اسمعوني ولا تقسون علي

انا انسانه حياتي كانت كلهاا لدراستي واهلي وبعد ما اتخرجت من الجامعة اشتغلت ع طول وصار عندي اوقات فراغ ووايد في يومي , دخلت المسن واتعرفت ع ناس وايد بس لفت انتباهي شخص واحد عجبتني صراحته ووايد ومشاعرهه واحساسيه كنت اكلمه بس بالمسنجر وكنت اشوفه بالكام بدون ما يشوفني يوم عن يوم اتطورت العلاقه من بينا وصرت اكلمه ف الفون وشافني وشفته ساعات اييني في دوامنا وساعات برع حبيته ووايد ع فكره هو اكبر مني بعشر اسنين مطلق وعنده ولد ,,,,
انا حسيت مع هاالانسان بالسعاده اللي تتمناها اي بنت وانا بطبعي ووايد رومانسيه
بس والله ان ضميري يعذبني يوم عن يوم انا اصلي واصوم واقرا قران الحمدلله وراضيه ربي بس علاقتي مع هالانسان احس انها غلط ف غلط هو مخلص معاي لدرجه كبيره ،,
وهو يبا يخطبني بس ظروفه الماديه ما تسمح واهلي ما بيوافقون عليه انا متاكده لأنه مطلق ,,,,,
انا وووايد تعبانه ومحتاجه حد يرشدني ويساعدني … انا يبتله طاري اني ما اقدر اكمل هالعلاقه وهي حرام بس ما قدرت اتحمل كلامه وتوسله لي اني ما ادمر حياته لانه شاف وايد في حياته من بلاوي ومصائب ويحس اني بر الأمان ويقول انا ما صدقت احصلج … انا والله ما عندي هالسوالف ابد وانا انسانه وايد ملتزمه ولا عمري اتعرفت ع شاب غيره والله … انا ما انكر اني معاه اعيش احلى ايامي بس صدقوني ضميري ذابحني ما ابا اغضب ربي ابا اعرس بس واستقر والله …
اتمنى نصيحتكم واتمنى ما تقسون علي لاني محتاجه مساعدتكم ….