افضل حضانه بالشارقه؟

السلام عليكم كيف حالكم
حبيت اسالكم عن افضل حضانه بالشارقه انا سمعت عن حضانه بيج بن بس ما اعرف عنها اي معلومات وكام اسعارها يريت تفيدوني

للرفع

والله اختي مااعرف الاسعاراتصلي بس حضانه ممتازة

وعليكم السلام
حبيبتي شوفي انا ما دخلت ولدي بالحضانه بس يتني فتره كنت ادور عالحضانه حق ولدي,,
فالحضانات الزينه الصراحه عندج النصر الانجليزيه عن تجربه من قبل الناس..
عندج حضانه نوف الصغير نظام روعه والمكان وايد حلو عندهم سستر تتواجد معاهم ..هاي بالغبيبه اعتقد حضانتين بالشهر مابين 700 و800 شهريا
هالحضاناه انا زرتهم شفت الكلاسات والمعلمات ..
انا عندج حضانة النجوم يمدحونه مجربه من قبل ناس..

الي عنده اي سؤال عن حضانة النحلة الطنانة يتفضل انا بجاوبه

انا سمعت فعلا عن حضانه النحله الطنانه بس ما اعرف عنها اي معلومات ياريت تفيديني اخت نحله الطنانه

احنا كنا حاطين اخوواني وعيالي عمي كلهم في البج بن وبعد عيال خالتهم

يعني تقدرين تقوولين كل الصغاريه كانوا فيها

والحق ينقال كانت المديره والمدرسات صدق مهتمين فيهم ويسوولهم فعاليات

ووتأسس انجليزي وووايد اووكي حتى العربي وكان كل مره اينا متعلم شي يديد

ويعطون كل طفل يزرع نبته ويتعلم انه يسقيها ويوم تكبر ايبها هديه حق امه

وعندهم مثل يوم الشرطي ويراويهم سيارته وانه هو اصلا طيب ويحبهم ويلبسوون الصغاريه لبس الشرطه ويسووقون الألعاب ويعلمهم الأشارات وبين فتره وفتره مثل يوم الأصفر او يوم الأحمر وكل يلبسوون ويبوون اشيا بها اللون

يعني صددق هالحضانه كانت احسن عن الحضانه الي حطينا اخوويه الثانيه فيها لانه تيتي زي ما رحتي جيتي مع انه في السعر الثانيه اغلى

واظن الطفل 9000 او 11 مب متأكده بس الي اعرفه انه مب رخيصه