السلام عليكم ورحمة الله وبركاته
اشحالكم خواتي فالله
عندي مشكله وابغي حل وان شاء الله تحلون المشكلههذي المقدمة:
المشكلة انا تعرفت على واحد من كمن شهر
ومن اول اسبوع عقب ما عرفت اخلاقه قلت له انا
ما اقدر اكمل وياك اذا تباني بالحلال تعال واذا لا انت من صوب وانا من صوب
وسار الريال كلم امه وهي وافقت والمشكلة ابوه ما وافق
وعقب انا عرفت اخلاقه وعقب كملت وياه لانه هو يدرس الحين
وهو قالي عقب بيخطبني وعرفني على عمته هي على عمري انزين الحين المشكلةاني انا سرت مكان عام وشفته
طبعا ما استوى شي بينا بس شوفه ومن بعيد ادري
انه هذا الشي غلط وحرام بس الله يسامحني
انزين وانا طالعه اختربت السيارة مالتي وهو كان نفس المكان بس شوي بعيد
واتصلت له وقلت تعال شوف السيارة وحتى ياو الناس وحاولو السيارة ما اشغلت
وعقب اتصلت حق نسيبي وياي وشافه مع الناس وهذا الريال سلم على نسيبي
وعقب ركبت مع نسيبي سرت البيت
والريال لاحقني لين بيتنا وقابل ابوي وكلمه عشان يخطبني
وخذ رقم ابوي وعطاه ابوي رقمه
والمصيبة كان قايل حق ابويه انه عمته مطرشه الهدايا الي هو كان يايب
حقي وعطاهم ابوي وقاله هذا من صوب عمته ونسيبي شايفنه يصلح السيارة
وعقب ابويه كلمني وقالي تعرفينه قلت لا وراواني الرقم قلت ما عرف
وقالي اذا انتي ما قلتي الصدق مشكلتكم بتكبر وابوي كان يفكر وااايد
حسيت من ويه ابوي حاس كأنه مستوي شي بيني وبينه
وانا ادعي في كل صلاتي انه ما يستوي شي
والله يخليكم ادعو ربي يخليكم
اتمنى يصلح كل شي
قولوا آمين
اختكم :حشيمة الذآت
اتخيلي واحد يايب الهدايا للبيت وبكل فخر يقول من عند عمته
وبنفس الوقت يقول انه طالب ايدج
والله لو ماكان ابوج اي واحد بيشك فالموضوع
بس اللي عليج الحين اتسوينهانج تبتعدين عنه
واذا الله كاتب له نصيب معاه ان شاءالله بتاخذينه
واذا مب نصيبج الله بيعوضج بأحسن عنه ان شاءالله
بس نصيحتي لج تبتعدين
وروحي صلي لج ركعتين ادعي الله يفرجها وييسر الامور
وكثري من الاستغفار حبيبتي
اتقبلي مروري
خويتج
والله يكتبج من نصيبه