انا ابوي كان متزوج على امي وياب عيال وصار طلاق ومؤخرا قام ابوووي يتواصل مع اخواني من الحرمة الثانية لان امهم كانت تمنعهم نوعا ما… اخواني حاليا في العشرينات من عمرهم وكلهم اولاد واحد فيهم عمره 23 سنة انا اكبر عنه ب 11 سنة تقريبا وانا متزوجه وعندي عيال .. مؤخرا قام يتواصل معاي من خلال الواتساب خذ رقمي من اخوي شقيقي حسيت ريلي مب عايبنه الوضع بس ساكت … ريلي يعرف انه اهو اخووووي بس يحس انه اخوي من ابوي وما كان بينا تواصل فمب عايبنه انه يتواصل معاي بس ساكت …
امي كذلك ما تبانا نتواصل وياهم مافي سبب بس اتقول ما احب المشاكل .. ومرة اخوي واعد ابووي ويا بيتنا يسلم امي وايد عصبت وتمشكلت مع ابوووي وقالت له ما ابا احد من عيالك ايي بيتنا … انا عاذرتنها لان ابوي خذ امهم على امي واكيد كانت محتره طبيعي هالشيء
اخوي هذا مع ان في فرق بينا بالعمر بس احس عقليته مثلي واحسه سابق عمره … واحسه يفتقد جو الاسرة نوعا ما لان ابوي منفصل من سنين عن امه ….
مؤخرا يقولي ابا ايي ازورج في بيتج … بصراحه انحرجت منه … اخاف ريلي يعصب بنفس الوقت وايد ارحمه احسه يبي يكون اسرة خصوصا ان ما عنده خوات بنات شقيقات
ما اعرف هل ألبسه …. والا استقبله … انا مستويه مثل امي ما احب المشاكل بصراحه
لان امهم الله يهديها وايد سوت مشاكل لامي من ضمنها ( سحور ) والله أعلم
هذا اخوج وشال نفس الاسم
لاتقطعين حبل الوصل مادام هو بدا يحسن العلاقة
استقبليه وخلي عيالج يعرفون انه خالهم
وعن ريلج يلسي وياه وقوليه ترا هذا اخويه مب غريب
انا استانس يوم اعرف حد يصير خالي بالرضاعة ولاعمي
اتخيلي بالرضاعه ، فما بالج لو اخوج صدق
الله يألف بين القلوب وخلي مشاكل امج وامه ع صوب
وانج تتمنين يرجع شملكم من يديد لا تقطعين حبل اللوصال وتمي كلمي زوجج
بس الوحيد الي يحبنا و يموت فينا اخوي العود و مرت ابوي
مادام باجي عيالها ما يجرجونها علينا ،،،
المهم يا غناتي هذا اخوج و لا لج بد منه ،،، حرام تلبسينه ،،،
اطلعي معاه ،،، اعزميه في مكان انتي و هو و أبوج
وكان الله غفور رحيم ،،،،
افرضي حسن النية و مب شرط يطلع شرات أمه
اعذريه بعد.. ماله ذنب انولد بهالجو العائلي المشتت
ترى التشتت العائلي يؤدي لوايد مشاكل …
اختي لازم تتواصلين معاه أكيد محتاج ايحس بإحساس العائلة.. لا تقطعين صلة الرحم بينكم
تفاديا لأي شي لا قدر الله اعزميه في مكان بعيد عن البيت و ريلج على علم طبعا
لحد ما تستقر الامور و تتعدل الامور بينكم
و بإذن الله تتسهل الامور
بالنهايه دمكم واحد ترا ومثله مثل اخوج اللي من امج وابوج ، وقولي هالكلام بعد لريلج ،
مافاول عليج لكن لو بكره بعده صارلج شي لا سمح الله ، محد بيوقف معاج غير اخوانج .. لا تخسريهن عشان شي ماله وجود
موفقه عزيزتي
حرام لا تردينه بالعكس استقبليه ببيتج وخبري ريلج قبلها وخذي موافقته وفالنهايه هذا اخوج مب حد غريب