كيف الحال والاحوال…
اليوم خواتي وانا اطبخ الرز قلت في نفسي الله يا بنيه كم سر وسر عندك في الطباخ ..هذا علم ربي علمج اياه ووفقج له فليه ماتنفعين خواتج وتتبادلين وياهم سر الطبخة …واي وحدة بكرة اطبق الوصفة والله ما تنساج من دعواتها لج…واذا الناس ما تدري منو انتي فرب العالمين يدري منو انت لو كنت في ظلمات البحر الثلاث…
ولازم كل وحدة ما تحرم نفسها الاجر وتقول سر او اكثر من اسرارها في المطبخ…
شوفو يا بنات تبون الرز يطلع خبال …اقولك على ها السر وهو اني احمر البصل حتى يشقر ويصير لونه عسلي مع حبة مستكه وبعدين اكته في الخلاط مع شوي ماي وكزبر وهيل ودارسين ووملعقة صغيرة من ماي الكادي وملعقة طعام سكر ..ويتم خلطهم زيييين وبعدين احطهم ويا الرز وكل رز انت عارفه مقاس مويته…وفي البداية النار عالية حتى نشاف الموية ثم اوطي النار وبعد ساعة بتذوقين اطيب والذ رز ذقتيه في حياتج….
وعندي اسرار واااايد اذا شفتكم متفاعلات مع الموضوع واصلت وواصلنا سوا…
أنا بفكر جان تذكرت عطيتكم سر ….^
و سر الطبخه روووعه
و بالنسبه للاضافه الى سر طبختج لللرز
انا هاليومين بعد نضوج الرز و تركه على نار هاديه اخذ ليمونه فرش و اقطعها من النص و اتركها فوق الرز وهو يتبخر البخار يذوب الليمون و بتشوفون شلون الليمونه مليانه عصاره و لذيذه بنكهة الرز
و لي عوده ان شاء الله
المشاركة الأصلية كتبت بواسطة قمره 
و سر الطبخه روووعه
و بالنسبه للاضافه الى سر طبختج لللرز
انا هاليومين بعد نضوج الرز و تركه على نار هاديه اخذ ليمونه فرش و اقطعها من النص و اتركها فوق الرز وهو يتبخر البخار يذوب الليمون و بتشوفون شلون الليمونه مليانه عصاره و لذيذه بنكهة الرز
و لي عوده ان شاء الله
فعلا الليمون روعة لو تبشرينه وتعصرينه وعلى الرز قبل غرفه بربع ساعه …خاصة الرز الابيض شووووووفي الطعم بعدها…
نبغى اسراركم في جميع المأكولات سواء اللحم او المرق او الايدام ولا ننسى الحلويات والفطاير وباذن الله انا متابعة معاكم واللي ما عندها سر لطبخته ترفع الموضوع رفع الله درجاتها في عليين…
ولا تنسووووون الاجر لنشر علم علمج ربي اياه..
يا حسافة مو هذا عشمي فيكم …