اسمعوا سالفتي مع حبوب التنحييف .

بقولكم سالفتي من البدايه…

الله يسلمكم قبل ثلاث سنوات..كنت ضيعفونه..وجسمي اللي يشوفه يقولي عارضه ازياء…طوييله كان طولي 170 ووزني 65 .كان روعه….
وعاد كنت اتخجج بهالجسم….:22 (20):

المهم…

خلصت الثانويه..ويلست فس البييت,,,الله لا يراويكم شو استوى فيني زدت تقريبا 10 كيلو في سنتيين:1 (39): وصرت كسلانه..ما فيني اتحرك..جني عيووز…

بعدييييييين داومت الحمدالله.. بدال ما ينقص وزني..قام يزييد؟؟:1 (6): افاا..كيف جي؟؟؟انا اتحرك واسيير من مكان لمكاان..كييف جي؟؟؟
وقلت لازم اضعف
وسرت نيوترشن.من المدح اللي سمعته عنه .وخذييت البروجرام ماله..بس مووول ما قدرت اكمله..واايد متعب ويسوي عوار بالطبن وامسااك.. ليين الحيين الحبوب طايحه عندي… وودرته

وبعد ما ودرته نويييت اني اسوي رياضه عشان اضعف..(انتبهوا..نوييت ما سوييت) على اساس ببدا في رمضان اللي طاف…

المهم في مره كنت طالعه من المول في دبي.في رمضان ..وطحت طيحه عند الباب اللي في المول..من كثر ما الطيحه قويه..رحت المستشفى بالاسعاف:1 (9):

ومنعوني من الرياضه والحركه الزياده…طبعا انا يالسه..ما اتحرك وآكل..ووزني يزييد..يزييد…ليما وصل وزني ليييين ؟؟؟؟؟!!!!! 90 كجم….

وعاد هذيك الايام حبوب الفايتوشب.قايم سوقه.. وخذيتلي جوطي واحد….وتمييت استخدمه..كان يسوي صداع ولوعه ودوخه على الخفييف, اعراضه العاديه يعني…لييين مره استخدمته وانا في الدوام,.وما ادري شو استوا بي,تم بطني يعورني
تمييت ارجع وروحي حسيتهاا بتطلع…ليما ما حسييت بعمري ..الا وانا في المستشفى.,شو السالفه؟؟شو يابني هني؟؟؟ :1 (7):

اثريني من كثر ما رجعت دوخت في الحمام(الله يعزكم ) وشافتني وحده من البناات..وزقروا الاسعاف وودوني المستشفى…

قالوا لي وودري الحبوب…مب زيينه علييج..وودرتهاا…

ليييييييييين البارحه…

كنت في الصاله في بيتنا .ابويه زقرني..:1 (77): عذاري تعالي شويه,سرت له..وانا مستاسه(قلت يمكن حد بيخطبني )خخخخخخ

جان يقولي : عذاري انتي متنانه واايد اضعفي مب زيين علييج…
انا :افااا ابويه كييف جي تقولي؟؟:1 (9):

يوم سرت اشييك على وزني جان يطلع؟؟!!! جان يطلع؟؟؟؟

لالالالا ما بقوووووووووووول,,,,,

95 كيلو:1 (37):

استويت شرات هاي :1 (3):

وقلت لالاه تراج مصختيها يا عذاري ..محد بيخطبج بعديين …اضعفي يا بت ..خخخ

المهم
وسرت خذييت سويجي وسرت الصيدلييه وخذييت حبوب اسمهاا XL to S وسعرها 155 درهم

وينزلن اظني تقربيا 5 كيلو,في الشهر على حسب

اليوم جربتها الصبح..خذييت حبتيين…المفروض كان آخذ حبه وحده بس لمده اسبوعيين ..وحبتين لمده اسبوع اظني,,,

الحيين احس بدوخه والله ..واحس براسي يعورني..نفس اعراض الفايتوشب…
بشوف بعد اسبوع شو النتيجه

وهااي سالفتي اللي ما بتخلص عن حبوب التنحيف..قولي ان شاء الله بس اضعف …
وسلامتكم :1 (19):

اختيه سوري على هالكلمة بس انتي صاحية ولا شووو

مب زين عليج والله مب زين

حرام اللي تسوينه بعمرج ما تعرفين الادوية هاذي شو من اثار جانبية لها و غير جذي

على المدى البعيد يمكن تسبب لج امراض…انا بقولج شو تسوين بس ودري عنج هالحبوب

اذا تبين تضعفين و تاكلين في نفس الوقت ولا ادوخين ولا هم يحزنون

روحي وحدة من هالمراكز اللي يطرشون الوجبات للبيوت شرات استار اكاديمي

بيطرشون لج اكل في الصندوق وتاكلين من الصندوق على راحتج و بتضعفين بعد

بس على شرط ما تاكلين شي برع الصندوق غير الخضرا

و نص ساعة مشي في اليوم كفاية

و في شهر بتنقصين حوالي 4 كيلو…

والله احسن لج من هالحبوب

المشاركة الأصلية كتبت بواسطة امـ الامارات

صباح الخير الغاليه
انا اقولك حطي عنك هذي الخربيط ورحي شوفي لك رجيم سحاب حق شيف عبد الله والله بعجبك ان شاءالله
يله شدي حيلك معنا وتعالي دخلي مسابقه غايه ونتحد ي بعض وخلي عنك الحبوب
يله فديتك شوفي مسابقتنا حلوه وفيها تنفس قوي
وعنا كل وحده تشجع ثانيه وان شاءالله تسوي رجيم وبتنزل بلا دوخه والسعاف

هلا حبوبه..

انزيين شو هذا رجييم سحاب؟؟؟

المشاركة الأصلية كتبت بواسطة شواقة

بسم الله الرحمن الرحيم؟؟؟؟

اختيه سوري على هالكلمة بس انتي صاحية ولا شووو

مب زين عليج والله مب زين

حرام اللي تسوينه بعمرج ما تعرفين الادوية هاذي شو من اثار جانبية لها و غير جذي

على المدى البعيد يمكن تسبب لج امراض…انا بقولج شو تسوين بس ودري عنج هالحبوب

اذا تبين تضعفين و تاكلين في نفس الوقت ولا ادوخين ولا هم يحزنون

روحي وحدة من هالمراكز اللي يطرشون الوجبات للبيوت شرات استار اكاديمي

بيطرشون لج اكل في الصندوق وتاكلين من الصندوق على راحتج و بتضعفين بعد

بس على شرط ما تاكلين شي برع الصندوق غير الخضرا

و نص ساعة مشي في اليوم كفاية

و في شهر بتنقصين حوالي 4 كيلو…

والله احسن لج من هالحبوب

مممممممم مشكوره الغاليه..

بس ما اظني يوصلون منطقتنا..لنها بعيده عن بوظبي…

انزيين انتي تعرفيين شو هالمراكز اللي توصل؟؟؟بتصل بهم وبشييك

شو يا عذاري بس بتاخذين الحبوب من غير رجيم .. من غير رياضه.. من غير تخفيف في الاكل..
عندي لج طريقه حلوه.. انتي سوي مثلي … انا تراني دبدوووبه شراتج وأول شي سويت اني خففت في الاكل..
تعرفين كيف تميت أكل بس الثلاث وجبات في اليوم ..
كلي عادي أكلج الطبيعي في هالوجبات الثلاث ولا تاكلين بينهن غير عصير ومااااي ..
سمعتي الماااااااااااي كثري منه قدر ماتقدرين لانه يساعدج في خفض الوزن ومفيد يشد الجسم ..

انزييييييييييييييين

ويوم بتكملين ثلاث اسابيع على هالنظام أبدي خففي في الاكل في الثلاث وجبات ..
لأنه خلاص جسمج تعود على الأكل القليل وسوي رياضه…

انا جذيه سويت ..

وأمس أشتريت حبوب تخسيس وآخذهن ألحينه..

احس بدوخه ..

حبوب التخسيس يسرعن الدم في الجسم عشان يحرقن الدهون ..

عذاري عليج بالمشي لمدة ساعه على الاقل اوكي وخلي عنج الكساله ترا العرسان مايبووون الدبدوووبه ام كرشه فهمتي بتعنسين بيت أهلج وبيعايرووونج وبيقولولج العانس العيوووز خخخخخخخخخخ

ولا تنسيني من دعائك
ربي يغفرلي ويسترني وينحفني ويجمعنا وياكم في الجنه
اميــــــــــــــــــــــن
المشي يوميا نص ساعه على اقل
يلا شد ي الهمة وجرب حضك مع رجيم وانا وعدك اني وشجعك