان الله الحليب من يتكون يكون دافي حق البيبي ودرجه حرارته مناسبه حقه
هذي كله كلام أتأكدي من الدكتور
لاماعتقد يخصه
انا بعد ارضع وكل كل شي الحمدالله
الحليب اللي يطلع من الصدر يكون بدرجة حرارة جسمج يعني شربتي حار ولا بارد ما يأثر!!
الشي اللي لازم تحاسبين عليه هو الأشيا اللي ممكن تسوي غازات، لأنها تأثر عالياهل بعد مثل البقووليات وبعض الخضار وهالسوالف
ولدي سنة وشهرين وبعدني ارضعه طبيعي …
والحمدلله دامي محاسبة عالأكلات اللي تسوي غازات أنا وهو مرتاحين ^_^