افكار لشراء هدية حق السيارة اليديدة

سلام ع الجميع فديت روحكم بغيت افكار حلوة حق السيارة لانه ريلي خذ سيارة(نيسان 2024) يديدة و ما عرفة شو اخذله
وحليلة غامضني احس انب ابغب افرحة بشى يعيبة من الخاطر
بسررررررررررررررررررررعة خواتي :1 (59):

ما ادري اختي يمكن ميدالية حلوة حق سويج السيارة

او شي يعلقه جدام السيارة

اووووو هممممممممم كفر حق السيتات؟؟؟

ربيعتيه ماخذه سياره يديده و انا شريتلها ميداليه عشان كل ما تشوفها تتذكرني
خذي مصحف او معطر للسياره من اللي ينباع في المنتدى
يوم خذت سيارتي ربيعتيه يابتلي زباله مخصوصه للسياره تنحط في مكان الاكواب..صغيره و رهيبه لها غطا من ذا ون

انا رأيي من راي البنااات خذيلة ميدالية حلوة او سلسلة فيها قران يعلقها في السيارة

سويله بوكس صغير يحطه في السياره .. و حطي فيه عطر حقه و عطر للسياره و دهن عود أو أي مخلط يعيبه .. و مدخن خاص للسياره و علبتين صغار فيهن دخون و عود …

بتعيبه الفكره صدقيني

افكار البنات حلوه بس انا شفت وحده في المنتدى تبيع هديه كامله للسياره عطر ومكينة تنظيف وكلينكس وبعد فيها اشياء ما اتذكرهن دوريها واسألي عنها يمكن تعجبج انا الصراحه عجبتني

مبرووووووووووووك عليكم .. الله يعطيكم خيرها و يكفيكم شرها

بقولج فكرتي إن شاء الله تناسبج

خلي حد من اخوانج ياخذ سيارته على ساس انه بيجربها عشان يشتري مثلها

و ياخذ السياره و يفرشها بهذاك الفرو الي ينحط تحت الريل

و حطيله فيها ميداليه حللللللللللوه و اشتري له عطر له و معطر للسياره

موفقه يارب